Kaapspoor

Spoorweë met 'n spoorwydte van 1067 mm (3 voet 6 duim) is die eerste keer gebou vir waens wat deur perde getrek is. Vanaf die middel-negentiende eeu word veel meer 3 vt 6 dm netwerke gebou in die Britse kolonies (ook die Kaapkolonie en Natal) en Japan. Later het ook die destydse Belgiese Kongo en Angola Kaapspoor (Kapspur) gebruik. Teen die begin van die twintigste eeu het talle 3 voet 6 duim tramnetwerke die lig gesien. Met die ontwikkeling van Tanganjika (Duits-Oos-Afrika) het die Duitse owerhede daar Meterspur, 'n spoorbreedte van 1 meter, gebruik.

Daar is ongeveer 112 000 kilometer (70 000 myl) van 3 vt 6 dm se spore oor die wêreld gelê.

Die hele nasionale spooruitleg in Suider-Afrika bestaan uit Kaapspoorwydte, met die uitsondering van 3 trajekte:

Die verlate Peretrein (Apple Express) van Port Elizabeth-Humewoodstasie via die Gamtoosvallei na Avontuur in die Langkloof (smalspoor, 610 mm).
Die verlate Banana Express (Alfred County Railway) van Port Shepstone na Harding, KwaZulu-Natal loop vir 122 kilometer op 2 voetspoor (610 mm).
Die Gautrein tussen Johannesburg en Pretoria maak gebruik van standaardspoor (1 435 mm) vir beter stabiliteit teen hoë spoed.

Dr. Berks T. Hutchinson, 'n tandarts van Kaapstad, het by die regering van die Kaapkolonie aanbeveel om van die Europese spoorwydte van 4 vt 8½ dm afstand te doen en om die wydte van 3 vt 6 dm te gebruik.

Hierdie treinartikel is 'n saadjie. Jy kan die Afrikaanse Wikipedia help deur dit uit te brei.

Hierdie artikel is in sy geheel of gedeeltelik vanuit die Engelse Wikipedia vertaal.