આપણું ઉમરેઠ ( Since 2009 )

ચરોતરનો ઉંબરો..

વડતાલ તાબાના શ્રી સ્વામિનારાયણ મંદિરના રજત જયંતિ મહોત્સવ અંતર્ગત શ્રીમદ સત્સંગીજીવન સપ્તાહનું આયોજન

Leave a comment Posted by on April 2, 2024

વડતાલ તાબાના ઉમરેઠ ઓડ બજાર ખાતે આવેલ શ્રી સ્વામિનારાયણ મંદિરના રજતજયંતિ મહોત્સવ અંતર્ગત શ્રીમદ સત્સંગીજીવન પારાયણ ના બીજા દિવસે કથા મંડપમાં ઉપસ્થિત સંતો મહંતોએ આશિર્વચન પાઠવી સત્સંગી જીવન અંગે ઊંડાણ પૂર્વક સમજ આપી હતી તેમજ સપ્તાહના યજમાન પરિવાર ને વિશેષ આશીર્વાદ પાઠવ્યા હતા. શ્રીમદ્ સત્સંગીજીવન પારાયણ ના પ્રથમ દિવસે શ્રી સ્વામિનારાયણ મંદિરમાં બિરાજમાન શ્રી ઘનશ્યામ મહારાજ સહીતના દેવ ને સુકામેવાનો અન્નકૂટ ધરાવવામાં આવ્યો હતો તેમજ રાત્રીના સમયે મહિલા મંચ નું આયોજન કરવામાં આવ્યું હતુ જેમાં ઉમરેઠ સહીત અન્ય ગામની મહિલાઓએ ભાગ લીધો હતો અને વિવિધ ધાર્મિક અને મનોરંજન કાર્યક્રમ રજૂ કર્યા હતા આ ઉપરાંત શ્રી સ્વામિનારાયણ સંપ્રદાયના વિવિધ મંદિરો ની સ્થાપના કઈ રીતે થઈ તે અંગે સુંદર રીતે રજૂઆત કરી હતી. આજે બીજા દિવસે શ્રી સ્વામિનારાયણ મંદિરમાં બિરાજમાન શ્રી ઘનશ્યામ મહારાજ , શ્રી ગોપાળાનંદ સ્વામી સહીતના દેવ ને મુખવાસ નો અન્નકૂટ ધરાવવામાં આવ્યો હતો આ દિવ્ય દર્શનનો લ્હાવો લઈ ભક્તોએ ધન્યતાનો અનુભવ કર્યો હતો – (વિવેક દોશી, ઉમરેઠ) 

ઉમરેઠને લગતું...

નીચેના બોક્સમાં તમારી પ્રતિક્રીયા જણાવો...

This site uses Akismet to reduce spam. Learn how your comment data is processed.