Suriya sahifasining manbasini koʻrish

{{Suriya_info}}
'''Suriya''' ({{lang-ar|سُورِيَا}}, ''Sūriyā''), '''Suriya Arab Respublikasi''' ({{lang-ar|الجمهورية العربية السورية}}, ''al-Jumhūriyya l-‘Arabiyya s-Sūriyya'') — [[Gʻarbiy Osiyo]]dagi davlat. [[Oʻrta dengiz]]ning sharqiy sohilida joylashgan. Maydoni — 185,2 ming km². Aholisi — 25,1 million kishi (2024). Poytaxti — [[Damashq|Damashq shahri]]. Maʼmuriy jihatdan 14 [[viloyat]] (muhofaza)ga boʻlinadi. 2011-yilda boshlangan Arab bahori natijasida mamlakatda siyosiy beqarorlik yuzaga keldi. Hozirgi kunda mamlakatda ''notinchlik hukum'' surmoqda.

== Davlat tuzumi ==
Suriya — respublika. Amaldagi konstitutsiyasi 1973-yil 12 martda qabul qilingan. Davlat boshligʻi — prezident (2024-yildan ''Ahmad Ash-SHara''), u milliy referendumda 7 yil muddatga saylanadi. Qonun chiqaruvchi hokimiyatni Xalq kengashi ([[parlament]]), ijrochi hokimiyatni prezident va ''Vazirlar Kengashi'' amalga oshiradi.

== Tabiati ==
Dengiz sohilining aksari qismi tepalik va toshloqli yassitogʻlikdan, ozrogʻi pasttekislik (eni 20–30&nbsp;km)dan iborat. Gʻarb va janubda ''Antilivan togʻ tizmasi'' va balandligi 2814 m gacha boʻlgan Ash-Shayx togʻi joylashgan. Suriya hududining katta qismini gʻarbdan sharqqa tomon pasayib boruvchi plato egallagan. Gʻarbda Ansoriya va Az-Zaviya togʻ tizmalari, janubi-gʻarbda Ad-Duruz (eng baland joyi 1803 m) vulkan massivi joylashgan. Suriya hududining janubi-sharqini Suriya choʻlining bir qismi, shimol-sharqini Jazira platosi tashkil qiladi. [[Neft]], [[temir]], [[mis]], [[marganets]], [[xromit]], [[oltingugurt]] va boshqa konlar bor. Iklimi Oʻrta dengizga xos [[subtropik]] iqlim. Qish va bahorda yogʻingarchilik koʻp, yozi quruq. Oʻrtacha tempatura yanvarda 12°, avgustda 27°; yillik yogʻin 700&nbsp;mm dan kam. Mamlakat sharqida quruq [[kontinental iqlim]]. [[Furot daryosi]]ning Suriya hududidagi uzunligi 675&nbsp;km, uning asosiy irmoqlari — [[Xobur daryosi|Xobur]] va [[Balix daryosi|Balix]]. Shimoli-sharqiy chegara boʻylab [[Dajla]] daryosi oʻtadi, shimoli-gʻarbda [[Oʻrta yer dengizi]] havzasiga mansub boʻlgan [[Osi daryosi]] va shimolda Hims koʻli bor. Platoda boʻz tuproqli qumloqqumoq choʻllar, janubda toshloqshagʻalli hamada anchagina maydonni egallagan. Pasttekisliklarda shoʻrxok yerlar uchraydi. Sharqiy ''Tavr tog''ʻ oldi boʻz jigar rang va jigar rang tuproqdan iborat, dengiz boʻyida sariq tuproq, balandlashgan sari tog jigar rang va togʻoʻrmon tuproqli yerlar boshlanadi. Ansoriya togʻining sharqiy yon bagʻrida [[togʻ]] dashtlari uchraydi. [[Sohil]] va togʻ yon bagʻirlaridagi oʻrmonlarda eman, qaragʻay, sarv daraxtlari oʻsadi, lavr butazorlari bor. Hayvonot dunyosi [[sirtlon]], [[boʻri]], [[chiyaboʻri]], [[qoraquloq]], jayran, yovvoyi eshak (onagr), kemiruvchi va sudraluvchilar, togʻlarda suriya ayigʻi, [[toʻngʻiz]], oʻrmon mushugi va boshqalardan iborat.

