આપણું ઉમરેઠ ( Since 2009 )

ઉમરેઠ સીનીયર સીટીઝન ફોરમ દ્વારા ફોરમના સભ્યોના પૌત્રો,પૌત્રીઓ સહીતના તેજસ્વી તારલાઓને પ્રોત્સાહન આપવા માટે ધો.૧૦ અને ધો.૧૨માં પ્રથમ,દ્રિતિય ક્રમાંકે આવનાર વિદ્યાર્થીઓને ઈનામો એનાયત કરવામાં આવ્યા હતા. આ પ્રસંગે નગરના અગ્રણી ચોકસીના વહેપારી હિમાંશુભાઈ ચોકસીના અદ્યક્ષ પદે સમારોહ યોજાયો હતો. જેમાં આશીર્વચનદાતા બ્ર.કુ. નિતાબેન (બ્ર.કુ.કેન્દ્ર ઉમરેઠ), મુખ્ય મહેમાન લાલસિંહભાઈ વડોદીયા(સાંદસશ્રી- રાજ્યસભા),અતિથિ વિશેષ સોમાભાઈ પટેલ, બીપીનભાઈ પંડ્યા ખાસ ઉપસ્થિત રહ્યા હતા. બ્ર.કુ.નિતાબેન અને રાજ્ય સભાના સાંસદ લાલસિંહ વડોદિયાએ જણાવ્યું હતુ કે વિદ્યાર્થીઓને ઈનામો આપી પ્રોત્સાહીત કરવા સારી વાત છે પરંતુ આ ઈનામો લેવા વિદ્યાર્થીઓ જાતે આવે તેવો આગ્રહ રાખવો જરૂરી છે મોટાભાગના ઈનામ વિતરણ સમારોહમાં વાલીઓ જ પોતાના પૂત્ર કે પૂત્રીઓનું ઈનામ લેવા ઉપસ્થિત રહેતા હોય છે જે પ્રથા બંધ કરવી જરૂરી છે. સદર ઈનામ વિતરણ સમારોહમાં જાતે વિદ્યાર્થીઓ ઈનામો લેવા ઉપસ્થિત રહ્યા હતા તે અંગે તેઓએ પ્રશંશા કરી હતી. સમારોહને સફળ બનાવવા માટે સીનીયર સીટીઝન ફોરમના સભ્યોએ ભારે જહેમત ઉઠાવી હતી. સમારોહને સફળ બનાવવા માટે પ્રત્યક્ષ અને પરોક્ષ રીતે સહભાગી થનાર તમામનો સીનીયર સીટીઝન ફોરમના પ્રમુખ ચીમનલાલ ડી.કાછીયા અને મંત્રી રમેશભાઈ કાછીયાએ આભાર વ્યક્ત કર્યો હતો.