1961

Árþúsund:	2. árþúsundið
Aldir:	19. öldin; 20. öldin ; 21. öldin;
Áratugir:	1941–1950; 1951–1960; 1961–1970; 1971–1980; 1981–1990;
Ár:	1958; 1959; 1960; 1961; 1962; 1963; 1964;

Árið 1961 (MCMLXI í rómverskum tölum) var 61. ár 20. aldar og almennt ár sem hófst á sunnudegi samkvæmt gregoríska tímatalinu.

Atburðir

Janúar

1. janúar - Myntbreytingin í Sovétríkjunum 1961 tók gildi: Eitt núll var tekið af rúblunni um leið og hún var gjaldfelld gagnvart bandaríkjadal.
3. janúar:
- Dwight Eisenhower tilkynnti að Bandaríkin hefðu slitið öll samskipti við Kúbu.
- 25 fórust þegar farþegavél hrapaði til jarðar við Vaasa.
9. janúar - Bresk yfirvöld tilkynntu að þau hefðu afhjúpað sovéskan njósnahring, Portland-njósnahringinn.
17. janúar - Patrice Lumumba, fyrsti lýðræðislega kjörni forsætisráðherra Lýðveldisins Kongó, var ráðinn af dögum.
21. janúar - Elísabet 2. Bretadrottning og Filippus drottningarmaður hófu sex vikna ferðalag um Pakistan, Indland, Nepal og Íran.
24. janúar - B-52 Stratofortress-sprengjuflugvél hrapaði við sveitabæ í Norður-Karólínu. Ein kjarnorkusprengja komst nálægt því að springa.
27. janúar - 68 áhafnarmeðlimir fórust þegar sovéski kafbáturinn S-80 sökk í Barentshafi.
20. janúar - John F. Kennedy tók við embætti forseta Bandaríkjanna.
29. janúar - Körfuknattleikssamband Íslands var stofnað.
30. janúar - Teiknimyndaþættirnir Jógi björn hófu göngu sína í bandarísku sjónvarpi.
31. janúar - Simpansinn Ham var sendur út í geim um borð í Mercury-Redstone 2.

Febrúar

1. febrúar:
- Bandaríkin prófuðu langdrægu eldflaugina Minuteman I í fyrsta sinn.
- Bandaríska símafyrirtækið Bell Telephone setti takkasíma fyrst á markað.
2. febrúar - 600 farþegar skemmtiferðaskipsins Santa Maria komust í land í Recife í Brasilíu eftir 10 daga í haldi mannræningja.
3. febrúar - Eftir að samyrkjuvæðing Kína reyndist misheppnuð, neyddust Kínverjar til að kaupa hveiti frá Kanada.
4. febrúar:
- Verslunarbankinn hóf starfsemi.
- Portúgalar hófu nýlendustríð sitt í Angóla.
9. febrúar - Bítlarnir héldu sína fyrstu tónleika í The Cavern Club í Liverpool eftir að þeir tóku upp nýja hljómsveitarnafnið.
12. febrúar - Sovétríkin sendu könnunarfarið Venera 1 til Venusar.
13. febrúar - Innranríkisráðherra ríkisstjórnar Katanga tilkynnti um morðið á Patrice Lumumba.
14. febrúar:
- Frumefnið lárensín var búið til í fyrsta sinn við Berkeley-háskóla í Bandaríkjunum.
- Sovétríkin kröfðust þess að Dag Hammarskjöld segði af sér eftir morðið á Patrice Lumumba.
- Þúsundir mótmæltu við sendiráð Belgíu um allan heim vegan morðsins á Lumumba.
15. febrúar:
- Sabena flug 548 fórst nærri Brussel með þeim afleiðingum að allir 73 um borð dóu, þar á meðal allt landslið Bandaríkjanna í skautadansi.
- Sólmyrkvinn 15. febrúar 1961 sást vel frá Suður-Evrópu.
17. febrúar - Kórónaveira var í fyrsta sinn greind í manneskju, á Englandi.
21. febrúar - Öryggisráð Sameinuðu þjóðanna hafnaði kröfu Sovétríkjanna um afsögn aðalritara Sþ, en heimilaði friðargæsluliði sínu í Kongó beitingu vopna.
26. febrúar - Hassan 2. tók við krúnunni í Marokkó.

