Placa computadora
| Placa computadora | |||||||||
|---|---|---|---|---|---|---|---|---|---|
| |||||||||
| |||||||||
| |||||||||
| Wikidata C:Commons | |||||||||
Unha placa computadora, monoplaca ou SBC (Single-board computer, pola súa sigla en inglés) é un ordenador completo construído nunha única placa de circuíto, con microprocesador(es), memoria, entrada/saída (E/S) e outras características necesarias para un ordenador funcional. As placas computadoras fabrícanse habitualmente como sistemas de demostración ou desenvolvemento, para sistemas educativos ou para o seu uso como controladores informáticos integrados. Moitos tipos de ordenadores domésticos ou portátiles integran todas as súas funcións nunha única placa de circuíto impreso.[1]
A diferenza dun ordenador persoal de escritorio, as placas computadoras a miúdo non dependen de baías de expansión para funcións periféricas ou expansión. As placas computadoras construíronse empregando unha ampla gama de microprocesadores. Os deseños sinxelos, como os construídos por afeccionados á informática, adoitan usar RAM estática e procesadores de baixo custo de 32 ou 64 bits como ARM. Outros tipos, como os servidores blade, terían un rendemento similar a un ordenador servidor, só que nun formato máis compacto.
Un ordenador modular (COM) é un tipo de monoplaca deseñado para conectarse a unha placa base ou un backplane para a expansión do sistema.[2][3]
Notas
[editar | editar a fonte]- ↑ Delgado, Juan Manuel (2024-11-19). "Cuál es el PC SBC tipo Raspberry Pi más potente y todo lo que puedes hacer con él". Computer Hoy (en castelán). Consultado o 2025-07-14.
- ↑ "COM – Based SBCs: The Superior Architecture for Small Form Factor Embedded Systems" (PDF) (en inglés). Diamond Systems Corp. Arquivado dende o orixinal (PDF) o 2016-12-29. Consultado o 2016-12-27.
- ↑ "Implementing High Performance Embedded Computing Hardware" (PDF) (en inglés). Trenton Systems, Inc. 2016-09-01. pp. 13–15. Arquivado dende o orixinal (PDF) o 2016-11-26. Consultado o 2016-11-26.
Véxase tamén
[editar | editar a fonte]Outros artigos
[editar | editar a fonte]Ligazóns externas
[editar | editar a fonte] |
Este artigo sobre informática é, polo de agora, só un bosquexo. Traballa nel para axudar a contribuír a que a Galipedia mellore e medre. Existen igualmente outros artigos relacionados con este tema nos que tamén podes contribuír. |
