Monthly Archives: September 2015

મહાનુભાવી ભગવદીય વ્યાસદાસજી એ વૈષ્ણવો માટે હમેશા ટૂંકા સમય માં પણ વ્રજ યાત્રા નો પાઠ  મુખે થી કરી શકાય તેવો પંચામૃત ગ્રંથ પોતે બનાવ્યો છે ,તે અહીં પ્રસ્તુત છે .

મધુપુરી ,મધુવન ,બેઠક પ્રાણ વલ્લભ કી ,કુમુદ વન ,બહુલા વન ,શ્રી કુંડ રાજ હે.

માનસી ગંગા તે ચંદ્ર સરોવર ,પરાસોલી ,ઉત્સવ નિત કોકિલ કુંડ ગોવર્ધન રાજ હે .

‘કામવન ,બરસાનો,સંકેત સરોવરીપ્રેમ રીઠોરા,નંદગામ ,કરહેલા મહા રાસ કે ;

કોકિલા કામવન ચીર ઘાટ વેલ માનસર વૃંદાવન ગોકુલ સાજ હે .’

આટલા પાઠમાં વ્રજ યાત્રા ના મુખ્ય મુખ્ય ધામો આવી જાય છે .આટલો જ પાઠ મુખ પાઠ હમેશા થાય તો વ્રજવાસ નું ફળ પ્રાપ્ત થાય .

વામન જયંતી એકાદશી ની આરતી –

જય જય વામન એકાદશી ,જય વામન એકાદશી

ભાદરવા મ પ્રતિષ્ઠા ,શુકલ પક્ષ માં નિષ્ઠા ,

વામન રૂપે પધાર્યા ,બલી દાનવ સંવાર્યા……. જય જય એકાદશી

શ્રી કૃષ્ણ કરવટ લે ,સૌ ને આશીર્વચન ડે

વામન તેથી કહે ,અંતર માં નિત રહે ……………જય જય એકાદશી

વ્રત વામન ની ન્યારી ,ફૂલ દિવ્ય ના ભરતા ક્યારી ,

જાય સમસ્યા વારી વારી ,ઉજાળે દુનિયા સારી …જય જય એકાદશી

ભાદરવા માસ ની શુકલ પક્ષ ની એકાદશી

પરિવર્તિની એકાદશી

ધર્મરાજ યુધિષ્ઠિર બોલ્યા : “હે ભગવાન !ભાદરવા માસ ના શુકલ પક્ષ ની એકાદશી  નું નામ શું છે ?તેની વિધિ કઈ છે ? આ એકાદશી નું ફળ શું છે તે કહો .”

શ્રી કૃષ્ણ ભગવાન બોલ્યા : ” હે રાજન ! હવે હું અનેક પાપ નષ્ટ કરનારી અને અંત માં સ્વર્ગ દેનારી ભાદરવા માસ ની શુકલ પક્ષ ની વામન નામ ની એકાદશી ની કથા કહું છું .આ એકાદશી ને જયંતી એકાદશી પણ કહે છે .આ એકાદશી ની કથા સાંભળવા માત્ર થી પાપ નો નાશ થાય છે .આ જયંતી એકાદશી ની કથા થી નીચ ,પાપીઓ નો ઉદ્ધાર થઇ જાય છે .જો કોઈ ધર્મપરાયણ મનુષ્ય આ દિવસે મારી પૂજા કરે છે તેને હું સંસાર ની પૂજા નું ફળ આપું છું .જે મનુષ્ય આ એકાદશી ના દિવસે શ્રી ભગવાન ની પૂજા કરે છે તે ત્રણે દેવતા અર્થાત બ્રહ્મા ,વિષ્ણુ અને મહેશ  ની પૂજા કરે છે .જે મનુષ્ય આ એકાદશી નું વ્રત કરે છે એમણે આ સંસાર માં કશું પણ કરવું શેષ રહેતું નથી .

આ એકાદશી ના દિવસે શ્રી વિષ્ણુ ભગવાન પડખું બદલે છે તેથી તેને પરિવર્તિની એકાદશી પણ કહે છે .યુધિષ્ઠિર બોલ્યા :”હે ભગવાન ! તમારા વચન સાંભળી મને સંદેહ થાય છે કે તમે કેવી રીતે સૂઓ છો ,તથા પાસા બદલો છો ?તમે બલી ને કેમ બાંધ્યો ?અને વામન રૂપ ધારણ કરી ને કઈ લીલાઓ કરી .ચાતુર્માસ વ્રત ની વિધિ કઈ છે તથા તમારા શયન કરવાથી મનુષ્ય નું કયું કર્તવ્ય બને છે ,તે બધુ વિસ્તાર પૂર્વક કહો .

શ્રી કૃષ્ણ ભગવાન બોલ્યા :” હે રાજન ! હવે તમે પાપો ને નષ્ટ કરનારી આ કથા નું શ્રવણ કરો .”