Mars

1. mars:
- Fyrstu kosningarnar voru haldnar í Úganda.
- John F. Kennedy Bandaríkjaforseti stofnaði Friðarsveitina (Peace Corps).
3. mars - Hassan 2. var krýndur konungur Marokkó.
8. mars:
- Max Conrad setti met í hringferð um hnöttinn í léttri flugvél, 8 dagar, 18 tímar og 49 mínútur.
- Sjóræningjastöðin Radio Nord hóf útsendingar frá skipinu Bon Jour á alþjóðlegu hafsvæði í Álandshafi.
13. mars:
- 145 fórust þegar Kurenivka-aurskriðan rann yfir Kænugarð.
- Kýpur gerðist aðili að Breska samveldinu.
15. mars - Suður-Afríka lýsti því yfir að landið segði sig úr Breska samveldinu við stofnun lýðveldis 15. maí.
18. mars:
- Sjálfstæðisstríð Alsírs: Vopnahlé tók gildi.
- Jean-Claude Pascal sigraði Söngvakeppni evrópskra sjónvarpsstöðva 1961 fyrir Lúxemborg með laginu „Nous les amoureux“.
19. mars - Ingrid Bjerkås var fyrsti kvenpresturinn sem tók við embætti í Norsku kirkjunni.
29. mars - 23. viðauki bandarísku stjórnarskrárinnar sem leyfir íbúum Washington D.C. að taka þátt í forsetakosningum var samþykktur.
30. mars - Alþjóðasamningur um ávana- og fíkniefni, 1961 var undirritaður í New York.
31. mars - Bæjarstjóri Évian-les-Bains í Frakklandi, Camille Blanc, var myrtur af frönsku hryðjuverkasamtökunum Organisation armée secrète í aðdraganda þess að bærinn hýsti friðarviðræður í sjálfstæðisstríði Alsírs.

Apríl

7. apríl - Seðlabanki Íslands var stofnaður.
8. apríl - 238 fórust þegar breska gufuskipið MV Dara sprakk og sökk við strönd Dúbaí.
10. apríl - Suðurafríski golfarinn Gary Player var fyrsti útlendingurinn sem vann U.S. Masters-golfmótið.
11. apríl:
- Réttarhöldin yfir Adolf Eichmann hófust í Jerúsalem.
- Portúgalski ráðherrann Júlio Botelho Moniz reyndi misheppnað valdarán í Portúgal vegna óánægju með viðbrögð stjórnarinnar við sjálfstæðisstríði Angóla.
12. apríl - Sovétmaðurinn Júríj Gagarín fór fyrstur manna út í geim.
17. apríl - Kalda stríðið: Innrásin í Svínaflóa á Kúbu átti að hrinda af stað stjórnarskiptum en mistókst.
19. apríl - Bandaríkin sendu herlið til Laos.
21. apríl - Hópur franskra herforingja reyndi misheppnað valdarán gegn stjórn Charles de Gaulle í Alsír.
23. apríl - Judy Garland hélt fræga endurkomutónleika í Carnegie Hall.
24. apríl - Sænska galíoninu Vasa var lyft úr sjó.
25. apríl - Robert Noyce, sem síðar stofnaði Intel, fékk einkaleyfi á samrás.
27. apríl - Síerra Leóne hlaut sjálfstæði frá Bretum.
29. apríl - Alþjóðlegi náttúruverndarsjóðurinn var stofnaður.

