بنگلادش

بنگلادش

গণপ্রজাতন্ত্রী বাংলাদেশ

ملّی شعار:

Beautiful Bangladesh
Bangladesh Godidog

ملّی سرود:

مه طلایی بنگال

جوغرافی

بلند چکل	ساکا هاپهونگ (۱٬۰۵۴ متر)
جول‌ترین نقطه	بنگال دریامونا (۰ متر)
گتی	۱۴۷٬۵۷۰
ئو	۷٫۰

جمعیت

نیشتگا	داکا
رسمی زوون(ون)	بنگالی
جمعیت	۱۶۱٬۳۰۰٬۰۰۰
مرد	۸۱٬۷۱۲٬۸۲۴ (۲۰۲۲)
زن	۸۳٬۳۴۷٬۲۰۶ (۲۰۲۲)
شهری جمعیت	۵۲٬۰۰۹٬۰۷۲ (۲۰۲۲)
روستایی جمعیت	۱۱۳٬۰۶۳٬۵۸۷ (۲۰۲۲)
امید زندگی	۷۴ (۲۰۲۲)

نٮظام

حکومت نوع	پارلمونی جمهوری
بالاترین مقوم	محمد شهاب‌الدین (۲۰۲۳ – )
حکومت رئیس	Tarique Rahman (۲۰۲۶ – )
موقننه قووه	جاتیا سانگساد
قضائیه قووه	Supreme Court Bangladesh
موجریه قووه	Government of Bangladesh

دکته إتفاقون

بساتن	استقلال پاکستون جه
اعلان    پیروزی روز	۲۶ مارس ۱۹۷۱ ۱۶ دسامبر ۱۹۷۱

داخلی ناخالص تولید

← مجموع	۹۶۶٬۴۸۵٬۰۰۰٬۰۰۰ (۲۰۲۱)
← بخری‌ین قِد	۹۶۶٬۴۸۵٬۰۰۰٬۰۰۰
← سرانه	۵٬۸۱۱٫۵۷۱ (۲۰۲۱)

جینی ضریب

عدد	۳۲٫۴ (۲۰۱۶)

إنسانی توسعه شاخص

شاخص	۰٫۶۶۱ (۲۰۲۱)
بیکاری نرخ	۴ (۲۰۱۴)

إقتٮصاد

پول واحد	تاکا
مرکزی بانک	بانک بنگلادش
أفزوده أرزش مالیات نرخ	۱۵

نمادون

رسمی کد	Nymphaea nouchali
اینترنت کد	.bd
دریایی شىناسایی إشماره	405
ایزو ۳۱۶۶–۱ آلفا-۲	BD
تٮلفون کُد	۸۸۰

دیگه چیون

رانندگی جهت	چپ
قطار حرکت جهت	چپ
وبسایت	bangladesh.gov.bd

بنگلادش (بنگالی جه: গণপ্রজাতন্ত্রী বাংলাদেশ) اتا کشور هسه آسیایِ جنوب دله. اینتا کشور دتا همسایه دارنه که وشون نوم میانمار و هند هسنه. اینتا کشور بنگال دریامونا پلی دره.

ونه نیشتگا نوم داکا هسته و جمعاً ۱۴۸ میلیون نفر جمعیت دانّه. این کشور دله بنگالی رسمی زوون هسته ولی انگلیسی هم خله جائون ادارات و آموزشی جائون دله استفاده وانه و پولدارون ِزوون هسته. ۹۸ درصد مردمون این کشور دله بنگالی نژاد هستنه. این کشور مشترک‌المنافع کشورون اتحادیه دله هم دره.

تاریخ

شهيد منار: جایی که بنگلادشی دانشجوئونی که اعتراضات سَره بمردنه، ونه دله چال هستنه. این مقوم اسا ماری زوون جهونی روز ِنماد بیی‌یه.

این کشور قدیم پاکستون ِتابع بی‌یه و وه ره «شرقی پاکستون» گاتِنه، چون اون گادِر که هند بتونسته بریتانیا جه سِوا بَواشه، هندی مسلمون‌ها، که این کشور ِدِ وَر دَیینه و هِدی جه سِوا بینه، بائوتنه که خانّه اتا کشور بسازن که ونه نوم پاکستون بائه. با این حال این مسلمون‌هایِ اتحاد هم دووم نیارده و بنگلادشیون تصمیم بَییتنه که پاکستون ِدولِت جه هم سِوا بَواشِن. این استقلال روز ۲۶ مارس ۱۹۷۱ (۱۴۸۳ مازرونی) بوجود بمو و هند هم بنگالیون ره کومِک هاکرد بی‌یه.

مردمون

۸۹٫۷ درصد مردمون بنگلادش دله مسلمون و اکثریت سُنی مذهب هستنه. ۹٫۲ درصد بنگلادشیون هم هندو هستنه. این کشور دله دیوبندی و اهل حدیث ِپه‌روون هم خله هستنه.

بنگلادش جهون ِنهمین پرجمعیت کشور هسته و ونه جمعیت انبسی (= تراکم جمعیت) خله بالا دَره. این منطقه‌یِ بـِنه خله حالخیز هسته ولی مشکل اینه که اونجه خله طوفان و سیل اِنه که زندگی ره مردمون وسّه سخت کانده.

گزارش‌کرون گانّه ۹۵ درصد زنان بنگلادش دله فقیری جه زندگی کانّه و خله مشکلات دارنه.

اقتصاد

بنگلادش پیل یکا تاکا هسه. بنگلادش لباس سَره دِنیایِ دومین صادرکننده هسته. چون کارگرون ِمِزد این کشور دله پایین دَره، خله از کارخنه‌دارون دِنیا جه اونجه جمع بَیینه و تولیدی بَزونه.

جوغرافی

بنگلادش گتی ۱۴۴۰۰۰ کیلومتر موربع هسه.اینتا کشور اتا دنیا پر جمعیت‌ترین کشورون جا هسه که ونه جمعیت ۱۰۲ میلیون نفر هسه.ونه نیشته‌گا داکا شهر هسه.

بنگلادش ِزمین هند ِدله دَره و همه وَری این کشور جه وَر خانّه، فقط اتا پچوک سامون هم میانمار جه دانّه و ونه جنوب بنگلادش دریامونا دره.

تقسیمات

بنگلادش ۷ استان دانه:

1. باریسال (Barisal)
2. چیتاگونگ (Chittagong)
3. داکا (Dhaka)
4. خولنا (Khulna)
5. راجشاهی (Rajshahi)
6. رنگ پور (Rangpur)
7. سیلهت (Sylhet)

منابع

• Wikipedia contributors, "Bangladesh," Wikipedia, The Free Encyclopedia, http://en.wikipedia.org/w/index.php?title=Bangladesh&oldid=495567206 (accessed June ۳, ۲۰۱۲).
• Khan, Zillur R. (1997). "Bangladesh's experiments with parliamentary democracy". Asian Survey 37 (6): 575–589.