આપણું ઉમરેઠ ( Since 2009 )

ઉમરેઠના પીપળીમાતા વિસ્તારમાં આવેલ કોગ્રેસ કાર્યલય બહાર ઉભેલા પ્રચાર વાહનો અને કોગ્રેસના બેનરોને ભાજપના કાર્યકરો દ્વારા નુકશાન પહોંચાડવામાં આવતા મામલો બિચક્યો હતો આ અંગે કોગ્રેસના કાર્યકરો સહીત નેતાઓ કાર્યલય ખાતે આવી સદર બનાવની સમીક્ષા કરી હતી અને ભાજપના કાર્યકરો દ્વારા કરવામાં આવેલ કૃત્યને વખોડી કાઢ્યો હતો. સમગ્ર ઘટના અંગે ઉમરેઠ શહેર કોગ્રેસ પ્રમુખ શૈલેષભાઈ પટેલે ઉમરેઠ પોલીસ સ્ટેશને બાઈક રેલીના સંચાલક સહીત બાઈક નંબર જી.જે.૨૩-૨૧૪૩ અને જી.જે.૨૩એ.સી.સી ૧૧૧૫ના ચાકલ વિરૂધ્ધ ફરિયાદ કરી હતી.વધુમાં પ્રાપ્ત માહીતી મુજબ ઉમરેઠના શીલીવગા પાસે આવેલ પીપળીમાતા વિસ્તારમાં તાજેતરમાં અમીતભાઈ ચાવડાના હસ્તે કાર્યલય ખુલ્લુ મુકવામાં આવ્યું હતુ આજે બપોરે ભાજપની રેલી આ વિસ્તાર માંથી પસાર થઈ હતી ત્યારે કેટલાક અસામાજિક કાર્યકરો દ્વારા કોગ્રેસ કાર્યાલય બહાર પડેલા પ્રચાર સાધન સહીત બેનરો અને તોરણો તોડી પાડવામાં આવ્યા હતા અને વિવિધ પ્રચાર સાધનોને નુકશાન કરવામાં આવ્યું હતું. ઉમરેઠમાં બનેલ સદર બનાવને લઈ કોઈ બનાવ ન ઘટે તે માટે ઉમરેઠ પોલીસ દ્વારા ઘટના સ્થળ પર આવી બનાવની સમીક્ષા કરી હતી. અને સદર કૃત્ય કરનાર બાઈક ચાલક અંગે વધુ તપાસ હાથ ધરી છે. ભાજપના કાર્યકરો દ્વારા કરવામાં આવેલ સદર કૃત્યની નગરમાં ટીકા થઈ રહી છે.