મારો સમય કમજોર છે તું સમજી જા
ખોટા વખતનો દોર છે તું સમજી જા
અંટસ તને શાની પડી મારા થકી
‘અરમાન’ કાંઇ ઔર છે તું સમજી જા
તારી મને આદત ખરે અકળાવતી
જાલીમ અદા શિરજોર છે તું સમજી જા
આ દામિની ચમકાવતી તારું વદન
આકાશ જો ઘનઘોર છે તું સમજી જા
મારી વલે તેં શી કરી છે એ સમજ
તું તો સનમ ચિત્તચોર છે તું સમજી જા
મારુ મૂળ સમજો કે મારુ ઉર
મારુ વતન છે પાલનપુર
વિચરુ ભલે આખા જગતમાં
ઉમટે જો યાદોનું ઘોડાપુર
સો સાજ છોડીને પછી વાગે એક સૂર
હવે જાવું છે પાલંનપુર
રોજી રોટી કાજે ગયો છું ઘણે દુર
નસીબ અજમાવી ફ્ળ પામ્યો સુમધુર
પણ દીલનો અજંપો કળી ગયો મારી ધૂન
વળીને પાછો આવી ગયો પાલનપુર
મારુ બચપન, ભણતર, જવાની ને સન્માન
કરી પ્રવ્રુતિ પામ્યો ,થયુ નવ નિર્માણ
મસ્તકમાં ,ને છે મારા રક્તમાં અણુ અણુ
ગૌરવ મારા પાલનપુર તણું
નવાબી રાજ ને સિધ્ધરાજની ભૂમિ
મીઠીવાવ ને કીર્તીસ્થંભ ગગનચૂમિ
પાલનપુરીની મહેંક પ્રસરી છે દૂર દૂર
મારી અત્તરની નગરી પાલનપુર,પાલનપુર
 | narendrajagtap પર નચાવી છે |
| narendrajagtap પર નચાવી છે |
| narendrajagtap પર નચાવી છે |
| narendrajagtap પર નચાવી છે |
| narendrajagtap પર નચાવી છે |
