કાલા ઘેલા બોલ તારા લાગે છે મીઠડા ,
રોજ રોજ મળવાને આવ શ્યામ તને રાધા ના સમ છે.
જમનાને કાંઠે જલ ભરવા ને જાઉં છું,તારા માટે સારું સારું ખાવાનું લાવું છું ,
અંતર ની આગ ને બુઝાવ ,શ્યામ તને રાધા ના સમ છે.
તારો એ શુદ્ધ પ્રેમ હૈયા ને ખેંચતો ,પ્રેમ તની લહાણ શ્યામ સઘળા ને વહેંચતો
વાંચીશું હૈયા ના ભાવ , શ્યામ તને રાધા ના સમ છે.
તારો વિયોગ શ્યામ મુજ થી સહેવાય ના અંતર ની વાત શ્યામ કોઈ ને કહેવાય ના ,
સાચો છે રાધે શ્યામ , શ્યામ તને રાધા ના સમ છે.
અજવાળી રાત ના એકલડો આવજે ,વનરાવન કુંજ માં રાસ રચાવજે ,
અમ સંગ રજની વીતાવ , શ્યામ તને રાધા ના સમ છે.
