Posted in ghazal on 10/10/2011| Leave a Comment »
સપનું તૂટી રહ્યું છે ?
નગરને અરે કોણ લૂંટી રહ્યું છે?
ગુલોને ચમનનાં એ ચૂંટી રહ્યુ છે!
અહીં આજ લાગે આ અંધારી ભીંતે
કિરણ જેવું જાણે શું ફૂટી રહ્યું છે!
અહીં સ્વાસને ક્યાં કશુંયે નડયું છે
ભીતરમાં ભરેલું એ ખૂટી રહ્યું છે
વિચારોની હેલી ચડે ત્યારે લાગે
અમારાય મનને તે કૂટી રહ્યું છે
સમયસર તો જાગો, છતાં એમ લાગે
અધૂરું એ સપનુંય તૂટી રહ્યું છે?
ભરત ત્રિવેદી
10.10.2011
Posted in ghazal on 10/09/2011| Leave a Comment »
એક બિલાડી –
એક બિલાડી રોજ સવારે મારા ઘરમાં આવે છે
આવે ત્યારે એક સામટી ચીચીયારી લો ભાગે છે
પોપટ મારો સાવ એકલો પિંજરમાં છે કેદ છતાંયે
પાંખ વિંઝતો એ બિચારો અંદર અંદર લાગે છે!
કોઇ કોઈનું છે નથી તોય કેમ એવું આ લાગે કે
હું નથી હોતો ઘરમાં તોય ઘરમાં એ તો જાગે છે!
આંખો ઢાળી સપનામાં તો જંતર જેવું વાગે છે
પણ સવારે રોજ કેટ કેટલુ ધીમું ધીમું માગે છે!
કોણ આવ્યું છે સવારે આ તે કેવું આંગણ સુનું
ડાળ પર જો એક કાગડો શાને આજે કાગે છે !
ભરત ત્રિવેદી
8.9.2011
Posted in ghazal on 10/09/2011| Leave a Comment »
એક સસ્પેન્સ ગઝલ
હવે એક માણસ જો કાયમ મરે છે
અહીં કોઈ એવું અગોચર ફરે છે!
કબર ખોદવાથી તો કૈયે મળ્યું ના
છતાં એમ લાગે એ ધીમે સરે છે!
અહીં સાવ અંધારી ચાદર લપેટી
સિતારાની માફક એ રાતે ખરે છે!
ગઝલમાં છૂપાયું હશે કોણ એવું
કરી બંધ આંખોમાં કેવું તરે છે!
નથી કોઈ દેખાતું આજે અહીંયા
ખભે હાથ રાખી પૂછે કે: ડરે છે?
ભરત ત્રિવેદી
૧૦/૮.૨૦૧૧
Posted in ghazal on 10/09/2011| Leave a Comment »
રૂપીયો સવા દે!
લગાગા લગાગા લગાગા થવાદે
હવે વાતને તુંય આગળ જવાદે
અમે તો તને રોજ એવું જ કહીશું
ઇલાજો જવા દે ને જખમો નવા દે
વધી આગ એવી થવા દે થવા દે
હવે તો વધારે હવા દે હવા દે
દરદ તો અમારું મટે કે મટે ના
હવે રોજ આવી ને અમને દવા દે
બધી વાતને ભૂલી આજે કહે ને
ધરી ગોળ ધાણા રૂપીયો સવા દે!
ભરત ત્રિવેદી
૧૦/૮.૨૦૧૧
Posted in ghazal on 10/09/2011| Leave a Comment »
સવાસો કોસ છે –
ફુલ છે ને એટલે નિર્દોશ છે
ને હવે તો આ હવામાં જોશ છે!
ચાંદની તુંયે હવે જંપી ગઈ?
જો ચમનને કેટલો મદહોશ છે!
એ બધું મારા ગજાની વાત છે?
તો પછી શાને તમારે રોશ છે?
ભાગ્ય રેખાને કહો બદલું હવે?
આ હથેળીનો બધોયે દોષ છે!
એમને શોધી શકે આજે ચરણ?
ધામ એનું તો સવા સો કોસ છે!
