– ‘સાગર’ રામોલિયા
મીરાંને મળ્યો કા’ન, મને અક્ષર મળ્યા,
બંને ધરતાં ધ્યાન, મને અક્ષર મળ્યા.
મીરાં કા’નની પ્રેમદીવાની,
હું દીવાનો અક્ષરનો;
બંનેનો તો એક જ ભાવ,
આનંદ મળે જીવતરનો,
બંને કરીએ ગાન, મને અક્ષર મળ્યા,
મીરાંને મળ્યો કા’ન, મને અક્ષર મળ્યા.
કા’નનાં ગુણ ગાવામાં મીરાં,
શુદ્ધબુદ્ધ પણ ગુમાવે;
હું પણ બનું કલ્પનામાં મસ્ત,
અક્ષરો જ નજરે આવે,
એ વિના જગ વેરાન, મને અક્ષર મળ્યા,
મીરાંને મળ્યો કા’ન, મને અક્ષર મળ્યા.
– ‘સાગર’ રામોલિયા
(રાગ : યહ દેશ હૈ વીર જવાનો કા)
http://www.youtube.com/watch?v=iPcpKRyZ8_o&feature=plcp
હે….. હે….. હે હે હે
આ વૃક્ષો પૃથ્વીની શોભા છે,
કુદરતની રૂડી આભા છે,
આ વૃક્ષોને લોકો…
આ વૃક્ષોને લોકો ન કાપો,
પાણી, ખાતર, રક્ષણ આપો.
હે….. હે….. હે હે હે
એ મસ્ત બનીને ઝૂમે છે,
હવાને કેવાં ચૂમે છે,
એ વાદળને નજીક…
એ વાદળને નજીક ખેંચે છે,
ખુશી દુનિયામાં વહેંચે છે.
હે….. હે….. હે હે હે
પક્ષીને ઝૂલાવે ઝૂલાથી,
સુગંધ ફેલાવે ફૂલોથી,
એ આપે છે ઠંડક…
એ આપે છે ઠંડક દુનિયાને,
આનંદ મળે છે રુદિયાને.
હે….. હે….. હે હે હે
કુદરતનો મિજાજ છે એ,
સંગીતનો રૂડો સાઝ છે એ,
એ રોજ નવાં…
એ રોજ નવાં ગીતો ગાય છે,
સૂરીલી સરગમ છેડાય છે.
હે….. હે….. હે હે હે
દુનિયાનાં રક્ષણહાર છે એ,
જીવોનાં તારણહાર છે એ,
એ વૃક્ષોને કદીયે…
એ વૃક્ષોને કદીયે ન કપાય,
દેવોની જેમ પૂજા કરાય.
‘સાગર’ રામોલિયા
એક ચાંદરડું બારીમાંથી ઘરને અજવાળી ગયું,
હું મથ્યો સૂરજ થવા, તોયે ઘરમાં અંધારું થયું.
*
ટમટમતો તારલિયો નાનો, રોજ મારગ ચીંધે,
આગળ વધવા તત્પર થયો, અનેક નજરું વીંધે.
*
પવનની લહેરખી એક, ઘણું બધું ઉડાડી ગઈ,
મેં ફૂંક મારી તણખલાને, મારી જ બૂરી વલે થઈ.
*
એક અંગારો આગનો નાનો, કેવી આગ લગાડી ગયો,
કામ ન આવ્યો હું ક્યાંય, બળી-બળીને ભલે રાખ થયો.
*
પાણીનું બુંદ નાનકડું, તરસમાં કરાવે હાશકારો,
હું ‘સાગર’ ભલેને થયો, સ્વાદ મારો રહ્યો ખૂબ ખારો.
*
– ‘સાગર’ રામોલિયા
રસ્તાઓ પૂરા કરો બંધ, નેતા આવ્યા!
સુરક્ષાનો કરો પ્રબંધ, નેતા આવ્યા!
*
બસોના રુટ અટકાવો, નેતા આવ્યા!
મુસાફરોને રઝડાવો, નેતા આવ્યા!
*
મેદની ઉપાડી લાવો, નેતા આવ્યા!
ભૂખે-તરસે તડપાવો, નેતા આવ્યા!
*
વિકાસનાં થશે ભાષણ, નેતા આવ્યા!
લોકો કરશે ગણગણ, નેતા આવ્યા!
*
પેકેજથી મલકશે મુખ, નેતા આવ્યા!
હકીકતથી થશે દુ:ખ, નેતા આવ્યા!
*
માનો, આખી છે સરકાર, નેતા આવ્યા!
ભલેને લાગે તીક્ષ્ણ ધાર, નેતા આવ્યા!
*
‘સાગર’ નેતા ઈ તો નેતા, નેતા આવ્યા!
ભલેને ગમે-તેવું કહેતા, નેતા આવ્યા!
*
– (નોંધ : આ રચના રમૂજ માટે લખેલ છે. માથે ન ઓઢવું.)
– ‘સાગર’ રામોલિયા
You are currently browsing the 'સાગર' રામોલિયા blog archives for સપ્ટેમ્બર, 2012.
 | લક્ષ્મણ તરપદા પર Mara Thoth Vidyarthio |
 | Prafulbhai Gordhanbh… પર Mara Thoth Vidyarthio |
 | Balas bharat m પર AME TO KARIGAR (BALGEETO) |
 | sagarramolia પર પૂછો બાળકને! |
 | Arvind Adalja પર પૂછો બાળકને! |
 | ગોદડિયો ચોરો… પર શુભેચ્છા |
 | પ્રા. દિનેશ પાઠક પર ડાકલાં વાગ્યાં (ગઝલ) |
 | ડૉ. કિશોરભાઈ એમ.પટેલ પર લઘુકાવ્ય |
| ડૉ. કિશોરભાઈ એમ.પટેલ પર ખુરશીનો ઘડિયો |
| ડૉ. કિશોરભાઈ એમ.પટેલ પર ફૂલોની દુનિયા (મુકતકો) Pa… |
 | yuvrajjadeja પર આવ્યો છું (હઝલ) |
| yuvrajjadeja પર વૃક્ષોને ન કાપો (ગીત) |
 | બગીચાનો માળી પર તો મજા આવે! |
 | jjkishor પર તો મજા આવે! |
| jjkishor પર ઉપાડો તો મને! (ગઝલ) |