ત્રેતા યુગ માં બલી નામનો એક દાનવ હતો .તે અત્યંત ભક્ત, દાની , સત્યવાદી તથા બ્રાહ્મણો ની સેવા કરનારો હતો .તે પોતાની ભક્તિ ના પ્રભાવ થી સ્વર્ગ માં ઇન્દ્ર ના સ્થાન  પર  રાજ્ય કરવા લાગ્યો .ઇન્દ્ર તથા અન્ય દેવતાઓ આ વાટ ને સહન ન કરી શક્ય અને ભગવાન પાસે જઈ ને પ્રાથના કરવા લાગ્યા .તેથી ભગવાને વામન રૂપ ધારણ કર્યું અને રાજા બલી ને જીતી લીધો .”

ત્યારે યુધિષ્ઠિર બોલ્યા: ” હે જનાર્દન ! તમે વામન રૂપ ધારણ કરી ને બલી ને કેવી રીતે જીત્યો તે મને વિસ્તાર પૂર્વક કહો .”

શ્રી કૃષ્ણ ભગવાન બોલ્યા : ” હે રાજન ! મેં વામન રૂપ ધરી ને રાજા બલી ને યાચના કરી કે હે રાજન !તમે મને મારા ત્રણ ડગલા ભૂમિ  આપશો તો તમને ત્રણ લોક ના દાન  નું ફળ મળશે .”રાજા બલીએ મારી યાચના નો સ્વીકાર કર્યો અને ભૂમિ આપવા તૈયાર થયો ત્યારે મેં મારો આકાર વધારી દીધો અને ભૂલોક માં પગ ,ભુવન લોક માં જાંઘ,સ્વર્ગ લોક માં કમર , મહર લોક માં પેટ ,જળ લોક માં હ્રદય ,તપ લોક માં કંઠ અને સત્ય લોક માં મુખ રાખી ને પોતાનું માથું ઊંચું ઉઠાવ્યું .આ સમયે સૂર્ય ,નક્ષત્ર ,ઇન્દ્ર તથા અન્ય દેવતાઓ મારી સ્તુતિ કરવા લાગ્યા .એ સમયે મેં રાજા ને પકડ્યો અને પૂછ્યું : હે રાજન ! હવે હું મારો ત્રીજો પગ ક્યાં મુકું ? આ સાંભળી રાજા બલી એ મસ્તક નીચે કર્યું .મેં તેના મસ્તક પર ત્રીજો પગ મુકી દીધો અને ભક્ત દાનવ પાતાળ માં ચાલ્યો ગયો ત્યારે મેં ને અત્યંત વિનીત જોયો .મેં તેને કહ્યું કે : હે બલી ! હું સદૈવ તારી પાસે રહીશ .ભાદરવા માસ ની શુકલ પક્ષ ની એકાદશી ના દિવસે મારી એક પ્રતિમા રાજા બલી પાસે રહેછે અને એક ક્ષીર સાગર માં શેષનાગ પર શયન કરે છે .આ એકાદશી એ વિષ્ણુ ભગવાન સૂતા સૂતા પડખું બદલે છે .આ દિવસે વિષ્ણુ ભગવાન ની પૂજા કરવા માં આવે છે .એમાં ભાત અને ધી સાથે ચાંદી નું દાન કરવા માં આવે છે .આ દિવસ ની રાત્રી એ જાગરણ કરવું જોઈએ .આ પ્રકારે વ્રત કરવાથી મનુષ્ય સમસ્ત પાપો થી મુક્ત થઇ સ્વર્ગ લોક માં જાય છે .

અજા એકાદશી ની આરતી

જય  જય અજા એકાદશી ,જય જય અજા એકાદશી

શ્રાવણ માસે પ્રગટે ,કૃષ્ણ પક્ષ માં મલકે ,

હરિશ્ચંદ્ર ને બચાવ્યો ,એક ક્ષણ ને પલકે ……..જય જય અજા એકાદશી

રાત્રી હરિગુણ થાયે ,તેમાં હરિગુણ ગાયે,

દેવ સ્થિતિ પ્રાપ્ત થાયે ,પાપ સર્વે  જાયે …….જય જય અજા એકાદશી

વ્રત અજા એવું શ્રદ્ધાળુ ,આસ્થા કરે અંધશ્રદ્ધાળુ ,

પદ દેવ નું મળતું ,થતું અંતરે અજવાળું ………જય જય અજા એકાદશી

શ્રાવણ માસ ની કૃષ્ણ પક્ષ ની એકાદશી

અજા એકાદશી

કુંતીપુત્ર યુધિષ્ઠિર બોલ્યા :” હે જનાર્દન !હવે તમે મને શ્રાવણ માસ ની કૃષ્ણ પક્ષ ની એકાદશી ના વિષે બતાવો .આ એકાદશી નું નામ શું છે તથા તેની વિધિ શું  છે તે વિસ્તાર પૂર્વક કહો .”