ભરત ત્રિવેદી
૧૦.૮.૨૦૧૧
Posted in ghazal on 10/08/2011| 1 Comment »
દુવામાં વાર શી-
ફુલ છે મેલાં થવામાં વાર શી?
કે પછી પાછાં જવામાં વાર શી?
હોય છે ટૂંકી ભલેને જિંદગી
મ્હેંકને તરતાં હવામાં વાર શી!
રોગ પરખાતો નથી એની ફિકર
શોધતાં એની દવામાં વાર શી?
એ પુરાણું છે હવે ના ચાલશે
લાવતાં એવું નવામાં વાર શી?
માગતાં ક્યારે કશું મળતું નથી
માગશું એને દુવામાં વાર શી?
ભરત ત્રિવેદી
10.7.2011
Posted in ghazal on 10/08/2011| Leave a Comment »
સવાસો કોસ છે –
ફુલ છે ને એટલે નિર્દોશ છે
ને હવે તો આ હવામાં જોશ છે!
ચાંદની તુંયે હવે જંપી ગઈ?
જો ચમનને કેટલો મદહોશ છે!
એ બધું મારા ગજાની વાત છે?
તો પછી શાને તમારે રોશ છે?
ભાગ્ય રેખાને કહો બદલું હવે?
આ હથેળીનો બધોયે દોષ છે!
એમને શોધી શકે આજે ચરણ?
ધામ એનું તો સવા સો કોસ છે!
ભરત ત્રિવેદી
૧૦.૮.૨૦૧૧
Posted in ghazal on 10/04/2011| 1 Comment »
એક ગરબા ગઝલ
ગઝલ રસ અમારો આ ગરબે રમ્યો છે
અને તે પછીથી તો સૌને નમ્યો છે!
જે દિવસે તો ડાહ્યો બનીને સૂતો પણ
એ રાતે તો પાછોય ક્યાં ક્યાં ભમ્યો છે!
લઈ હાથ તાળી એ કેવો બન્યો કે
છકેલો છતાંયે બધાંને ગમ્યો છે!
લઈ રાત આખીય માથે છતાંયે
સૂરજનોય તડકો તો એણે ખમ્યો છે!
અરે આટલો તુંય હરખાય શાને ?
કઈ વાતથી આટલું ટમટમ્યો છે !
ભારત ત્રિવેદી
10/4/2011
Posted in ghazal on 09/30/2011| Leave a Comment »
અહીં તો –
અહીં તો મને એ ના ક્યાંયે જડે છે
છતાં થાય એવું કે કાયમ નડે છે
અહીં જે ચગ્યો તે પછીથી પડ્યો છે
મળ્યો દેહ કેવો કે હેઠો પડે છે!
અહીં તો અજાણી એ ક્યારે નડી છે
ઉદાસીને કાયમ ઘર મારું જડે છે!
અહીં કોઇને કોણ પરખી શકે છે?
કદી કોઈ ક્યારેય એરણ ચડે છે!
અહીં તો બધાંની ગરદન ઝૂકી છે!
ખડગ કોઈ આજે શું સૌને ધડે છે?
-ભરત ત્રિવેદી
9/30/2011
Posted in ghazal on 09/30/2011| 1 Comment »
રેતી ખરે છે –
હવે એ જ આવીને એવું કહે છે
હજી કેમ પર્દાની પાછળ રહે છે?
ઊભા કાફલા જઈને આજે મુકામે
મને લઈને કોઈ હજીયે વહે છે !
બધાને તો એવુંય ના પણ બને કે
ગયુ કોઈ ચાલ્યું એ પાછું વળે છે!
હવે પૂછવાનું સવારે બધાંને
કહો શું એ ગંગા અહીંયાં વહે છે?
વર્ષોથી એનીય મને તો ખબર છે
દીવાલો ખડી તોય રેતી ખરે છે!
