Neolitic

Il Neolitic (termen che al ven dal grec antîc néos che al vûl dî "gnûf" e líthos "piere", duncje "Etât de piere gnove") al è il periodi de Preistorie che al si cjate tra il Mesolitic e la Etât dal Ram (Eneolitic).

In chest periodi l'om al mude dal dut il so mût di vivi, passant di une economie di cjace e recuelte a une economie basade te l'agricolture e tal alevament di animâi. Chest cambiament cetant grant al è cognossût tant che la Rivoluzion neolitiche.

Carateristichis principâls

Intal timp dal Neolitic, l’umanitât e disvilupe gnovis tecnologjiis e modis de rêt sociâl che a son a la base de civiltât moderni:

Agricolture e Alevament: Si tache a cultivâ i grans (blave, vuârdi,) e l'om tache alevâ i prins animâli (cjavris, pioris, purçîts e vacjis).
Sedentaritât: Lis popolazions tachin a abitâ dongje dai cjamps coltivats, i oms a bandonin la vite nomade e a nassin i prins paîs di cjasis fats di len, tère e claps.
La Piere Levigade: La lavorazion de piere e devente plui fine: la piere no ven dome batude, ma sdrondenâde e levigade par fâ jatis e imprescj cetant plui bogns.
Invenzion de Ceramiche: Cul bogns di vê un soperi par mantegnî i grans e i licuits, e nâs la lavorazion de argile cuete tal fûc (ceramiche).

Svilup de cronologjie

Il Neolitic al si disvilupe prime tal Orient Prosim (inte zone de Miezelune Fertile) intor al X mileni p.d.C.. In Europe e in tal Mediterani al rive plui tart, rinfuarçât des migrazions de int e dal cumierç, difundintsi trâ il VI mileni p.d.C. e il III mileni p.d.C.

Culturis dal Neolitic

Europe

Europe di jevât

Culture di Sesklo
Culture di Dimini
Culture di Karanovo
Culture di Starčevo-Körös
Culture di Vinča
Culture de ceramiche lineâr
Culture de ceramiche a notis musicâi
Culture de Danau mediane
Culture di Rössen
Culture di Lengyel
Culture di Cucuteni-Trypillia

Mediterani

Culture de ceramiche cardiâl
- Culture de grote dal Uzzo
Culture dai vâs a forme di cjampane
Culture dai vâs a bocje cuadre
Culture di Sasso-Fiorano
Culture di Stentinello
Culture di Arzachena
Culture di Ozieri

Europe dal nord-ovest e atlantiche

Culture di Chassey

Europe dal centri-nord e nord-est

Culture de tace a forme di plere
Culture di Narva
Culture de anfore globulâr
Culture de ceramiche cordade/Culture de manarie di combatiment

Afriche

Culture di Khartoum
Culture di pre-Kerma
Altris culturis dal Sahara

Asie

Cine

Culture di Pengtoushan (7500-6100 p.d.C., cors median dal Yangtze, Hunan);
culture di Peiligang (7000-5000 p.d.C., val dal flum Yiluo tal Henan);
culture di Houli (6500-5500 p.d.C., Shandong);
culture di Xinglongwa (6200-5400 p.d.C., al confin tra Mongolie interne e Liaoning);
culture di Cishan (6000-5500 p.d.C., tal Hebei meridionâl);
culture di Dadiwan (5800-5400 p.d.C., Gansu e Shaanxi ocidentâl);
culture di Xinle (5500-4800 p.d.C., bas cors dal flum Liao te penisule di Liaodong);
culture di Zhaobaogou (5400-4500 p.d.C., val dal flum Luan te Mongolie Interne e Hebei dal Nord);
culture di Beixin (5300-4100 p.d.C., tal Shandong);
culture di Hemudu (5000-4500 p.d.C.), tal Yuyao, tal Zhoushan e tal Zhejiang);
culture di Daxi (5000-3000 p.d.C., te regjon des Trê Golis);
culture di Majiabang (5000-3000 p.d.C., te aree dal lât Taihu, a nord de baie di Hangzhou);
culture di Yangshao (5000-3000 p.d.C., nell'Henan, Shaanxi e Shanxi);
culture di Hongshan (4700-3000 p.d.C., te Mongolie Interne, tal Liaoning e tal Hebei);
culture di Dawenkou (4100-2600 p.d.C., tal Shandong, tal Anhui, tal Henan e tal Jiangsu);
culture di Liangzhu (3400-2250 p.d.C., tal delte dal Yangtze);
culture di Majiayao (3100-2700 p.d.C. dilunc pal cors superiôr del Flum Zâl, in Gansu e Qinghai);
culture di Qujialing (3100-2700 p.d.C., dilunc pal cors median dal Flum Zâl, in Hubei e Hunan);
culture di Longshan (3000-2000 p.d.C. dilunc pal cors median e inferiôr dal Flum Zâl);
culture di Baodun (2800-2000 p.d.C., planure di Chengdu);
culture di Shijiahe (2500-2000 p.d.C., cors median dal flum Yangtze, in Hubei).

Il Neolitic in Friûl

La regjon furlane e à un rûl di alt nivel tal Neolitic, parcè che il Friûl al jere la puarte par dulà che a passavin lis gnovis tecnichis che a rivavin dal Orient e dai Balcans.

Il Friûl al devente cetant popolât, soredut inte plane e inte zone des culinis. Tra i sîts archeologjics plui impurtants ricognossûts o vin:

Samardencje (tal comun di Poçûi): un dai plui grancj paîs dal Neolitic de Europe dal est. Culì a son stâts cjatâts cjasis, fòs, ceramichis e tancj imprescj di ossidiane (un veri de rêt che al rivave des isulis de Sardegne o di Lipari, a dimostrazion dal cumierç a grande distance).
Blancjade: tal comun di Palaçûl a si son cjatâts diviers rescj di un insediament neolitic e il cuarp de frute di Blancjade.
I prins strâts di Palù de Livence (Cjanive), che a mostrin l'inizi de colonizazion de zone des palafitis.

Fin dal Neolitic

Il periodi al finìs intor al 3500-3000 a.C. cuant che l'om al sburdis par doprât i prins metai, scomençant cu la metalurgjie dal ram, che e darà il dret di jentrâ inte Etât dal Ram.

Note

Vôs coreladis