(ગાલગાગા ગાલગાગા ગાલગાગા)
ચાપલાવેડા વગાડે છે યુવાની,
લાજ-લજ્જાને ભગાડે છે યુવાની.
મન મસાણે જાય, ચસ્કે જીભ ચોટે,
પ્યાસ બીજામાં જગાડે છે યુવાની.
બાટલીના સંગમાં એવો ઘુમાવે,
ઉકરડો અંગે લગાડે છે યુવાની.
ભટકે છે શેખચલ્લી-શો બનીને,
ગાદલાં તોડી જગાડે છે યુવાની.
ત્યાં અટકચાળે જ ચંપલ ખાય ‘સાગર’,
થોબડો ખુદનો બગાડે છે યુવાની.
– ‘સાગર’ રામોલિયા
રહે દૂર ગુંદરની જેમ ન ચોટ,
દૂર રહીશ તો જશે તને ન ખોટ.
બનતો નહિ પાડો, ખાવાની રીતે ખા,
બાપનું ગણીને બધું અન્ન ન બોટ.
રહીશ ડગલે ડગલે છેતરાતો,
સંસારે તારા જેવો ગણાશે ન ભોટ.
ઝાંઝવા પાછળ મૃગ ભાગે એ ખરું,
તું ઝાંઝવું બનીને મૂકીશ ન દોટ.
બલા છે ‘સાગર’ ખરી રાજકારણી,
પણ ભિખારી બનીને માગે ન વોટ.
– ‘સાગર’ રામોલિયા
રંગ ન જવાની પ્રભુ ગેરેન્ટી આપે,
તોયે પાવડરથી ઘર ભરેલ છે.
ઈચ્છા હોય તો ભાઈ દોડીને આવજો,
મૃત્યુની અહીં હરરાજી રાખેલ છે.
હવે હડકવાની રસી પણ મળે,
માનવડંખની દવા ક્યાં બનેલ છે.
‘સાગર’ અટવાયો એ વિટંબણામાં,
મારું આ મન આજ કેમ ભમેલ છે?
‘સાગર’ રામોલિયા
વિધિના વિધાને બેઠો એક આદમી,
પછી પડી જાય હેઠો એક આદમી.
એમના માટે તો નહોતી કોઈ બારી,
તોયે ક્યાંથી આવી પેઠો એક આદમી.
ચાલે નીતિ પ્રમાણે કુદરતચક્ર,
રાખતો કદી ન નેઠો એક આદમી.
ચખાય જાય જુલમી દુનિયામાં તો,
પાપથી થૈ જાય એઠો એક આદમી.
રોકવા છતાંયે ‘સાગર’ ન રોકાયો,
પનારે પડેલો વેઠો એક આદમી.
– ‘સાગર’ રામોલિયા
You are currently browsing the 'સાગર' રામોલિયા blog archives for જુલાઇ, 2011.
 | લક્ષ્મણ તરપદા પર Mara Thoth Vidyarthio |
 | Prafulbhai Gordhanbh… પર Mara Thoth Vidyarthio |
 | Balas bharat m પર AME TO KARIGAR (BALGEETO) |
 | sagarramolia પર પૂછો બાળકને! |
 | Arvind Adalja પર પૂછો બાળકને! |
 | ગોદડિયો ચોરો… પર શુભેચ્છા |
 | પ્રા. દિનેશ પાઠક પર ડાકલાં વાગ્યાં (ગઝલ) |
 | ડૉ. કિશોરભાઈ એમ.પટેલ પર લઘુકાવ્ય |
| ડૉ. કિશોરભાઈ એમ.પટેલ પર ખુરશીનો ઘડિયો |
| ડૉ. કિશોરભાઈ એમ.પટેલ પર ફૂલોની દુનિયા (મુકતકો) Pa… |
 | yuvrajjadeja પર આવ્યો છું (હઝલ) |
| yuvrajjadeja પર વૃક્ષોને ન કાપો (ગીત) |
 | બગીચાનો માળી પર તો મજા આવે! |
 | jjkishor પર તો મજા આવે! |
| jjkishor પર ઉપાડો તો મને! (ગઝલ) |
