લીલા પત્તાવાળી ભાજીમાં વિટામીન 'સી', લોહ તતત્વ, બીટા કેરોટિન, રેસા, કેલ્શિયમ, એન્ટી ઓકિસડન્ટ વગેરે અનેક લાભદાયી તીતત્વો પુષ્કળ પ્રમાણમાં હોય છે. ભાજી ખાવાથી આંખ, લોહી, હાડકાં, હ્રદય અને સમગ્ર શરીરને ફાયદો થાય છે.
ભાજીમાં રહેલા પોષક તત્વોનો પુરો લાભ લેવા માટે લીલીભાજીને પહેલાં ધૂઓ; અને પછી એનાં શકય એટલાં મોટા ટુકડાં કાપો; લાંબો સમય પાણીમાં પલાળી ન રાખો; શકય હોય તો કાચી ખાવ અથવા ઓછા તાપે ઓછા પાણીએ પ્રેશર કૂકરમાં રાંધો.
જો નાનપણથી સ્વાસ્થ્ય માટે યોગ્ય કાળજી લેવામાં આવે તો ડાયાબિટીસને ચોક્કસપણે અટકાવી શકાય છે. ડાયાબિટીસ અટકાવવા માટે નીચે જણાવેલ સાદા પરંતુ ખુબ જ અગત્યના પગલાં લેવા જોઇએ.
જરૂર કરતાં વધારે ચરબી શરીરમાં જમા થાય ત્યારે વ્યક્તિનું વજન વધે છે. આદર્શ વજન કરતાં જેમ જેમ વજન વધતું જાય તેમ તેમ ડાયાબિટીસ થવાની શક્યતા વધે છે. વ્યક્તિનું આદર્શ વજન કેટલું હોવું જોઇએ તે એની ઊંચાઇના આધારે નક્કી થાય છે. ભારતીય પુરૂષોમાં વ્યક્તિનું આદર્શ વજન =(૨૧) ગુણ્યા (મીટરમાં માપેલ ઊંચાઇનો વર્ગ). એટલે કે પાંચ ફૂટ (=૧.૫ મીટર) ઊંચાઇ ધરાવતાં વ્યક્તિનું આદર્શ વજન = (૨૧) ગુણ્યા (૧.૫) ગુણ્યા (૧.૫) એટલેકે ૪૭.૨૫ કિલોગ્રામ! આ વિષયની વધુ માહિતિ જીવનશૈલી સંપૂટની 'મેદવૃદ્ધિ' નામની પુસ્તિકામાં મળી શકશે. જેમનું વજન વધારે હોય છે તેઓ જો માત્ર પોતાના કુલ વજનમાંથી પાંચથી દશ ટકા જેટલું વજન ઘટાડી શકે તો ડાયાબિટીસ થવાની શક્યતા ૫૮ ટકા જેટલી ઘટી શકે છે. બીજા શબ્દોમાં સીત્તેર કિલો વજન ધરાવનાર જાડી વ્યક્તિ પોતાના વજનમાં ચારથી સાત કિલો જેટલો ઘટાડો છ મહિનાના ગાળામાં કરી શકે અને પછી એટલું વજન જાળવી રાખે તો ડાયાબિટીસ થવાની શક્યતા અડધી થઇ જશે.