Tag Archives: Gujrati

મે7

થાળ

Posted on by
સામાન્ય

(રંગ અવધૂત મહારાજનો થાળ)

રંગ અવધૂત મારા રંગ અવધૂત,

ભિક્ષા લેવાને વહેલા આવજો . . .

જાગ્યાં મારા ભાગ્ય વ્હાલા ખૂલ્યાં મારા ભાગ્ય,

પાવન કરવાને વહેલા આવજો . . . 


ચોખા ને મગની ખીચડી આપ તો આરોગતા,

ભાજી કે શાક તમે સંગે આરોગતા,

ચર્ચા નહિ સ્વાદની કૈં ગનતા પ્રસાદ . . . ભિક્ષા . . .


ચાહું કે ભિક્ષા દેવી વિધવિધ ભોજનજી,

બરફી ઘેબર ને પેંડા જલેબીની વાનગી,

લાડુ ને માલપૂઆ વેઢમી સંગાત . . . ભિક્ષા . . .


મૈસુર ને દૂધપાક સાથે ઉત્તમ શીખંડ હો,

કેરીનો રસ ને સાથે હલવાસન પાક હો,

સુતરફેણી પણ પીરસું લેજો આસ્વાદ . . . ભિક્ષા . . .


બાસમતી ભાત સાથે ખીચડી બનાવું,

ચોળાફળી ને રીંગણ, સુરણનું શાક લાવું,

બટાકા ટમેટાનું રસદાર શાક . . . ભિક્ષા . . .


વિધવિધ ફરસાણ પણ મેં છે બનાવ્યાં,

વિધવિધ સરીતાઓનાં જળ પણ મેં છે આણ્યાં,

તાંબુલ એવું સજાવું! થાયે રસદાર . . . ભિક્ષા . . .


ઈશ્વર रसो वै स: થઇ ને છે વ્યાપયો,

ભોજન તો अन्नं ब्रह्म મંત્ર છે મેં જાણ્યો,

લેજો હો ગુરુવર તમે એનો આસ્વાદ . . . ભિક્ષા . . .


દિધો આદેશ પાંડુરંગે વિઠ્ઠલને,

જન્મ હું ધરીશ તારો વ્હાલુડો બાળ થઇને,

પાંડુરંગ થઇને આવ્યો દુ:ખડાં હરવાય . . . ભિક્ષા . . .


અન્નકૂટ મેં ધરીયો રંગા તારી નજરની સામે,

આરોગો અવધૂત જેથી પાંડુરંગ પામે,

દાસ થઇને વીનવું રંગા કરજો કૃપાય . . . ભિક્ષા . . .

= = = ૐ = = =

અષાઢ સુદ પૂર્ણિમા (ગુરુ પૂર્ણિમા) સં. ૨૦૭૬. તા. ૫-૭-૨૦૨૦.

 

જૂન5

ધન્ય ધરા ગુર્જરી

Posted on by
સામાન્ય

ધન્ય ધરા ગુર્જરી,

જાણે ઝલકી સ્નેહ નિર્ઝરી . . . ધૃવ . . .

 

માટી એની કાળી ધોળી,

વસુધાએ પૂરી રંગોળી;

ફળ ફૂલ લચી પડ્યાં ખૂબ મ્હેંકે,

ધાન્ય ભર્યા વિસ્તારી . . . ધન્ય ધરા . . .

 

अतिथी देवो भव: નું દર્શન,

સ્મિત સહ આવકારતાં વદે વચન;

કોઈ પારકાં રહે નહીં અહીં,

વિવેકની સરવરી . . . ધન્ય ધરા . . .

 

રેવા સૌને નિર્મલ કરતી,

મહી તાપી ફળદ્રૂપતા દેતી;

નાની મોટી સરિતાઓ પણ,

જલથી છે સૌ ભરી . . . ધન્ય ધરા . . .

 

દત્ત ચરણ ગીરનારે વસતાં,

પાવાગઢ પર કાલી રમતાં;

અંબાજીનો આશ્રય પામે,

ગુર્જર પ્રજા મન ભરી . . . ધન્ય ધરા . . .

 

કૃષ્ણચંદ્ર દ્વારીકામાં વસતા,

સોમનાથ શિવ સૌને ગમતા;

બુદ્ધ મહાવીર વિચારધારા,

પાષાણ પાટી પર પ્રસરી . . . ધન્ય ધરા . . .

 

નરસિંહના મધુરાં પદ ગૂંજે,

જલારામ સેવા સહુ પૂજે;

અવધૂત રંગની મૌન વાણીની,

વહેતી મધુરી લહેરી . . . ધન્ય ધરા . . .

 

ગાંધી વલ્લભની આ ભૂમિ,

રવિશંકર દાદાએ ચૂમી;

સંત પૂનિતની સેવા ભક્તિ,

લોક હૃદયમાં પ્રસરી . . . ધન્ય ધરા . . .

___ ૐ ____

ચૈત્ર સુદ ચૌદસ સં. ૨૦૭૬. તા. ૨૦-૪-૨૦૨૦.

નવેમ્બર26

પુસ્તકાલય: એ વાતનું આશ્ચર્ય!

Posted on by
સામાન્ય

વિશ્વ પુસ્તકાલયોની સહકારી સંસ્થા ‘ગુજરાત પુસ્તકાલય સહાયક સહકારી મંડળી લિ.‘ સંસ્થાના માસિક “પુસ્તકાલય”માં પ્રકાશિત મારું ગીત ‘એ વાતનું આશ્ચર્ય!’ એપ્રિલ ૨૦૧૭માં પ્રકાશિત થયું હતું.

 

ઓક્ટોબર16

પુસ્તકાલય: સરસ્વતી વંદના

Posted on by
સામાન્ય

વાક્-બારસ (વાઘ બારસ) ના આ પવિત્ર દિને આપણી સમક્ષ રજૂ કરું છું.

 

વિશ્વ પુસ્તકાલયોની સહકારી સંસ્થા ‘ગુજરાત પુસ્તકાલય સહાયક સહકારી મંડળી લિ.‘ સંસ્થાના માસિક “પુસ્તકાલય”માં પ્રકાશિત મારું ગીત ‘સરસ્વતી વંદના’ જાન્યુઆરી ૨૦૧૭માં પ્રકાશિત થયું હતું.

સરસ્વતી વંદના

 

સપ્ટેમ્બર16

પુસ્તકાલય: “દત્ત દશક”ને આવકાર.

Posted on by
સામાન્ય

વિશ્વ પુસ્તકાલયોની સહકારી સંસ્થા ‘ગુજરાત પુસ્તકાલય સહાયક સહકારી મંડળી લિ.‘ એ મારું પુસ્તક “દત્ત દશક” ગત માહ પ્રકાશિત કર્યું. આ પુસ્તકને આવકારતો ડૉ. દેવદત્ત જોષીનો લેખ સંસ્થાના માસિક “પુસ્તકાલય”માં પ્રગટ થયો.