Maí

5. maí:
- Öryrkjabandalag Íslands var stofnað.
- Alan Shepard fór út í geim fyrstur Bandaríkjamanna.
6. maí - Tottenham Hotspur F.C. var fyrsta enska knattspyrnuliðið sem sigraði bæði ensku deildina og bikarinn.
7. maí - Keflavíkurganga á vegum hernámsandstæðinga var gengin frá hliði herstöðvarinnar í Keflavík til Reykjavíkur.
8. maí - Breski leyniþjónustumaðurinn George Blake var dæmdur í 42 ára fangelsi fyrir að hafa verið gagnnjósnari fyrir Sovétríkin.
14. maí - Réttindabyltingin: Rúta á vegum Freedom Riders varð fyrir eldsprengju í Alabama og meðlimir Ku Klux Klan réðust á mótmælendur.
15. maí - Þýski lífefnafræðingurinn J. Heinrich Matthaei gerði tilraun sem markaði upphaf ráðningar erfðalykla og þar með nútímaerfðafræði.
16. maí - Park Chung Hee tók við völdum eftir herforingjabyltingu í Suður-Kóreu.
19. maí - Venera 1 var fyrsti manngerði hluturinn sem fór framhjá annarri reikistjörnu, en geimfarið hafði misst samband við jörðu nokkru áður og sendi engin gögn til baka.
21. maí - Fylkisstjóri Alabama, John Patterson, lýsti yfir herlögum eftir að kynþáttaóeirðir brutust út.
24. maí - Réttindabyltingin: Hópur mótmælenda í Freedom Riders-rútu var handtekinn fyrir óspektir um leið og þau stigu út úr rútunni í Jackson, Mississippi.
25. maí:
- Apollo-geimferðaáætluninni var hleypt af stokkunum með ræðu John F. Kennedy um að Bandaríkin hygðust senda menn til tunglsins fyrir lok áratugarins..
- Birgitta Svíaprinsessa giftist þýska prinsinum Jóhanni Georg af Hohenzollern.
27. maí - Forsætisráðherra Malaja, Tunku Abdul Rahman, lýsti yfir fyrirætlun um stofnun Malasíu, með þátttöku Malaja, Singapúr, Sarawak, Brúnei og Sabah.
28. maí - Grein eftir Peter Benenson um sakaruppgjöf fyrir samviskufanga var birt í The Observer, sem markar upphaf samtakanna Amnesty International.
30. maí - Forseti Dóminíska lýðveldisins, Rafael Leónidas Trujillo, var myrtur í fyrirsát.
31. maí - Suður-Afríka gerðist lýðveldi og varð að fullu sjálfstætt frá Bretlandi.

Júní

1. júní - Mesti jarðskjálfti 20. aldar í Eþíópíu reið yfir með þeim afleiðingum að hundruð húsa í Majore og Karakore hrundu.
4. júní - Leiðtogafundurinn í Vín: John F. Kennedy og Níkíta Krústsjev funduðu um kjarnorkutilraunir, afvopnun og stöðu Þýskalands.
8. júlí - Eldflaugabelti var sýnt opinberlega í fyrsta sinn þegar Harold Graham flaug með Bell Rocket Belt í Fort Eustis í Bandaríkjunum.
10. júní - Kóreska leyniþjónustan var stofnuð undir forystu Kim Jong-pil gagngert til að njósna um eigin borgara.
11. júní - Eldnóttin: Hryðjuverkasamtökin Befreiungsausschuss Südtirol gerðu röð sprengjuárása í Bolzano og nágrenni.
16. júní - Sovéski ballettdansarinn Rúdolf Núrejev flúði til Vesturlanda á París-Le Bourget-flugvelli.
19. júní - Kúveit varð sjálfstætt emírat í stað bresks verndarríkis.
22. júní - Moise Tshombe var leystur úr haldi vegna skorts á sönnunargögnum sem tengdu hann við morðið á Patrice Lumumba.
23. júní - Suðurskautssamningurinn tók gildi.
25. júní - Forseti Íraks, Abd al-Karim Qasim, lýsti því yfir að hann hygðist innlima Kúveit.
27. júní - Kúveit óskaði eftir aðstoð frá Bretum gegn ógn frá Írak.
30. júní - Norræna flugfélagið Scanair var stofnað til að stunda leiguflug til sólarlanda.