ભરત ત્રિવેદી
Posted in ghazal on 09/30/2011| 1 Comment »
વિદેશવટો –
કાલે તો ચાલ્યા’તા ગોઠણ
આજે તો સામે છે ઘડપણ
દૂર મૂલકને દેખે ક્યાંથી
આ બિડાતી છે જો પાંપણ
કાલે જે આવેલાં સપનાં
એવાં આજે ભૂલ્યા સગપણ
ક્યાંથી આ તો રુઝે આજે
જૂના તો જાગ્યા છે વ્રણ
પ્યાસ આજે એવી લાગે
યાદોનાં ઉમટ્યાં છે જો રણ
છૂટ્યું તો પણ કેવું છૂટ્યું
વાછરડું શોધે છે ગોધણ !
-ભરત ત્રિવેદી
10/1/2011
Posted in ghazal on 09/27/2011| Leave a Comment »
બેકાર હોવો જોઈએ –
શબ્દનો આભાર હોવો જોઇયે
અર્થનોયે ભાર હોવો જોઇયે
મૌન જો સામે મળે છે એટલે
આપણે વે’વાર હોવો જોઈયે!
તું ભલેને ગાય આ ગીતો ગઝલ
-ગાનમાં પણ સાર હોવો જોઈયે
ગોળ કે ચોરસ હશે તો ચાલશે
-પ્રેમને આકાર હોવો જોઈયે
હોય નિરાકાર તોયે ચાલશે
રોટલો સાકાર હોવો જોઈએ
કેમ ભટકે છે બધા લોકો પછી
એ ઉપર – બેકાર હોવો જોઈયે!
-ભરત ત્રિવેદી
Posted in ghazal on 09/25/2011| Leave a Comment »
શું કરું ?
તારલા આભે ઉગ્યા છે તોડવાને શું કરું?
હાથ તો ઊંચા કર્યા પણ જોડવાને શું કરું ?
લઈ ફરું છું હવે પણ તે કેટલા અવતારના
આ ઘડા માથે પડ્યા તે ફોડવાને શું કરું ?
એક તો તારી ગલી છે આમ પણ જો સાંકડી
એકદમ તો આ સફરને મોડવાને શું કરું ?
આ બધું ભીતર ભરેલું આવશે ઉપર પછી
લાવવું તો ઉપર પણ ફંફોસવાને શું કરું ?
એ હતો મારો જ છાયો ને જરા વાંકો થયો
રાહ લાંબી છે હવે તરછોડવાને શું કરું ?
ભરત ત્રિવેદી
9/25/2011
Posted in ghazal on 09/25/2011| Leave a Comment »
કોફીની આદત –
અહીં એક છલકાતી કોફીની આદત
અહીં તે પછી છે બધાંની ઈબાદત
અહીં ચારે રસ્તે ઊભો આ મુસાફર
રસ્તાની પાછી નવી શી મરામત !
અહીં આ બધા ખેલ તારા જ છે તો
સમંદર તું શાને પૂછે છે: સલામત ?
અહીં બાંકડે બેસી અખબાર આજે
મળ્યો જો પવન તો કરે છે બગાવત!
અહીં તો હજી ક્યાં છે ફૂલોય રાજી !
ચમેલી ને ચંપાને ક્યાંથી ભણાવત !
-ભરત ત્રિવેદી
9/25.2011
Posted in ghazal on 09/24/2011| Leave a Comment »
કાંઠો –
બધી નાવ વિદાય થઈ જાય જ્યારે
-અટૂલો ઉભો રોજ પસ્તાય કાંઠો
ફરે સૌ ખલાસી સલામત સફરમાં
રહી વાટ જોતો જો હરખાય કાંઠો
સમંદરનાં મોજાંનો હેતુ નકામો
કળી લેતાં સામેય પથરાય કાંઠો
સફરમાં રહ્યો દૂરનો દૂર તોયે
કદી આંખથી ના અલગ થાય કાંઠો
સમંદરના હૈયે વસી વાત જાણી
યુગોથી ઉભો કેમ મલકાય કાંઠો
રહ્યો આમ જોતો કિનારે છતાંયે
સફરમાં ન જાતો શું બંધાય કાંઠો?
-ભરત ત્રિવેદી
Posted in ghazal on 09/24/2011| Leave a Comment »
દેખાય એ નહીં
બારી બહાર જોઉં ને દેખાય એ નહીં
દરિયો નથી જ એટલે પડઘાય એ નહીં?