== Aholisi ==
Aholisining 90% arablar (suriyaliklar); ulardan tashqari kurd, arman, turkman, turk, cherkas, falastinliklar ham yashaydi. Rasmiy til — arab tili. Aholining aksariyati sunniy musulmonlar, shuningdek shialar, alaviylar, xristianlar, maroniylar ham bor. Shahar aholisi 52,4%. Yirik shaharlari: Damashq, [[Halab]], [[Hims]], [[Loziqiya]].

== Qadimgi Suriya Tarixi ==
Suriya hududida odam [[paleolit davri]]dan yashab keladi. Mil. av. 2-ming yillikning 1-yarmida mayda shahar-davlatlar vujudga kelgan. Mil. av. <nowiki>XV</nowiki> asrda Suriyaning koʻp qismini [[Misr]], <nowiki>XIV</nowiki> asrda ''Xett podshohligi'' egallab olgan, <nowiki>XII</nowiki> asr boshlarida Suriya ozodlikka erishsa-da, <nowiki>VIII</nowiki> asr oxirida Ossuriyata, <nowiki>VII</nowiki> asr oxirida esa ''Yangi Bobil podshohligi'', <nowiki>VI</nowiki> asr oʻrtalarida ''Ahomaniylarga'' qaram boʻldi. Mil. av. 333-yil Iskandar Maqsuniy (Aleksandr) davlati tarkibiga kirdi, bu davlat barbod boʻlgach, [[salavkiylar davlati]]ning viloyatiga aylandi. Mil. av. <nowiki>I</nowiki> asrda Armaniston podshosi Tigran II S.ni bosib oldi, 64 yil Rim, mil. <nowiki>IV</nowiki> asr oxiridan Vizantiya viloyatiga aylandi. Mil. 633–40 yillarda [[Arab xalifaligi]], 1516-yilda [[Usmonli turk imperiyasi]] zabt etdi va Suriya 1818-yilgacha [[Turkiya]] tarkibida boʻldi. 1832–1840-yillarda Misr qoʻshinlari tomonidan bosib olindi. 1840-yil Suriyada Yana ''turklar hukmronligi'' tiklandi. 1918-yil okabrda Suriyani ingliz qoʻshinlari bosib oldi. 1919-yil [[Angliya]] [[Fransiya]] kelishuviga binoan inglizlarning oʻrnini [[fransuzlar]] egalladi. 20-yillarda milliy ozodlik harakati kuchaydi. 1928-yil Taʼsis majlisiga saylov oʻtkazildi, 1930-yil mayda Suriya respublika deb eʼlon qilindi, ammo [[Fransiya]] mandati saqlanib krldi, bu mandat 1943-yil dekabrda bekor qilindi. 1946-yil 17-apreldagina toʻla mustaqillikka erishdi. 1958-yil Suriya Misr bilan yagona davlat — ''Birlashgan Arab Respublikasi'' (BAR)ga birlashdi, ammo 1961-yil 28-sentabrda uning tarkibidan ajralib chiqdi va oʻzini Suriya Arab Respublikasi (SAR) deb eʼlon qildi. 1963-yil 8 martda davlat toʻntarishi boʻlib, Suriya Arab sotsialistik uygʻonish partiyasi ([[Baʼs partiyasi|Baʼs]]) hokimiyatni qoʻlga oldi, 1971-yil 12-martdan [[Hofiz Asad]] prezident boʻldi.

