આજે રુહીને 2 વર્ષ પૂરા થયાં. મારો ટાઉ દિકરો હવે મોટો થતો જાય છે. Daddy dearest એ જન્મદિવસની ભેટરૂપે એને tricycle લાવી આપી છે. બસ હવે નવો ધંધો મળી ગયો છે એટલે આખો દિવસ સાયકલ લઇને ઘરમાં અને બહાર આમતેમ ફર્યા કરે છે.
હું બીજા છોકરાઓના મા બાપની જેમ રુહીનો જન્મદિવસ કેક કાપીને કે પાર્ટી રાખીને નથી ઉજવતો. કદાચ એવું કરવું એ મારા વ્યક્તિત્વમાં નથી. આજે રુહીની સાથે મંદિરે ગયા હતા અને રુહીના સારા જીવન માટે પ્રાર્થના કરી હતી. હવે રુહીને પણ જે જે કરતા આવડે છે. આટલા નાના છોકરાઓ આટલી સરસ રીતે જે જે કરે તો ભગવાન તો રાજી રાજી જ થઇ જાય. મંદિરમાં એને તો મઝા પડી ગઇ.
જેમ જેમ રુહી મોટી થતી જાય છે એમ ધમાલ વધતી જાય છે. ટપોરી થતી જાય છે. બૂમાબૂમ કરવી, ગમે ત્યાં ચઢી જવું, આખો દિવસ ધમાલ કરવી એ જ ચાલતું હોય છે. નીચે ટાઉનો હાલમાં લીધેલો એક જક્કાસ ફોટો છે.
રુહીને જન્મદિવસ પર ખૂબ ખૂબ શુભેચ્છાઓ અને અંતરના આશીર્વાદ.
Filed under: રુહી | Tagged: જન્મદિવસ, ટપોરી, ધમાલ, tricycle | Leave a comment »