મારા જ પ્રશ્નના હવે ઉત્તર રુપે મળ્યો
એવું ખરું છે કે મને સમજાય એ નહીં !
એના જવાથી આજ તો સમજાય છે મને
એવું ઘણુંય હોય છે પરખાય એ નહીં !
ચાલી છે આજ એ જ તો કેવી લચક લઈ
અમને મળી છે તે પછી હરખાય એ નહીં!
મારી ગઝલના રાગને છેડ્યો છે એમણે
હૈયે વસી છે વાત જો છલકાય એ નહીં?
ભરત ત્રિવેદી
૯/૨૧/૨૦૧૧
Posted in ghazal on 09/24/2011| Leave a Comment »
શબ્દો-
પડે રોજ કાને ને પડઘાય શબ્દો
કહેજો અગર જો ના સમજાય શબ્દો !
અગર ને મગરની જો બાંધી બુકાની
મળી જાય રસ્તે તો પરખાય શબ્દો?
ભલે લાગતા આ જે શબ્દો ટકાટક
નિભાડે જતાં રોજ ટીપાય શબ્દો !
હવે આજ તો કેવા હોઠે ચડ્યા છે
ભૂલાતા જતા તોય છલકાય શબ્દો !
તમે એક મીઠી નજર જો કરી તો
બિચારી ગઝલનાય ભરમાય શબ્દો!
-ભરત ત્રિવેદી
૯/૨૩/૨૦૧૧
Posted in ghazal on 09/24/2011| 1 Comment »
ધારણ મળે ના
હવે યાદ કરવાને કારણ મળે ના
નવા આ દરદનું મારણ મળે ના ?
ઘણું ટીપવાથી તે આવું બન્યું છે!
હ્રુદય છે અમારું આ એરણ મળે ના
સમી સાંજના સાવ ભટકી છે યાદો
અહીં કોઈ આજે ચારણ મળે ના?
ગયું છે જે ઉપર તે નીંચે તો પડે છે
તને કેમ એનું તારણ મળે ના ?
સમયસર તે આવીને કેવી મળે છે!
લગાગા વિના હૈયા ધારણ મળે ના
ભરત ત્રિવેદી
9/23/2011
Posted in ghazal on 09/24/2011| Leave a Comment »
નાગ –
લિસોટા રચી રોજ સંતાય નાગ
હશે શું તે એવું કે શરમાય નાગ !
સદા આમ તો દરમાં બેઠો રહ્યો તે
લિસોટાની વાટે જ પરખાય નાગ
દિને તો ઉઠાવ્યાં કદમ સાચવીને
છતાં રાતના આવી વીંટાય નાગ
ફસાવા ઇરાદા કરે કોઈ ત્યારે
રહે હાથ ખાલી સરીજાય નાગ
ભલે લાગતો એ સુંવાળો ને ચંચલ
રહ્યા બેખબર તો ડસીજાય નાગ
-ભરત ત્રિવેદી
9/24/2011
Posted in ghazal on 09/21/2011| Leave a Comment »
ક્ષણોને ખૂબ લાગે છે-
તમે જો કૈ ના બોલો તો અમોને ખૂબ લાગે છે
કહ્યું મેં એટલું તે પણ તમોને ખૂબ લાગે છે !
અહીં બાજી બધી છે કોઈના ક્યારેય હાથોમાં
રમતમાં સામે બેઠા તે કહોને ખૂબ લાગે છે !
અહીં ફુલોની સાથે તો તમે જો ખૂબ ખેલ્યા તો
મળ્યા છે કંટકો ત્યારે -ખમોને ખૂબ લાગે છે?
કહો તો આટલે અટકુ કે ચાલું હું વધારે પણ
સફરનો થાક આજે તો રણોને ખૂબ લાગે છે
અમે તો કૈ જ ના કીધું કસોટી તારી પણ તો છે
ઉપાડી ના શક્યો તેવી ક્ષણોને ખૂબ લાગે છે
-ભરત ત્રિવેદી
9.20.2011
