Memoria principal
| Memoria principal | |||||||||||
|---|---|---|---|---|---|---|---|---|---|---|---|
| |||||||||||
| |||||||||||
| |||||||||||
| Wikidata C:Commons | |||||||||||
Na xerarquía da memoria, a memoria principal caracterízase por tempos de acceso relativamente rápidos (aínda que máis lentos que a memoria caché) e un custo moderado por bit almacenado; normalmente é volátil, como é o caso da RAM (DRAM). Aquí é onde o ordenador almacena datos e programas para que o procesador (CPU) poida acceder a eles rapidamente.[1]
Visión xeral
[editar | editar a fonte]
Xeralmente, os compoñentes de almacenamento máis rápidos e volátiles denomínanse «memoria», mentres que os compoñentes persistentes máis lentos denomínanse «almacenamento.» Esta distinción ampliouse na arquitectura de Von Neumann, onde a unidade central de procesamento (CPU) consta de dúas partes principais: a unidade de control e a unidade aritmética lóxica (ALU). A primeira controla o fluxo de datos entre a CPU e a memoria, mentres que a segunda realiza operacións aritméticas e lóxicas sobre os datos. Na práctica, case todos os ordenadores usan unha xerarquía de memoria,[2]:468–473 que coloca a memoria preto da CPU e o almacenamento máis lonxe.
Tipos de memoria principal
[editar | editar a fonte]Hai tres tecnoloxías principais de memoria:[1]
- Memoria dinámica de acceso aleatorio (DRAM): é o que se coñece comunmente como RAM ou «memoria de ordenador»; é máis lenta e barata que a SRAM. O seu contido chámase «dinámico» porque debe actualizarse continuamente para evitar perder a información almacenada;[1]
- Memoria estática de acceso aleatorio (SRAM): un tipo de memoria máis rápida e cara que a DRAM, utilizada principalmente para as cachés das CPU. Aínda que o seu contido é volátil (pérdese ao apagar o ordenador), permanece estable ata que a CPU o borra ou o modifica;[1]
- Memoria de só lectura (ROM): trátase dunha memoria non volátil que se usa para almacenar firmware. Algúns tipos de ROM (PROM, EPROM, EEPROM) pódense modificar mediante dispositivos especializados.[1]
Notas
[editar | editar a fonte]- 1 2 3 4 5 Bustamente, Francisco (2026-04-09). "Hierarquia de Memória: Do Registrador ao Disco". Ciência Programada (en portugués). Consultado o 2026-08-03.
- ↑ Patterson, David A.; Hennessy, John L. (2005). Computer organization and design: The hardware/software interface (en inglés) (3ª ed.). Amsterdam: Morgan Kaufmann Publishers. ISBN 1-55860-604-1. OCLC 56213091.
Véxase tamén
[editar | editar a fonte]Ligazóns externas
[editar | editar a fonte]- Sy Corvo, Helmut (2024-09-06). "Memoria principal (informática)". Lifeder (en castelán).
 |
Este artigo sobre informática é, polo de agora, só un bosquexo. Traballa nel para axudar a contribuír a que a Galipedia mellore e medre. Existen igualmente outros artigos relacionados con este tema nos que tamén podes contribuír. |