1967-yil iyunda Suriyaga Isroil hujum qilib, mamlakat hududining bir qismini (Gʻulon tepaliklarini) bosib oldi. 1973-yil oktabrda Suriya boshqa [[arab davlatlari]] qatori harbiy harakatlarda qatnashib, Isroil tomonidan bosib oligan yerlarning bir qismini qaytarib olishga muvaffaq boʻldi. S– 1945-yildan [[BMT]] aʼzosi. Oʻzbekiston Respublikasi suverenitetini 1991-yil 28-dekabrda tan olgan va 1992-yil 24-aprelda diplomatiya munosabatlari oʻrnatgan. Milliy bayrami — 17 apr, — Chet el koʻshinlari chikarib yuborilgan kun (1946).

== Siyosiy partiyalari, kasaba uyushmalari ==
''Arab sotsialistik uygʻonish partiyasi'' ([[Baʼs partiyasi|Baʼs]]), 1947-yil aprelda ''Arab uygonish partiyasi'' sifatida tashkil etilgan, 1954-yildan hozirgi nomda; ''Suriya kommunistik partiyasi'', 1924-yil tuzilgan; SAR ''Taraqqiyparvar milliy fronta'', 1972-yil asos solingan, 8 tashkilotni birlashtiradi. ''Suriya ishchi kasaba uyushmalari umumiy federatsiyasi'', 1938-yil tuzilgan.

== Iqtisodiyoti ==
Suriya — agrar-industrial mamlakat. Yalpi ichki maqsulotda qishloq xoʻjaligining ulushi — 26%, sanoatning ulushi — 21%, xizmat koʻrsatish sohasining ulushi — 53%.

[[Qishloq xoʻjaligi]]<nowiki/>da mehnatga layoqatli aholining 50%ga yaqini shugʻullanadi. 3,7 mln. gektar yerda [[dehqonchilik]] qilinadi, shundan 500 ming ga sugʻoriladi. Asosiy qishloq xoʻjaligi ekinlari: [[bugʻdoy]], [[arpa]], [[paxta]], [[tamaki]], [[qand lavlagi]]; [[sholi]], [[yer yongʻoq]], [[sabzavot]], [[poliz]] ekinlari ham yetishtiriladi. Vohalarda [[bogʻdorchilik]] rivojlangan, tok, sitrus, [[xurmo]] va boshqa subtropik mevali oʻsimliklar oʻstiriladi, zaytun yetishtiriladi. [[Qoramol]], [[qoʻy]], [[echki]], [[tuya]], [[ot]], [[xachir]] boqiladi. Sohilda [[baliq]] ovlanadi.

Sanoatida konchilik ustun: [[neft]], [[fosforit]], [[toshtuz]], [[tabiiy asfalt]], [[oltingugurt]] qazib olinadi. Elektr styalarning aksariyati neft asosida ishlaydi (yiliga oʻrtacha 14,8 mlrd. kVtsoat elektr energiya hosil qilinadi). Neft Baniyos va Himsdagi zavodlarda qayta ishlanadi. Kime (mineral oʻgʻit ishlab chiqarish.), [[toʻqimachilik]] (jumladan, ip gazlama) va oziqovkat ([[un]], [[yogʻ]], [[vino]], [[qandshakar]], [[tamaki]] va boshqalar), elektr texnika sanoati rivojlangan. Traktor yigʻuv, elektr motor, poʻlat prokati, beton shpal zavodi, [[koʻnchilik]], [[poyabzal]], binokorlik materiallari va boshqa korxonalar bor. Hunarmandchilik (oltin, kumush, misdan turli buyumlar tayyorlash) rivojlangan. Asosiy sanoat markazlari — Damashq, Halab, Hims, Loziqiya, Tartus. Transport yoʻli uzunligi — 1,8 ming km, avtomobil yoʻllari — 39,2 ming km, neft quvurlari — 805&nbsp;km. Asosiy dengiz portlari — Loziqiya, Tartus, Baniyos Damashqda xalqaro aeroport bor. Iroq va [[Saudiya Arabistoni]]dan Oʻrta dengiz sohiliga tortib kelingan koʻpgina neft quvurlari Suriya hududidan oʻtadi. Suriya chetga neft va neft mahsulotlari, fosforit, paxta, qishloq xoʻjaligi. mahsulotlari, teri, jun va boshqa chiqaradi, chetdan mashina va uskuna, transport vositalari, oziqovqat, kimyo mahsulotlari va boshqa keltiradi. [[Germaniya]], Fransiya, [[Italiya]], [[Rossiya]], [[Livan]], [[Gretsiya]] bilan savdo qiladi. Suriyaning [[Oʻzbekiston Respublikasi]] bilan 2002-yildagi tovar aylanmasi 1,7 mln. [[AQSH]] dollarini tashkil etdi. Pul birligi — suriya funti.