Júlí

Júlí - Amnesty International var stofnað.
1. júlí - Listasafn ASÍ var stofnað.
4. júlí - Leki kom að kjarnakljúfi sovéska kjarnorkukafbátsins K-19.
5. júlí - Fyrsta ísraelska geimflaugin, Shavit 2, tók á loft frá Palmachim-flugvelli.
6. júlí - Norður-Kórea og Sovétríkin gerðu með sér samning um vináttu og gagnkvæma hernaðaraðstoð.
7. júlí - Yfir 100 tékkóslóvakískir kolanámumenn köfnuðu til bana þegar lokað var á loft til hluta Dukla-kolanámunnar til að kæfa eld.
11. júlí - Norður-Kórea og Alþýðulýðveldið Kína gerðu með sér samning um vináttu og gagnkvæma hernaðaraðstoð.
12. júlí:
- Yfir 1000 fórust þegar Khadakwasla-stíflan brast við Pune á Indlandi.
- Tékkóslóvakísk Iljúsjín II-18-flugvél hrapaði í lendingu við Casablanca með þeim afleiðingum að allir 72 um borð létust.
15. júlí - Pólland setti ný lög um skólahald sem kom á skólaskyldu til 16 ára aldurs og gerði alla grunnskóla veraldlega.
18. júlí - Varðberg, félag ungra áhugamanna um vestræna samvinnu, var stofnað á Íslandi.
19. júlí:
- Þjóðfrelsisfylking sandínista í Níkaragva var stofnuð.
- Trans World Airlines hóf sýningu kvikmynda um borð í flugvélum.
- Bizerte-kreppan hófst þegar Túnisbúar reyndu að setja hafnbann á franska herstöð í Bizerte.
20. júlí - Kúveit gerðist aðili að Arababandalaginu.
21. júlí:
- Gus Grissom var annar Bandaríkjamaðurinn í geimnum um borð í Liberty Bell 7.
- Frakkar hernámu túnísku borgina Bizerte og héldu henni næstu 2 árin.
25. júlí - John F. Kennedy hélt ræðu í sjónvarpi þar sem hann hafnaði brotthvarfi Bandaríkjamanna frá Vestur-Berlín.
30. júlí:
- Fyrsta brúin yfir Hornafjarðarfljót var opnuð.
- Finnland gerðist aðili að Fríverslunarsamtökum Evrópu.
31. júlí:
- Lýðveldið Írland var fyrsta landið sem sótti um aðild að Evrópubandalaginu eftir stofnun þess.
- IBM setti rafmagnsritvélina IBM Selectric á markað, fyrstu ritvélina með leturkúlu í staðinn fyrir leturarma.

Ágúst

2. ágúst - 22 ferðamenn, flestir þeirra bandarískir kennarar, drukknuðu þegar rúta hrapaði í Lucerne-vatn eftir að flutningabíll ók utan í hana.
3. ágúst - Nýi demókrataflokkurinn var stofnaður í Kanada.
6. ágúst:
- Sovéski geimfarinn German Títov var annar maðurinn sem fór á braut um jörðu og sá fyrsti sem var lengur en einn sólarhring í geimnum um borð í Vostok 2.
- White House Farm-morðin áttu sér stað í Essex á Englandi.
7. ágúst - Sálfræðingurinn Stanley Milgram hóf Milgramtilraunirnar við Yale-háskóla.
8. ágúst - Hin fjögur fræknu hófu göngu sína í samnefndu myndasögutímariti frá Marvel Comics.
9. ágúst - Holtaheia-slysið: 34 börn og tveir kennarar frá Croydon fórust þegar flugvél þeirra hrapaði í fjallinu Holtaheia í Noregi.
10. ágúst - Bretland sótti formlega um inngöngu í Evrópubandalagið.
11. ágúst - Hringmyrkvi var sýnilegur frá Suður-Íshafi.
12. ágúst - Leiðtogi Austur-Þýskalands, Walter Ulbricht, undirritaði tilskipun um lokun landamæranna að Vestur-Þýskalandi.
13. ágúst - Bygging Berlínarmúrsins hófst og markaði upphafið að 28 ára aðskilnaði Vestur- og Austur-Berlínar.
17. ágúst - Hljómsveitin Bítlarnir hélt sína fyrstu tónleika í Hamborg.
18. ágúst - Grasagarður Reykjavíkur var stofnaður.
21. ágúst - Jomo Kenyatta var sleppt úr fangelsi í Kenía.
25. ágúst - João Goulart tók við embætti forseta Brasilíu.
29. ágúst - Fimm létust þegar frönsk herflugvél sleit kapal fyrir kláf í Frönsku Ölpunum.

