આપણું ઉમરેઠ ( Since 2009 )

શ્રાવણ માસમાં રક્ષા બંધનના દિવસે શ્રવણ નક્ષત્રમાં બ્રાહ્મણો યજ્ઞોપવિત્રી બદલે છે. યજ્ઞોપવિત્રીનો અર્થ – જે બીજા માટે કર્મ કરી પોતાના જ્ઞાનની શક્તિ વડે ત્યાગ અર્પણ કરી બીજાને જ્ઞાન સ્વરૃપ કર્મ કરી ત્યાગ અને બલીદાન આપે તેમને યજ્ઞોપવિત્રી કહે છે. યજ્ઞોપવિત્રીમાં ૩ તાર ના ધાગા હોય છે. તે દરેક તારમાં ત્રણ ત્રણ ધાગા હોય છે.  એટલે કુલ નવ તંતુ હોય છે. યજ્ઞોપવિત્રીમાં દરેક તંતુના દેવતા પ્રણવ, અગ્નિ, સર્પ, સોમ,તૃ, પ્રજાપતિ,અનીલ(વાયુ),યમ,વિશ્વદેવા.યજ્ઞોપવિત્રીમાં જે બ્રહ્મગાંઠ હોય છે તેના દેવતા – બ્રહમા , વિષ્ણુ, મહેશ છે. ઉમરેઠમાં બાજ ખેડાવાડ ઉત્સવ મંડળ દ્વારા સમાજ માટે નવીન યજ્ઞોપવિત્રી ધારણ કરવાનો ઋષી તર્પણ કાર્યક્રમ ગાયત્રી મંદિર ખાતે ભીખુભાઈ જોષી તેમજ અલ્પેશભાઈ દવેના ગુરુપદે યોજાયો હતો. સદર કાર્યક્રમમાં ૧૨ વર્ થી ૮૨ વર્ષના ૭૫ બટુકોએ ભાગ લીધો હતો. કાર્યક્રમના કન્વીનર તેમજ મંડળના કાર્યકારી પ્રમુખ યોગેશભાઈ શેલત દ્વારા સતત ત્રણ વર્ષ સુધી સમૂહ ભોજનના દાતા તરીકે સેવા આપનાર અશ્વિનભાઈ શેલતનું સન્માન કર્યું હતું. અને સમગ્ર બી.જે.શેલત પરિવારને સન્માનીત કર્યા હતા. સવારની ફરાળ માટેના દાતા અરૂણભાઈ દવેનું સન્માન સુરેશભાઈ જોષીએ કર્યું હતું. સમગ્ર કાર્યક્રમને સફળ બનાવવા માટે ગાયત્રી મંદિર ટ્રસ્ટ,હિમાંશુભાઈ ભટ્ટ, બાજખેડાવાડ યુવા સમિતિના સભ્યોએ ભારે જહેમત ઉઠાવી હતી.