મારી રોજનીશી

નીચે મોર્ડન આર્ટનો એક નમૂનો મૂક્યો છે.

આ મોર્ડન આર્ટ કરનાર કલાકાર છે રુહી અને કેનવાસ છે મારા ઘરની દિવાલ. એના હાથમાં પેન્સિલ આવી ગઇ અને સામે દિવાલરૂપી વિરાટ કેનવાસ હોય તો રુહીની અંદરનો કલાકાર જીવ પછી બીજુ કંઇ વિચારે? ઉપરનું ચિત્ર મારા ઘરના હોલના કેનવાસનું છે જ્યારે નીચેનું ચિત્ર બેડરૂમના કેનવાસનું છે. 

 

 

 

જેને આર્ટમાં રસ છે એ સમજી જશે કે બાજુનું ચિત્ર શું કહેવા માંગે છે પણ મારા જેવાને ખબર ના પડી. પછી મને રુહીએ સમજાવ્યું કે આ બોય(Boy) છે એટલે કે બોયનો સાઇડ પોઝ છે. જોયું એક જ આંખ દેખાય છે, નાક છે, મોં પણ છે. બસ કાન ખાલી થોડો અસામાન્ય લાગે છે પણ આટલી સ્વતંત્રતા તો બાળ કલાકારને આપવી જ રહી. 🙂

હમણાં થોડા વખત પહેલા રુહી માટે Poohના ચિત્રો વાળી ડ્રોઇંગ બુક લાવ્યા હતા. એમાં માથાથી પગ સુધી Poohને લીલા રંગથી રંગી નાંખ્યો. મને લાગ્યું કે કદાચ “Environment Friendly” Pooh બનાવ્યો હશે. 🙂

 

 

 

 

 

 

 

રુહી બેટા તારી કલાની હું કદર કરુ છું પણ તારી આ કલા મને હું જ્યારે ઘર છોડીને જઇશ ત્યારે બહુ મોંઘી પડશે.આવા અમૂલ્ય સર્જનને દૂર કરવાનું મન નહોતું થતું તો પણ મારે અને વિભાએ આ ભગીરથ કાર્ય કાલે રાત્રે હાથમાં લેવું પડ્યું અને હજી પણ એ પૂરું નથી થયું. આ અમૂલ્ય સર્જનનું નામોનિશાન દૂર થઇ જાય એ પહેલા એનો ફોટો લઇને સંગ્રહી રાખવાનો મને વિચાર આવ્યો.

 

 

 

 

 

 

તાજેતરમાં લીધેલો રુહીનો એક સરસ ફોટો.

 

 

 

 

 

 

 

 

 

 

 

 

 

 

આમ જોવા જઇએ તો બાળકોના નાનપણના ફોટા સાથે એણે કરેલા તોફાનોને પણ ફોટામાં સંગ્રહવા જોઇએ. જ્યારે બાળકો મોટા થાય ત્યારે એને બતાવી શકાય કે આ જુઓ તમારા પરાક્રમો. રુહી પણ મોટી થશે ત્યારે એને આ બતાવીશ.

Filed under: રુહી, રોજનીશી | Tagged: કલાકાર, કેનવાસ, ચિત્રકામ, તોફાન, પરાક્રમો, બાળકો, બાળપણ, મોર્ડન આર્ટ |