Ektadesai's Blog

વરસો જો ઝાંકળ સમું તમે તો પલળી જાશું,

ને એકલા તો વરસતા વરસાદ મા પણ કોરા રહી જાશું…

આપો તમે એક બુંદ નો સાગર તો તૃપ્ત થઇ જાશું ,

નહિ તો નદી કાંઠે પણ પ્યાસા મરી જાશું…

પ્રેમ ના આ સાગર મા તમારી સાથે તારી જાશું.

કે ફના થઇ તમારા મા જ ડૂબી જાશું…

ના જીવી શકીશું તમારા વિના ને મરી જાશું.

ને મરી ને પણ ચેન ના મળ્યું તો સરી જાશું…

ના મૂકશું તમારા પણ ઈલ્ઝામ ને મરી જશું.

ને ખુદા પણ પૂછશે તો ત્યાં પણ ફરી જાશું…

એકવાર કહો તમે તો અમે મરી પણ જાશું.

પણ  હઠ કરી કહો જીવવા તો આ સજા પણ જીરવી જાશું…

તમારા ઇન્તેઝાર મા ચકોર ને પણ શરમાવી જાશું.

ને આરઝુ મા તમારી ખુદા થી પણ લડી જાશું…

એકતા

આવી રોશની ક્ષણભર ની મહેમાન બની ને

આજ એક અંધકાર ને મળવા

ને ચાલી ગઇ એક મુલાકાત કરી

અને

જુઓ તો

અંધકાર નુ પોતીકું અજવાળું પણ ખોવાયું એની સાથે….!!!

એકતા

ધોધમાર વરસે છે તોય એ બુંદ-બુંદ જ પીવે છે

આભ મળ્યું છે ઉડવાને તોય એ પિંજરામા જ રહે છે

સાગર મળ્યો છે માપવાને તોય એ છિછરામા જ તરે છે

હૃદય મળ્યું છે ચાહવાને તોય એ બુધ્ધિ થી જ જીવે છે

એકતા

ખરી જાત છે આ માણસ ની,ખરા સમયે જ સાથ છોડી દે

ખરી જાત છે આ માણસ ની,વિશ્વાસે ચાલતું વહાણ ક્ષણ ભર મા ડુબાડી દે

ખરી જાત છે આ માણસ ની,પ્રેમ ના નામે રમત રમાડી દે

ખરી જાત છે આ માણસ ની,હું-હું ની લડાઈ મા ખુદ ને જ મિટાવી દે

ખરી જાત છે આ માણસ ની,નફરત ની આડ મા સંબંધ જોડાવી દે

ખરી જાત છે આ માણસ ની, જાત-પાત નાં નામે   રામ રહીમ ને લડાવી દે…

એકતા

ન આવી શકો જો મને લેવા તમે તો

તમારા સુધી પહોંચવાની મંજુરી તો આપો

ન બની શકો જો મંઝીલ તમે તો

પાછા વળવાનો કોઇ રસ્તો તો આપો

ન બની શકો જો મધુર યાદ તમે તો

તમને ભુલવાની કોઇ તરકીબ તો આપો

ન આપી શકો જો ઇચ્છા મુજબ નું જીવન તો

ઇચ્છા- મૃત્યુ નું કોઇ વરદાન તો આપો

એકતા

લખવા બેસુ ને અટકાય છે કલમ

લાગણી ના નામે કેવા ભરમાય છે શબ્દો

નથી હોતો તું છતાંય વરતાય છે અસર

નામ આવતા તારુ કેવી બદલાય છે નજરો

નામ તારુ રોપું ને મ્હોરી ઊઠે છે ખૂશ્બુ

જુઓ ઊડે-ઊડે કેવો ઊગી નીકળે છે ખાલીપો

‘ઝંખના’ ની પેલે પાર રાહ જોવે છે આંખો

પણ આપી ગયા તમે કેવા નહીં મળવાના વચનો

એકતા

સપનાઓ ને આંખો મા આવવાની સખ્ત મનાઇ હતી, વાસંતી વાયરાઓ માટે પણ કોઇ જગ્યા નહતી, પાંખો ને મારી મેં જ કાપી ને પિંજરા મા પૂરી હતી અને વરસાદ ને પણ વરસવાની કાયમી મનાઈ હતી. આટ-આટલી સખતાઇ છતાં પણ આજે અચાનક થી જ કેટલાક બળવાખોર વરસાદ ના ટિપાંઓ મારી બારી માથી આવ્યા અને મને ભીંજાવી ગયા..!!

આટલું પુરતું ન હોય તેમ મારી બેરંગ આંખો મા ઇન્દ્ધધનુષી સ્વપ્નાઓ સજાવી ગયા…પિંજરામા પુરેલી મારી પાંખો ને આકાશ બતાવી ગયા…કે જાણે એ થોડા ટિપાં, મને આખી ને આખી વહેવડાવી ગયા..!!!

અને હવે બધા મને બળવાખોર કહે છે..!!!!

એકતા

શબ્દો ટળવળે છે મારી ભીતર કશે,

ફક્ત રાહ જોવાઈ રહી છે

કે

તારી અંદર હવે લાગણી નો

એકાદ તો ટશીયો ફુટે..!!!!

એકતા