મૃત્યુનો મહોત્સવ
અફાટ અને અનંત દુનિયાને સમાવતો સમુદ્ર …
માથે મૌન ,સ્થિર વિસ્તીર્ણ આકાશ .
સાગરનું અનંત ગાન ….
કિનારે શિશુઓનો મેળો…
કેટલાક મોતીશોધવા સાગર માથે નીકળેલા મરજીવા …
તો ક્યાંક જાત ભાતના વેપાર માટે નીકળેલા શાહ સોદાગર ..
પણ એમાં
પેલા નિર્દોષ શિશુઓ
જુદી ભાત પાડતા
પોતાની મસ્તીમાં મસ્ત
નથી એમને મોતી જોઈતાં….
નથી બનવું એમને મરજીવા …
કે
નથી બનવું શાહ સોદાગર …
એ તો
સમુદ્રની રેતીને સજાવીને બાંધી રહ્યા છે
સુંદર મઝાનું ઘર …
જેને સ્વહસ્તે સરજી -પાડીને અનોખો આનંદ મેળવે છે તેઓ .
સમુદ્રના તરંગો …
નિરખી રહ્યા છે આ બાલશિશુઓની ક્રીડા
એમના સમુદ્રફેનમાંનું છાનું સ્મિત
શિશુઓના મનને હસાવી જાય છે ..
પગદંડીવિહીન આકાશમાં વંટોલિયાની દોડાદોડી
રેખાવિહીન જલનિધિમાં તરંગોની મસ્તી …
મૃત્યુને પણ જાણે ઉજવવો છે મહોત્સવ ..
પેલા
શિશુઓની રમત રૂપે ….!
ગદ્ય ભાવાનુવાદ
