Arme Dieubidigezh Pobl Sina

Banniel

Skoed

Arme Dieubidigezh Pobl Sina

nerzhioù lu, regular army

Rann eus	Strollad Komunour Sina, Republik Pobl Sina, military of China
Deiziad krouiñ	1 Eost 1927
Lealded	Strollad Komunour Sina, Republik Pobl Sina
Perzhiad e	Vostok 2018
Diazezer	Strollad Komunour Sina
Den e penn an aozadur	Chairman of the Central Military Commission of the People's Republic of China, Chairman of the Central Military Commission of the Chinese Communist Party
Testenn ar ger-stur	为人民服务
Bro	Republik Pobl Sina
Daveennoù douaroniel	39°56′55″N 116°7′59″E
Aozadur mamm	Zhōngyāng Jūnshì Wěiyuánhuì
Perc'henn war	Q24831692
Sez sokial	Beijing
Erlec'hiañ a ra	Eighth Route Army, New Fourth Army, Northeastern People's Liberation Army, Ili National Army
Lec'hienn ofisiel	http://eng.chinamil.com.cn/, http://www.81.cn/, http://www.81.cn/?big=fan
Banniel (deskrivadur)	flag of the People's Liberation Army
Istor	history of the People's Liberation Army
Renet gant	Xi Jinping

 

 Eus Wikidata

Arme Dieubidigezh Pobl Sina (sinaeg : 中国人民解放军, pinyin : Zhōngguó Rénmín Jiěfàng Jūn), anvet Arme Ruz Sina da gentañ, eo nerzh lu milourel Republik Sina hag ar strollad komunour sinaat.
Pemp skourr zo enni : an tirlu, ar morlu, an aerlu, ar banner roketennoù hag an nerzh harp strategiel.

An unvezioù ledet dre ar vro a zo suj da unan eus ar pemp tachenn strategel. Arme Dieubidigezh Pobl Sina eo an nerzh milourel brasañ dre ar bed a-fet niver a soudarded (2 535 000 soudard e 2020) hag an eil a-fet ar budjed.

Unan eus an armeoù o vodernaat ar buanañ eo er bed, gant galluster da zont da vezañ un nerzh milourel bras, gant nerzhioù difenn lec'hel kreñv ha nerzhioù kas. Sina eo an trede ezporzhier armoù er bed.

Kefridioù

Penn ar C'huzul kreiz milourel, Hu Jintao en doa displeget e 2004 penaennoù Arme Dieubidigezh Pobl Sina :

• kreñvaat nerzh galloud ar Strollad Komunour ;
• gwareziñ riegezh Sina, anterinded an tiriad, ar surentez diabarzh evit kenderc'hel diorroadur ar vro ;
• difenn interestoù broadel Sina ;
• difenn ar peoc'h dre ar bed.

Istor

Eil brezel etre Sina ha Japan

Krouet e oa bet Arme Dieubidigezh Pobl Sina d'ar 1añ a viz Eost 1927 e-kerzh Emsavadeg Nanchan, pa oa bet soudarded eus ar C'huomintang (KMT) o emsevel a-dreñv Zhu De, He Long, Ye Jianying ha Zhou Enlai goude lazhadeg komunourien gant Tchang Kai-chek. Graet e oa bet anezho "Arme Ruz al labourerien ha peizanted sinaat", pe simploc'h an "Arme Ruz". Etre 1934 ha 1935, an Arme Ruz a oa deuet a-benn da zreistbevañ en desped da veur a zaol brezel lies kaset gant Tchang Kai-chek a-enep dezhi.