11. nóvember

Okt – Nóvember – Des
Su	Má	Þr	Mi	Fi	Fö	La
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30
2026 Allir dagar

11. nóvember er 315. dagur ársins (316. á hlaupári) samkvæmt gregoríska tímatalinu. 50 dagar eru eftir af árinu. Dagurinn er þjóðhátíðardagur Póllands.

Atburðir

• 1100 - Hinrik 1. Englandskonungur gekk að eiga Edit af Skotlandi.
• 1403 - Danskur og sænskur floti sigldi til Gotlands til að ná eynni undan þýsku riddurunum.
• 1404 - Innósentíus 7. varð páfi.
• 1417 - Otto di Colonna varð Marteinn 5. páfi.
• 1606 - Þrettán ára stríðinu milli Habsborgara og Ottómana lauk með friðarsamningnum í Zsitvatorok.
• 1675 - Gottfried Wilhelm von Leibniz notaði heildun í fyrsta sinn til að finna flatarmál svæðisins undir fallinu y=x.
• 1846 - Bein Reynistaðarbræðra, sem hurfu á Kili 1780, voru jarðsett á Reynistað. Þau höfðu fundist þá um sumarið.
• 1869 - Wallace-minnismerkið var fullgert í Stirling í Skotlandi.
• 1918 - Fyrri heimsstyrjöldinni lauk með því að Þjóðverjar lögðu niður vopn og var því fagnað víða um lönd, en í Reykjavík blöktu fánar í hálfa stöng vegna spænsku veikinnar.
• 1918 - Austurríkiskeisari sagði af sér og embættið var lagt niður. Habsborgaraveldið leið því undir lok.
• 1918 - Pólland lýsti yfir sjálfstæði.
• 1920 - Matthías Jochumsson var gerður að heiðursborgara Akureyrar og heiðursdoktor í guðfræði við Háskóla Íslands, en hann varð 85 ára þennan dag.
• 1928 - Iðnskólinn í Hafnarfirði var stofnaður.
• 1933 - Rykstormar í Suður-Dakóta; Dust Bowl flettu jarðvegi af ræktarlöndum.
• 1943 - Leigubílastöðin Hreyfill var stofnuð.
• 1943 - Pétur Hoffmann Salómonsson sagði svo frá að hann hefði barist einn við bandaríska hermenn í Selsvör í Reykjavík og haft betur.
• 1945 - Framkvæmdir hófust við Vestmannaeyjaflugvöll.
• 1951 - Juan Perón var endurkjörinn forseti Argentínu.
• 1958 - Skipaflutningafyrirtækið Hafskip var stofnað.
• 1961 - Sparisjóður vélstjóra var stofnaður.
• 1962 - Leikfélag Reykjavíkur frumsýndi leikritið Hart í bak eftir Jökul Jakobsson. Leikritið var sýnt 205 sinnum og alltaf fyrir fullu húsi.
• 1965 - Ródesía lýsti einhliða yfir sjálfstæði frá Bretlandi og stofnun lýðveldis.
• 1966 - Á Spáni var gefin út almenn sakaruppgjöf fyrir menn sem börðust við hlið falangista í spænsku borgarastyrjöldinni.
• 1968 - Á Maldívum var lýst yfir stofnun lýðveldis.
• 1970 - Rafiðnaðarsamband Íslands var stofnað.
• 1975 - Angóla fékk sjálfstæði frá Portúgal.
• 1978 - Maumoon Abdul Gayoom varð forseti Maldíveyja.
• 1983 - Heræfingin Able Archer 83 hófst á vegum NATO í Vestur-Evrópu.
• 1986 - Bandaríska tölvufyrirtækið Unisys varð til við sameiningu Sperry Rand og Burroughs.
• 1991 - Hljómsveitin Bless hélt sína síðustu tónleika.
• 1992 - Enska biskupakirkjan samþykkti að konur gætu orðið prestar.
• 1993 - Borgarastyrjöldin á Srí Lanka: Hundruð srílanskra hermanna létust í orrustunni um Pooneryn.
• 1994 - Guðmundur Árni Stefánsson félagsmálaráðherra, sem hafði verið ásakaður um mistök í embætti, sagði af sér.
• 1997 - Olíuleiðsla gegnum Téténíu var opnuð á ný.
• 1997 - Mary McAleese var kjörin forseti Írlands.
• 1998 - Samtök ferðaþjónustunnar voru stofnuð á Íslandi.
• 1999 - 67 létust þegar fjölbýlishús hrundi í Foggia á Ítalíu.
• 2000 - Kaprunslysið: 152 skíða- og snjóbrettamenn létust þegar eldur kom upp í dráttarlest inni í göngum.
• 2001 - Kvikmyndin Mávahlátur var valin besta íslenska kvikmyndin á Edduverðlaunahátíðinni.
• 2001 - Blaðamennirnir Pierre Billaud, Johanne Sutton og Volker Handloik létust í árás á bílalest sem þeir ferðuðust með í Afganistan.
• 2006 - Leikjatölvan PlayStation 3 var gefin út í Japan.
• 2007 - Rússneska olíuskipið Volganeft-139 brotnaði í tvennt í miklum stormi í Svartahafi og yfir 2000 tonn af olíu láku út.
• 2007 - Andie Sophia Fontaine, bandarískur innflytjandi, tók sæti á Alþingi sem varaþingmaður Vinstri-grænna. Hún var fyrsti útlendingurinn sem tók sæti á Alþingi.
• 2010 - Fundur G-20 hófst í Seúl. Viðfangsefni fundarins voru viðbrögð við Alþjóðlegu fjármálakreppunni.