September

1. september:
- Sjálfstæðisstríð Eritreu hófst með orrustunni um Adal.
- Fyrsti fundur Samtaka hlutlausra ríkja var haldinn í Belgrad.
3. september - Síðasta tölublað danska fréttablaðsins Dagens Nyheder kom út.
10. september:
- Slys varð í keppni í Formúlu 1 á kappakstursbrautinni í Monza á Ítalíu þar sem ökumaður Ferrari, Wolfgang von Trips, ók á áhorfendapalla með þeim afleiðingum að 14 áhorfendur létust auk hans sjálfs.
- Bandarísk leiguflugvél fórst skömmu eftir flugtak frá Shannon-flugvelli á Írlandi með þeim afleiðingum að 83 létust, mest konur og börn bandarískra hermanna á leið heim til Bandaríkjanna.
13. september - Morthor-aðgerðin: Herlið á vegum Sameinuðu þjóðanna réðist gegn aðskilnaðarsinnum í Katanga.
14. september - Ný herforingjastjórn Tyrklands dæmdi 15 meðlimi fyrri ríkisstjórnar til dauða.
17. september:
- Adnan Menderes, fyrrum forsætisráðherra Tyrklands, var hengdur ásamt tveimur öðrum fyrrum ráðherrum.
- Lundúnalögreglan handtók yfir 1300 mótmælendur gegn útbreiðslu kjarnavopna á Trafalgartorgi.
18. september - Sextán manns, þar á meðal aðalritari Sameinuðu þjóðanna, Daga Hammarskjöld, fórust í flugslysi á leið til Katanga í Kongó.
28. september - Valdaránið í Sýrlandi 1961: Herforingjauppreisn í Damaskus batt enda á Sameinaða Arabalýðveldið.
30. september - Efnahags- og framfarastofnunin (OECD) var stofnuð.

Október

1. október - Breska nýlendan Syðri-Kamerún fékk sjálfstæði, sameinaðist fyrrum Frönsku Kamerún og myndaði sambandsríkið Kamerún.
5. október - Sameinaða Arabalýðveldið, sambandsríki Egyptalands og Sýrlands, var lagt niður.
6. október - Háskólabíó hóf starfsemi í nýju húsnæði við Hagatorg, en var áður í Tjarnarbíói.
10. október - Eldgos braust út á Tristan da Cunha. Allir íbúar eyjunnar voru fluttir til Bretlands þar sem þau dvöldu til 1963.
12. október - Dauðarefsing var afnumin á Nýja-Sjálandi.
17. október - Blóðbaðið í París 1961: Lögregla réðist á mótmælendur gegn því að útgöngubann beindist aðeins að Alsírbúum með þeim afleiðingum að tugir létust.
19. október - Arababandalagið tók við vörnum Kúveit af Bretum.
22. október - Bjarni Benediktsson var kosinn formaður Sjálfstæðisflokksins.
26. október:
- Eldgos hófst í Öskju.
- Rómarsáttmáli um vernd listflytjenda, framleiðenda hljóðrita og útvarpsstofnana var samþykktur.
- Cemal Gürsel varð forseti Tyrklands.
27. október:
- Vopnahlé tók gildi í Katanga.
- Berlínarkreppan: Bandarískir og sovéskir skriðdrekar stilltu sér upp gegnt hver öðrum við Checkpoint Charlie í Berlín.
30. október - Sovétmenn sprengdu Tsarsprengju yfir Novaja Zemlja.
31. október:
- Yfir 270 fórust þegar fellibylurinn Hattie gekk yfir Belísborg í Belís.
- Lík Stalíns var fjarlægt úr Grafhýsi Leníns í Moskvu.

Nóvember

3. nóvember:
- Skemmtistaðurinn Glaumbær var opnaður við Tjörnina í Reykjavík.
- U Thant var kjörinn aðalritari Sameinuðu þjóðanna.
5. nóvember - Skólabruninn í Elbarusovo: Yfir 100 börn og kennarar fórust í eldsvoða í skóla í Elbarusovo í Tsjúvashíu í Sovétríkjunum.
8. nóvember - 77 nýliðar í Bandaríkjaher fórust þegar Imperial Airlines flug 201/8 fórst í lendingum við Richmond í Virginíu.
9. nóvember - Robert White setti hraðamet í flugi, 6.587 km/klst, í North American X-15-flugvél.
10. nóvember - Nafni borgarinnar Stalíngrad var breytt í Volgograd.
11. nóvember:
- Sparisjóður vélstjóra tók til starfa í Reykjavík.
- Blóðbaðið í Kindu: Þrettán ítalskir flugmenn á vegum Sameinuðu þjóðanna voru myrtir af kongóskum hermönnum.
13. nóvember - Leikhópurinn Gríma frumsýndi leikritið Læstar dyr eftir Jean-Paul Sartre í Tjarnarbíói.
15. nóvember - Argentínski dansarinn Maria Estela Martinez Cartas, sem notaðist við sviðsnafnið „Isabel“, giftist fyrrum forseta Argentínu, Juan Perón, í Madríd. Isabel Perón varð síðar fyrsti kvenforseti heims eftir lát manns síns.
17. nóvember - Michael Rockefeller hvarf í frumskógum Nýju-Gíneu.
19. nóvember - Flugmannabyltingin: Stjórn Trujillos í Dóminíska lýðveldinu var steypt af stóli í herforingjabyltingu.
24. nóvember - Matvælaáætlun Sameinuðu þjóðanna var hleypt af stokkunum sem tímabundnu verkefni.
25. nóvember - Vesturbæjarlaug var opnuð.
27. nóvember - Bandaríska hljómsveitin Pendletones gaf út sína fyrstu smáskífu „Surfin“/„Luau“. Skömmu síðar breytti dreifingaraðili þeirra nafni sveitarinnar í The Beach Boys.
28. nóvember - Fyrsti hópur marokkóskra gyðinga fluttist til Ísraels eftir að hafa fengið leyfi frá Hassan 2.
29. nóvember - Simpansinn Enos varð fyrsti bandaríski geimfarinn sem fór á braut um jörðu og komst heill til jarðar.

