කෘෂිකර්මය
.jpg)
| කෘෂිකර්මය |
|---|
 |
 කෘෂිකර්මය ද්වාරය |
කෘෂිකර්මය (අමිශ්‍ර සිංහල: ගොවිකම) යනු ගොවිතැන හෝ වැවිලි මගින් ආහාර නිපදවීමයි.
දේශීය වශයෙන් ආහාර නිෂ්පාදනය ඉන්දු නිම්නයේ විශාල ලෙස පැවති බව වර්ෂ 1980 හි පසුභාගයේ දී කරන ලද සමහර අධ්‍යනයක් මගින් පෙන්වා දෙයි. මර්ගාර් (පැයරට්රය) හි ජනයා පරිසරයට හුරු කළ තිරිඟු සහ බාර්ලි භාවිතා කළ බවත් වගා කරන ලද ප්‍රධාන ධාන්‍ය වර්ගය වූයේ තිරු දෙකෙහි බාර්ලිවලින් උපදවාගත් බෝගයක් වූ වැස්මක් රහිත තිරු හයේ බාර්ලිවලින් වර්ගයක් බවත් ප්‍රකටය. (සාෆර් සහ ලිච්ස්ටෙන්ස්ටයින් 1995. 1997 මාර්ග භුමිය ‘‘ආහාර නිෂ්පාදනය දේශිය දකුණු ආසියානු ප්‍රපංචයක් බව පෙන්නුම් කරන බවත් ‘‘දකුණු ආසියාවේ ප්‍රාග් ඓතිහාසික නාගරිකරණය සහ සංකිර්ණ සමාජය සංවිධානය දේශිය. එහෙත් තනි නොවු සංස්කෘතික සංවර්ධනයක් මත පදනම් වූ බවත්’‘ අරුත් දැක්වීමට පවත්නා දත්ත සහාය වන බව පුරාවිද්‍යාඥ ජිම්.ජි ෂ8ාර් 61999: 245) ලියයි. කෙසේ වුව ද සොරියන් ෆුලර් වැනි අනෙකුත් අය මැද පෙරදිග තිරිඟු ආසියානු තත්ත්වයට හුරුවීමට අවුරුදු 2000 ක පමණ කාලයක් ගත වූ බව පවසයි.
ඉන්දු නිම්න ශිෂ්ටාචාරයේ කෘෂිකර්මය ඉතාමත් ඵලදායි එකක් වූවා විය යුතුයි. මුලික වශයෙන් කෘෂිකර්මයේ නොයෙදුණු නාගරික වැසියන් දසදහස් ගණනක් නඩත්තු කිරිමට ප්‍රමාණවත් අතිරික්තයක් නිපදවීමට ඊට හැකිවිය. එය නඟුල වැනි පූර්ව හරප්පානු සංස්කෘතියේ සැලකිය යුතු ශිල්පීය ජයග්‍රහණයක් මත රඳා පැවතිණි. එසේ වුව ද නගර නඩත්තු කළ ගොවියන් හෝ ඔවුන්ගේ කෘෂිකාර්මික විධික්‍රම පිළිබඳව දැනුවත්ව ඇත්තේ ඉතා අල්ප වශයෙනි. ඔවුන්ගෙන් සමහරෙක් නිසැකවම ගංගාවන්හි ජල ගැලීම් කාලවලින් පසු ඉතිරිවන සාරවත් දියලූ පස ප්‍රයෝජනයට ගන්නට ඇත. නමුත් කෘෂිකර්මයේ මෙම සරල ක්‍රමය නගර නඩත්තු කිරිමට තරම් ඵලදායි වුවා යැ යි නොසැලකේ. වාරිමාර්ග පිළිබදව සාක්ෂි නොමැති වුව ද එවැනි සාක්ෂි යළි යලිත් ඇති වූ විනාශකාරි ජලගැලීම්වලින් මැකී ගියා විය හැකිය.
නාගරික සංස්කෘතියේ හා රාජ්‍යයේ ආරම්භය පිළිබඳව ජලමුලක ඒකාධිපතිත්වය උපකල්පිතය ඉන්දු ශිෂ්ටාචාරය මගින් ප්‍රතික්ෂේප වන බව පෙනේ. මෙම උපකල්පිතයට අනුව සියලුම පැරණි මහා පරිමාණ ශිෂ්ටාචාර ඇති වූයේ විශාල කෘෂිකාර්මික අතිරික්තයන් නිපදවීමේ හැකියාව තිබූ වාරි පද්ධතිවල අතුරු ඵලයක් වශයෙනි.
