ખોતરીએ એક નોકરિયાતની મજબૂરી,
ખોતરીએ એક રંગમંચના કલાકારની કલાને.

ખોતરીએ એક રોડ પર સુતેલા ગાંડાની દ્રષ્ટિને,
ખોતરીએ એક ભાષણ આપતા નેતાના શબ્દોને.

શું મળ્યું ?
ખોતરી એક ગરીબની મજબૂરી અને મળી…જલ્દી આ આયખું પૂરું થવાની ઝંખના,
ખોતરી એક અમીરની તબિયત અને મળી…મોંઘી દવાના સહારે આયખું લંબાવવાની ઝંખના.

ખોતરી એક વૃદ્ધની એકલતા અને મળી… ઘરમાં નકામા હોવાની વેદના,
ખોતરી એક ગૃહિણીની વ્યસ્તતા અને મળી… પતિ તરફથી અપૂર્ણતાની લાગણી.

ખોતરી એક નોકરિયાતની મજબૂરી અને મળી… બોસ તરફથી પ્રશંસા પામવાની લાલસા,
ખોતરીએ એક રંગમંચના કલાકારની કલાને અને મળી… પ્રશંસાને બદલે નાણાંની ઝંખના.

ખોતરી એક રોડ પર સુતેલા ગાંડાની દ્રષ્ટિને અને મળ્યું… આ દુનિયા ગાંડી હોવાનું અનુમાન,
ખોતર્યાં એક ભાષણ આપતા નેતાના શબ્દોને તો મળ્યું… આ દુનિયા xxx હોવાનું પ્રમાણ.

– મિતુલ ઠાકર
10-01-2019