પ્રભુ દોરવણી નીચે મુકાઈ પ્રેમથી જવું,
કોઈ ભાગ ન બાકી’રે એવું સૌ કરી નાખવું.
ખુલ્લા થાઓ પ્રભુ પ્રત્યે આપણાં સૌ કર્મને,
પ્રભુ-દોરવણી નીચે મૂકી દ્યો પ્રાર્થીને હદે.
ઉન્મુખતા પ્રભુ પ્રત્યે પ્રેમ-ભાવથી રાખજો,
એવા પ્રયત્નોની ઘારા વહેતી અખંડ રાખજો.
તટસ્થતા, હદે શાંતી, સ્થિરતા, સમતા-દશા,
થવા સારું પ્રભુની તે કૃપા-સ્હાય કરો ચહ્યા.
તેવું તેવું થવા સારું પોતાથી બનતું બધું,
કરી સૌ છૂટવું ખંતે, કૃપા તે સાથ માંગજો.
પોતે કર્યા વિના એની કૃપા જો માગશો તમે,
ઊભો ના પડખે રે’શે પ્રભુ પોતાની મેળ તે.
જે તે કર્યા કરો તેમાં પ્રત્યક્ષ કેટલા રહે,
એ બધા સાધના માપો આપણે જાણવા હદે.
ઈશ્વરેચ્છા પરે રે’ છે કેટલી શરણાગતિ,
વિચારો શા કરે પેદા તેયે જે એક માપ છે.
જ્ઞાન-વિવેકની શક્તિ ખીલેલી પુષ્પ જેમ રે’
વર્તન કોરું એવાનું ના થશે કોઈ રીતિએ.
પ્રત્યેક વર્તને એવા પ્રાર્થના કરવી હદે
પ્રાર્થ્યા વિનાનું એવાને કશુએ ખપશે ન તે.
આહારે ભાવના રાખી જે યોગ્ય પ્રાર્થના કરો,
મળમૂત્ર જવા કાળે યોગ્ય તે ભાવના ઘરો.
બીજાની સાથ શી રીતે વર્તતા શ્રેય સૌ તણું,
થતું રહે હદય એવો ભાવ ત્યાં રાખવો ઊંડો.
‘વર્તતા કાઈ કો’ સાથે એથી એને થશે શું શું’
આવી જવો ઘટે ખ્યાલ મેળે એવો હદે પૂરો.
પરોવી ભાવના કામે કરો ઉકેલ કામનો,
થયેલું કામ તે વિના આપણું કામનું ન તો.
કેટલી જાગૃત્તિ રાખી, કેટલી કાળજી લીધી,
ચેતના કેટલી રાખી આધાર એ પરે બધો.
હૃદયે પ્રભુ તણો-ભાવ પ્રત્યેક કર્મમાં રહે,
આપણો કેટલો કેવો, તોળાય સર્વ તેથી જે.
કર્મ પ્રભુ તણો ભાવ બઢાવવા મળ્યા કરે,
ખ્યાલ તે રાખીને ઊંડો સર્વ કર્મ કરવા ઘટે.
શુષ્કતા ના થવા દેવી કર્મમાં પેસતા હદે,
આપણે આપણું જોતા રહેવું બધું પેરથી.
છેતરાઈ જવાવાનું ક્યાયે જે રાખવું નહિ,
શુદ્ધ ચિત્ત કરી રાખ્યા ભાવ-કક્ષા વધારવી.
અજંપો તે કશી વાતે આપણે ધરવો નહિ,
થતું હો જેમ તેવું સૌ થવાવા દ્યો બધું સહી.
કિંતુ વિવેકનું જ્ઞાન ચેતનાવાળું રાખવું,
થતું રે’ તેથી કોઈનું કઈ ન ખોટું ઘટે થવું,
બધા દોર મૂકી છુટ્ટા એક તારે હદે ઊંડે,
પ્રભુ ભાવે રહેવાનું રાખ્યા કરો મથી ઘણું.
-શ્રીમોટા (જીવનપગલે, આ.૧, પૃ. ૩૪ થી ૩૮)
યોગેશ કવીશ્વર
યોગેશ કવીશ્વર
તાજેતરની ટિપ્પણીઓ