Desember

1. desember:
- Hollenska Nýja-Gínea breytti nafni sínu í Vestur-Papúa.
- Síðasti leggur Nordlandslínunnar í Noregi, milli Bodø og Fauske, var opnaður.
2. desember - Fidel Castro lýsti því yfir í sjónvarpsávarpi að Kúba yrði sósíalískt ríki.
9. desember - Tanganjika hlaut sjálfstæði.
10. desember:
- Sovétríkin slitu stjórnmálasambandi við Albaníu.
- Dag Hammarskjöld fékk friðarverðlaun Nóbels eftir dauða sinn.
11. desember:
- Víetnamstríðið: Fyrstu bandarísku herþyrlurnar komu til Saígon sem markar formlega upphaf þátttöku Bandaríkjanna í stríðinu.
- Adolf Eichmann var dæmdur sekur um stríðsglæpi.
15. desember - Ísraelskur stríðsglæpadómstóll dæmdi Adolf Eichmann til dauða fyrir þátttökuna í helförinni.
17. desember:
- Indland réðst inn í Góa.
- Yfir 300 fórust í eldsvoða í sirkustjaldi í Niterói í Brasilíu.
18. desember - Háskólinn í Addis Ababa var stofnaður í Eþíópíu.
19. desember -
- Portúgalar samþykktu að láta Góa af hendi til Indverja.
- Matvælaáætlun Sameinuðu þjóðanna var komið á fót.
- Sukarno gaf út skipunina Tri Komando Rakjat þar sem hann hvatti Indónesa til að berjast gegn stofnun sjálfstæðs ríkis í Vestur-Papúa.
21. desember - Forsætisráðherra Katanga, Moise Tshombe, viðurkenndi stjórnarskrá Kongó.
23. desember - Fiumarella-slysið: 71 lét lífið þegar járnbrautarvagn fór af sporinu og féll 30 metra niður af brú nálægt Catanzaro á Ítalíu.
31. desember - Fyrsta sjónvarpsstöð Írlands, Telefís Éireann (síðar Raidió Teilifís Éireann), hóf útsendingar.

Ódagsett

Institut polytechnique des sciences avancées var stofnaður í Frakklandi.