શ્રી કૃષ્ણ બોલ્યા :”હે રાજન ! શ્રાવણ માસ ના કૃષ્ણ પક્ષ ની એકાદશી ને અજા એકાદશી કહે છે .આનું વ્રત કરવાથી સમસ્ત પાપ નષ્ટ થાય છે .જે મનુષ્ય આ દિવસે ભગવાન ની ભક્તિ પૂર્વક પૂજા કરે છે ,વ્રત કરે છે ,તેના સમસ્ત પાપ નષ્ટ થાય છે .આલોક અને પરલોક માં સહાયતા કરનારી આ એકાદશી ના સમાન બીજી કોઈ એકાદશી નથી .આ એકાદશી ની કથા આ પ્રમાણે છે .

પ્રાચીન કાળ માં હરિશ્ચંદ્ર નામ નો ચક્રવર્તી રાજા રાજ્ય કરતો હતો .તે અત્યંત વીર ,પ્રતાપી ,તથા સત્યવાદી હતો .તેણે પોતાની સ્ત્રી તથા પુત્ર ને વેચી દીધા અને સ્વયં એક ચાંડાલ નો સેવક બની ગયો.એમણે એક ચાંડાલ ને ત્યાં સ્મશાન માં કફન લેવાનું કામ કર્યું પરંતુ  આપત્તિ ના સમયે પણ સત્ય ના છોડ્યું .જયારે આ પ્રકારે રહેતા તેમને ઘણાં વર્ષ થઇ ગયા તો તેમને આ નીચ કર્મ પર ખુબ દુઃખ થયું .તે એમાંથી મુક્ત થવા નો ઉપાય શોધવા લાગ્યા .તેઓ સદૈવ ચિંતા માં લાગ્યા રહેતા કે હવે હું શું કરું ?ત્યારે એક સમયે તેમને ગૌતમ ઋષિ મળ્યા .રાજા એ તેમને જોઈ ને પ્રણામ કર્યા અને રાજા ના દુઃખ પૂર્ણ વાક્ય સાંભળી બોલ્યા :”હે રાજન ! શ્રાવણ માસ ના કૃષ્ણ પક્ષ ની એકાદશી જેનું નામ અજા એકાદશી છે તેનું વિધિ પૂર્વક વ્રત કરો તો તમારા સમસ્ત પાપ નષ્ટ થઇ જશે . ”

અજા એકાદશી આવી ત્યારે રાજા એ ઋષિ ના કહ્યાં અનુસાર વિધિ પૂર્વક વ્રત કર્યું તથા રાત્રી જાગરણ કર્યું .આ વ્રત ના પ્રભાવ થી રાજા ના સમસ્ત પાપ નષ્ટ થઇ ગયા .એમણે પોતાની સામે બ્રહ્મા ,વિષ્ણુ ,ઇન્દ્ર, મહાદેવજી આદિ દેવતાઓ ને ઉભેલા જોયા.

તેમણેપોતાના મૃતક પુત્ર ને જીવિત તથા સ્ત્રી ને વસ્ત્ર આભુષણ યુક્ત જોયા .વ્રત ના પ્રભાવ થી તેમને પુનઃ રાજ્ય મળ્યું અને અંત સમયે પોતાના પરિવાર સહીત સ્વર્ગ લોક માં ગયા .

વધાઈ કીર્તન –

આજ આનંદ મારે અતિ ઘણો ,શ્રી ગોકુલ જય જય કાર રે .

ધન્ય ધન્ય નંદ જસોમતી ,જેના જાયા જુગ ના આધાર રે .

શુભ દિન શુભ ઘડી ,શુભ વેળા ને શુભ વાર રે .

લગ્ન નક્ષત્ર જન્મોત્રી ,લખી લાવ્યા ગર્ગાચાર્ય રે .

દહીં છાંટે ગોવાળિયા ,ત્યાં નાચે નર ને નાર રે .

કુસુમ વૃષ્ટિ સુર પતિ કરે ,જન ગોવિંદ બલ બલ જાય રે .

આજ ના જન્માષ્ટમી ના મંગલ ઉત્સવ ની આપ સૌ વૈષ્ણવો ને ખુબ ખુબ વધાઈ .

વધાઈ નું પદ – ઘર ઘર ગ્વાલ દેત હૈ હેરી  રાગ :- સારંગ

ઘર ઘર ગ્વાલ દેત હૈ હેરી ,

બાજત તાલ મૃદંગ બાંસુરી ઢોલ દમામ  ભેરી ….૧ .

લૂંટત ઝટપટ ખાત મીઠાઈ ,કહી ન સકત હોઉં ફેરી ,

ઉન્મદ ગ્વાલ કરત કોલાહલ ,વ્રજ વનીતા સબ ઘેરી ..૨ .

ધ્વજા પતાકા તોરણ માલા ,સબે સિંગારી  શેરી ,

જય જય કૃષ્ણ કહત પરમાનંદ ,પ્રકટ્યો કંસ કો વેરી ..૩ .