සූක්ෂම කෘෂිකාර්මික නිෂ්පාදනයක් සදහා අමුණු සහ ඇළවල් අවශ්‍ය බව බොහෝ විට පිළිගැනිණි. මෙම සිතාගැනීම පහසුවෙන් නිෂ්ප්‍රභා කරන ලදි. ආසියාව පුරා වී ගොවියෝ හෙල්මළු සහිත කඳුකර කුඹුරුවලින් සැලකිය යුතු කෘෂිකාර්මික අතිරික්තයක් නිපදවති. එහි ප්‍රතිඵල ලබාගනුයේ වහල් මෙහෙයෙන් නොව පරම්පරා ගණනක ජනතාවගේ එකතු වූ ශ්‍රමයෙනි. ඇළ මාර්ග තැනීම වෙනුවට ඉන්දු නිම්න ශිෂ්ටාචාරයේ ජනයා පරම්පරා කිහිපයක සුළු පරිමාණ ශ්‍රම ආයෝජනයක් ලෙස විස්තර කළ හැකි හෙල්මළු සහිත කෘෂිකර්මය වැනි ජලය හැරවීමේ ක්‍රම ගොඩනැගුවා විය හැකිය. කෙසේ වුව ද එවැනි ඇළවේලි වයඹ දිග ඉන්දියාවෙන් ද (ෆ්‍රැන්ක්ෆෝට්) හමු වී ඇත. වර්ෂය තුළ පතිතවන වර්ෂාපතනයෙන් වැඩි කොටසක් මාස හතරක් තුළ ලැබෙන දේශගුණික රටාවක් සහිත මෝසම් ආශ්‍රයෙන් තම ජිවිතය ගොඩනගා ගැනිමට හැකිවූයේ ඉන්දු ශිෂ්ටාචාරයේ ජනයා අතුරින් නැගෙනහිර දෙසින් විසූ අයට පමණකි. අනෙකුත් අයට වඩා උස් භූමි ප්‍රදේශයන්හි සිදුවන හිම දියවිමේ ප්‍රතිඵලයක් වශයෙන් ගංගාවල ඇතිවන ඍතුමය ජලගැලීම් මත රඳා පැවැත්මට සිදුවිය.
ඔවුහු ගවයින්, වලසුන්, වල් ඌරන්, බල්ලන්, මී හරකුන්, ආසියානු හස්තීන්, වඳුරන්, ඔටුවන්, කුකුළන්, එළුවන්, බළලුන් සහ බැටළුවන් වැනි සතුන් හීලෑ කර ගත් හ.
ශ්‍රී ලංකාවේ කෘෂිකර්මය
[සංස්කරණය]ශ්‍රී ලංකාව ගත් කළ අතීතයේ සිටම දියුණු කෘෂි ආර්ථිකයකට හිමිකම් කියන රටකි. ශ්‍රී ලංකාවේ අතීතයේ පැවතියේ යැපුම් කෘෂිකර්මාන්තයකි. නමුත් වර්තමානයේ වන විට කෘෂිකර්මය ප්‍රධාන වශයෙන් කොටස් දෙකකට බෙදිය හැකි ය.ඒ,
- යැපුම් කෘෂිකර්මාන්තය
- වාණිජ කෘෂිකර්මාන්තය
අතීතයේ පැවති ස්වයංපෝෂිත ගැමි ආර්ථිකය දැන් දැන් විනාශ මුඛයට යමින් පවතී.
ශ්‍රී ලංකාවේ වාණිජ කෘෂිකර්මාන්තය
ශ්‍රී ලංකාවේ වාණිජ කෘෂිකර්මාන්තය විවිධ ක්ෂේත්‍ර ඔස්සේ පැතිර පවතී. -මිරිදිය හා කරදිය ධීවර කර්මාන්තය -ගොවිපොළ සත්ව පාලනය - බෝග වගාව එම ක්ෂේත්‍ර අතර මුල් තැන ගනී.
ශ්‍රී ලංකාව විශාල පරාසයක ව්‍යාප්තව පවත්නා විවිධාකාර වූ බෝග වගා කිරීම සඳහා යෝග්‍ය වූ පාරිසරික තත්වයන්ගෙන් සමන්විත වෙයි. ශ්‍රී ලංකාවේ කෘෂිකර්මාන්තයේ හරය වන්නේ වී වගාවයි.
ශ්‍රී ලංකා කෘෂිකර්ම දෙපාර්තමේන්තුව හා එහි ක්‍රියාකාරිත්වය සම්බන්ධව සමස්ත අදහසක් ගනු වස් ශ්‍රී ලංකාවේ කෘෂිකර්ම දෙපාර්තමේන්තුව (2007.04.25) වෙබ් අඩවිය නරඹන්න.මෙම වෙබ් අඩවිය රටේ ප්‍රධාන භාෂා තුන වන සිංහල, ඉංග්‍රීසි සහ දෙමළෙන් නැරඹිය හැක.
මේ අඩවිත් බලන්න
[සංස්කරණය]References
[සංස්කරණය]
External links
[සංස්කරණය]- USA National Ag Day, March 20
- Agriculture and Rural development සංරක්ෂණය කළ පිටපත 2008-11-19 at the Wayback Machine - World Food Bank agriculture portal
- Index to the Manuscript Collections[permanent dead link] Special Collections, National Agricultural Library
- International Federation of Agricultural Producers (IFAP)
- NIOSH Agriculture Page - safety laws, tips, and guidelines
- U.S. House Committee on Agriculture සංරක්ෂණය කළ පිටපත 2012-04-20 at the Wayback Machine - Glossary of agricultural terms, programs and laws
- UK Agriculture සංරක්ෂණය කළ පිටපත 2007-11-11 at the Wayback Machine
- Agricultural Products සංරක්ෂණය කළ පිටපත 2010-01-03 at the Wayback Machine - portal about agro products and agriculture industry.
- Guide to collections containing information on agriculture at the Eisenhower Presidential Library