• 2011 - Fyrsta fullgerða útgáfa tölvuleiksins Minecraft kom út.
• 2011 - Giorgos Papandreou, forsætisráðherra Grikklands, sagði af sér.
• 2018 - Í mörgum löndum var því fagnað að 100 ár voru liðin frá lokum fyrri heimsstyrjaldar.
• 2021 - SpaceX sendi fjóra meðlimi leiðangursins Expedition 66 til Alþjóðlegu geimstöðvarinnar.
• 2022 - Innrás Rússa í Úkraínu 2022: Úkraínskar hersveitir endurheimtu borgina Kherson í suðurhluta landsins.
• 2022 - Rafmyntamiðlarinn FTX lýsti sig gjaldþrota.
• 2023 - Grindavík var rýmd vegna hættu á eldgosi. Jarðskjálftahrina olli talsverðum skemmdum á byggingum.

Fædd

• 1050 - Hinrik 4. keisari (d. 1106).
• 1154 - Sancho 1., Portúgalskonungur (d. 1212).
• 1155 - Alfons 8., konungur Kastilíu (d. 1214).
• 1599 - María Eleónóra af Brandenborg, drottning Svíþjóðar, kona Gústafs 2. Adólfs.
• 1631 - Gísli Þorláksson, Hólabiskup (d. 1684).
• 1675 - Samuel Clarke, enskur heimspekingur (d. 1729).
• 1736 - Jón Skúlason, varalandfógeti (d. 1789).
• 1821 - Fjodor Dostojevskíj, rússneskur rithöfundur (d. 1881).
• 1830 - Brynjulf Bergslien, norskur myndhöggvari (d. 1898).
• 1831 - Daniel Willard Fiske, bandarískur ritstjóri og fræðimaður (d. 1904).
• 1835 - Matthías Jochumsson, prestur og skáld (d. 1920).
• 1863 - Paul Signac, franskur listmálari (d. 1935).
• 1864 - Alfred Hermann Fried, austurrískur blaðamaður (d. 1921).
• 1869 - Viktor Emmanúel 3., konungur Ítalíu (d. 1947).
• 1882 - Gústaf 6. Adólf, Svíakonungur (d. 1973).
• 1885 - George Patton, bandarískur hershöfðingi (d. 1945).
• 1898 - René Clair, franskur kvikmyndagerðarmaður (d. 1981).
• 1918 - Stubby Kaye, bandarískur leikari (d. 1997).
• 1922 - Kurt Vonnegut, bandarískur rithöfundur (d. 2007).
• 1925 - Jonathan Winters, bandarískur gamanleikari (d. 2013).
• 1926 - Torfi Bryngeirsson, frjálsíþróttakappi og Evrópumeistari í langstökki (d. 1995).
• 1928 - Jón Ásgeirsson, íslenskt tónskáld.
• 1928 - Ólafur Ólafsson, landlæknir á Íslandi (d. 2022).
• 1929 - Pálmi Jónsson, íslenskur stjórnmálamaður.
• 1941 - Jorge Solari, argentínskur knattspyrnumaður.
• 1945 - Daniel Ortega, forseti Níkaragva.
• 1948 - René Harris, nárúskur stjórnmálamaður (d. 2008).
• 1959 - Lee Haney, bandarískur vaxtarræktarmaður.
• 1961 - Lilja Mósesdóttir, íslenskur hagfræðingur.
• 1962 - Demi Moore, bandarísk leikkona.
• 1966 - Benedikta Boccoli, ítölsk leikkona.
• 1974 - Leonardo DiCaprio, bandarískur leikari.
• 1974 - Samúel J. Samúelsson, íslenskur tónlistarmaður.
• 1955 - Friedrich Merz, þýskur stjórnmálamaður.
• 1977 - Höskuldur Ólafsson, íslenskur tónlistarmaður.
• 1981 - Vilhjálmur 5. af Lúxemborg stórhertogi.
• 1983 - Philipp Lahm, þýskur knattspyrnumaður.
• 1986 - Greta Salóme Stefánsdóttir, íslensk tónlistarkona.
• 1987 - Jake Abel, bandarískur leikari.

Dáin

• 1189 - Vilhjálmur 2. Sikileyjarkonungur (f. 1153).
• 1285 - Pétur 3., konungur Aragóníu (f. 1239).
• 1638 - Cornelis Corneliszoon frá Haarlem, hollenskur listmálari (f. 1562).
• 1686 - Loðvík 2. Condé, franskur hershöfðingi (f. 1621).
• 1812 - Ólafur Stephensen stiftamtmaður (f. 1731).
• 1855 - Søren Kierkegaard, danskur heimspekingur (f. 1813).
• 1917 - Liliuokalani, Hawaiidrottning (f. 1838).
• 2004 - Yasser Arafat, leiðtogi PLO (f. 1929).