Fædd

1. janúar - Georg Guðni Hauksson, íslenskur myndlistarmaður (d. 2011).
11. janúar - Gunnar Smári Egilsson, íslenskur blaðamaður.
12. janúar - Arnfríður Guðmundsdóttir, íslenskur guðfræðingur.
13. janúar - Julia Louis-Dreyfus, bandarísk leikkona.
18. janúar - Peter Beardsley, breskur knattspyrnumaður.
26. janúar - Wayne Gretzky, kanadískur íshokkíleikmaður.
28. janúar - Arnaldur Indriðason, íslenskur rithöfundur.
30. janúar - Liu Gang, kínverskur stærðfræðingur.
31. janúar - Jeffrey Ross Gunter, bandarískur athafnamaður.
8. febrúar - Vince Neil, bandarískur tónlistarmaður (Mötley Crüe).
18. febrúar - Armin Laschet, þýskur stjórnmálamaður.
23. febrúar - Gylfi Sigfússon, íslenskur viðskiptafræðingur.
24. febrúar - Erna Solberg, norsk stjórnmálakona.
6. mars - Sigmundur Ernir Rúnarsson, íslenskur blaðamaður.
7. mars - Sanae Takaichi, japönsk stjórnmálakona.
11. mars - Múhameð bin Zayed Al Nahyan, emír af Abú Dabí.
18. mars - Jóhann R. Benediktsson, íslenskur lögreglumaður.
21. mars - Lothar Matthäus, þýskur knattspyrnumaður.
3. apríl - Eddie Murphy, bandarískur leikari og grínisti.
4. apríl - Gyrðir Elíasson, íslenskur rithöfundur.
12. apríl - Lisa Gerrard, áströlsk songkona.
14. apríl - Daniel Clowes, bandarískur myndasöguhöfundur.
15. apríl - Carol W. Greider, bandarískur sameindalíffræðingur og nóbelsverðlaunahafi.
17. apríl - Eyjólfur Kristjánsson, íslenskur söngvari.
18. apríl - Élisabeth Borne, frönsk stjórnmálakona.
23. apríl:
- Andrej Kúrkov, úkraínskur rithöfundur.
- Þröstur Leó Gunnarsson, íslenskur leikari.
30. apríl:
- Arnór Guðjohnsen, íslenskur knattspyrnumaður.
- Isiah Thomas, bandarískur körfuknattleiksmaður.
6. maí - George Clooney, bandarískur leikari.
8. maí - Bill de Blasio, bandarískur stjórnmálamaður.
9. maí - Rannveig Rist, íslenskur verkfræðingur og fyrrum forstjóri ÍSAL.
13. maí - Dennis Rodman, bandarískur körfuknattleiksmaður og leikari.
17. maí - Enya, írsk söngkona.
1. júní - Jevgeníj Prígozhín, rússneskur athafnamaður (d. 2023).
3. júní - Lawrence Lessig, bandarískur lögfræðingur.
5. júní - Sigrún Waage, íslensk leikkona.
6. júní - Tom Araya, sílesk-bandarískur tónlistarmaður.
9. júní - Michael J. Fox, kanadísk-bandarískur leikari.
14. júní - Boy George - enskur söngvari.
19. júní - Bidhya Devi Bhandari, nepölsk stjórnmálakona.
21. júní - Joko Widodo, indónesískur stjórnmálamaður.
24. júní:
- Alma Möller, landlæknir og heilbrigðisráðherra Íslands.
- Ralph Reed, bandarískur stjórnmálaráðgjafi.
27. júní - Dragan Kazic, serbneskur knattspyrnumaður.
1. júlí:
- Díana, prinsessa af Wales (d. 1997).
- Carl Lewis, bandarískur frjálsíþróttamaður.
9. júlí - Raymond Cruz, bandarískur leikari.
15. júlí - Forest Whitaker, bandarískur leikari.
17. júlí - António Costa, portúgalskur stjórnmálamaður.
29. júlí - Búi Kristjánsson, íslenskur myndlistarmaður.
30. júlí - Laurence Fishburne, bandarískur leikari.
4. ágúst:
- Barack Obama, Bandaríkjaforseti.
- Pumpuang Duangjan, taílensk söngkona (d. 1992).
8. ágúst - The Edge, írskur gítarleikari (U2).
9. ágúst - John Key, forsætisráðherra Nýja-Sjálands.
22. ágúst - Thomas Hoeren, þýskur lögfræðingur.
24. ágúst - Stéphane Richard, franskur athafnamaður.
27. ágúst - Ástráður Haraldsson, ríkissáttasemjari Íslands.
2. september:
- Grímur Grímsson, íslenskur stjórnmálamaður.
- Carlos Valderrama, kólumbískur knattspyrnumaður.
6. september - Hrefna Róbertsdóttir, íslenskur sagnfræðingur.
11. september - Elizabeth Daily, bandarísk leikkona.
13. september - Dave Mustaine, bandarískur tónlistarmaður.
24. september - Guðlaugur Friðþórsson, íslenskur sjómaður.
29. september - Julia Gillard, forsætisráðherra Ástralíu.
13. október - Doc Rivers, bandarískur körfuknattleiksmaður.
26. október - Uhuru Kenyatta, kenískur stjórnmálamaður.
30. október - Dmítríj Múratov, rússneskur blaðamaður.
31. október - Peter Jackson, nýsjálenskur kvikmyndaleikstjóri.
1. nóvember - Petr Pavel, forseti Tékklands.
6. nóvember - Karl Blöndal, íslenskur ritstjóri.
11. nóvember - Lilja Mósesdóttir, íslenskur hagfræðingur.
19. nóvember - Meg Ryan, bandarísk leikkona.
20. nóvember - Kim Delaney, bandarísk leikkona.
22. nóvember - Gary Valentine, bandarískur leikari.
28. nóvember - Alfonso Cuarón, mexíkóskur kvikmyndaleikstjóri.
1. desember - Christine Kangaloo, trínidadísk stjórnmálakona.
6. desember - Magnús Þorsteinsson, íslenskur athafnamaður.
12. desember - Lárus Guðmundsson, íslenskur knattspyrnumaður.
13. desember - Guðmundur Torfason, íslenskur knattspyrnumaður.
16. desember:
- Jon Tenney, bandarískur leikari.
- Bill Hicks, bandarískur grínisti (d. 1994).
24. desember - Ilham Aliyev, aserskur stjórnmálamaður.
25. desember:
- Ghislaine Maxwell, breskur kynferðisbrotamaður.
- Bjarni Harðarson, íslenskur bóksali.
27. desember - Guido Westerwelle, þýskur stjórnmálamaður (d. 2016).
30. desember - Ben Johnson, kanadískur íþróttamaður.

Dáin

4. janúar - Erwin Schrödinger, austurrísk-írskur eðlisfræðingur (f. 1887).
9. janúar - Emily Greene Balch, bandarískur hagfræðingur (f. 1867).
10. janúar - Dashiell Hammett, bandarískur rithöfundur (f. 1894).
16. janúar - Jóhannes Áskelsson, íslenskur jarðfræðingur (f. 1902).
17. janúar - Patrice Lumumba, kongóskur stjórnmálamaður (f. 1925).
26. febrúar - Múhameð 5. af Marokkó, konungur Marokkó (f. 1909).
26. febrúar - Alberto Galateo, argentínskur knattspyrnumaður (f. 1912)
3. mars - Paul Wittgenstein, austurrískur píanóleikari (f. 1887).
9. mars - Friðrik Friðriksson, íslenskur prestur (f. 1868).
25. mars - Arthur Drewry, enskur forseti FIFA (f. 1891).
9. apríl - Zog Albaníukonungur (f. 1895).
19. apríl - Jimmy Youell, breskur flugmaður (f. 1900).
4. maí - Maurice Merleau-Ponty, franskur heimspekingur (f. 1908).
7. maí - Þorkell Þorkelsson, íslenskur eðlisfræðingur (f. 1876).
13. maí - Gary Cooper, bandarískur leikari (f. 1901).
28. maí - Peter Petersen, danskur ljósmyndari (f. 1881).
30. maí - Rafael Trujillo, dóminískur stjórnmálamaður (f. 1891).
5. júní - Ludwik Fleck, pólsk-ísraelskur læknir (f. 1896).
6. júní - Carl Jung, svissneskur sálfræðingur (f. 1875).
13. júní - Axel Andrésson, íslenskur knattspyrnumaður (f. 1895).
2. júlí - Ernest Miller Hemingway, bandarískur rithöfundur (f. 1899).
9. júlí - Jóhannes Birkiland, íslenskur rithöfundur (f. 1886).
13. júlí - Gústav Adolf Jónasson, íslenskur lögfræðingur (f. 1896).
14. júlí - Jón Þorleifsson, íslenskur myndlistarmaður (f. 1891).
29. ágúst - Böðvar frá Hnífsdal, íslenskur rithöfundur (f. 1906).
18. september - Dag Hammarskjöld, fyrrum aðalritari Sameinuðu þjóðanna (f. 1905).
12. október - Eugene Bullard, bandarískur herflugmaður (f. 1895).
19. október - Werner Jaeger, þýskur fornfræðingur (f. 1888).
30. október - Luigi Einaudi, ítalskur hagfræðingur (f. 1874).
20. desember - Johannes Larsen, danskur listmálari (f. 1867).
26. desember - Kristofer Uppdal, norskur rithöfundur (f. 1878).
28. desember - Edith Wilson, bandarísk forsetafrú (f. 1872).
29. desember - Matthías Þórðarson, íslenskur þjóðminjavörður (f. 1877).

Nóbelsverðlaunin