== Tibbiy xizmati ==
Suriyada tibbiy xizmat pulli. Vrachlar tayyorlaydigan 3 ta [[maktab]], [[stomatolog]] va ''farmatsevtlar'' maktabi, oʻrta malakali [[tibbiyot]] xodimlari tayyorlaydigan 5 ta maktab bor. [[Halab|Halabdagi universitetda]] veterinariya fakulteti ochilgan.

== Maorifi, ilmiy va madaniy-maʼrifiy muassasalari ==
6 yoshdan 12 yoshgacha boʻlgan bolalar uchun boshlangʻich taʼlim majburiy. Maktab dindan ajratilgan, ammo diniy maktablar ham bor. Bir necha xususiy oʻquv yurti mavjud. Darslar arab tilida olib boriladi. Suriyada 4 universitet va bir qancha davlat oliy oʻquv yurtlari [[Damashq universiteti]] (1923), [[Halab universiteti|Halabdagi universitet]] (1960), [[Baʼs universiteti|Himsdagi universitet]] (1979), [[Tishrin universiteti|Loziqiyadagi universitet]] (1971), Damashq oliy texnologiya instituti va boshqalar ishlaydi, ularda pul toʻlab oʻqiladi. Arab akademiyasi (1919), Damashq akademiyasi (1919), qishloq xoʻjaligi. ilmiy markazlari bor. Damashqda ''universitet kutubxonasi'' va ''Milliy kutubxona'' (1880), Halabda Milliy kutubxona (1924), Loziqiyada Milliy kutubxona (1944), [[Damashq]]da ''Milliy muzey'' (1919) va Arab tamadduni muzeyi (1976–1977), Halabda Arxeologiya muzeyi (1960), ''Palmira muzeyi'' (1961), [[Hims]], [[Tartus]], [[Busro]]da muzeylar mavjud.

== Matbuoti, radioeshittirishi, telekoʻrsatuvi ==
Asosiy gazeta va jurnallari: „As-Savra“ („Inkilob“, arab tilida chiqadigan kundalik gazeta, 1963-yildan), „Al-Baʼs“ („Uygonish“, arab tilida chiqadigan kundalik gazeta, 1962-yildan), „Al-Jamohir al-Arabiya“ („Arablar ommasi“, arab tilida chikadigan kundalik gazeta), „Nizol ash-Shaʼb“ („Xalq kurashi“, [[arab tili]]da chiqadigan gazeta, 1934-yildan), „Siriya tayme“ („Suriya vaqti“, [[ingliz tili]]da chiqadigan kundalik [[gazeta]], 1981-yildan), „Al-Fido“ (arab tilida chiqadigan kundalik gazeta), „Al-Muhandis al-Arabiy“ („Arab muhandisi“ arab tilida 2 oyda 1 marta chiqadigan jurnali, 1961-yildan), „Nizol al-Fallohin“ („Dehqonlar kurashi“, arab tilida chiqadigan haftanoma, 1965-yildan). Suriya arab axborot agentligi (SANA), [[hukumat]] [[axborot]] mahkamasi, 1965-yil asos solingan. Radioeshittirish va [[telekoʻrsatuv]] bosh direksiyasi, hukumat xizmati, 1946-yil tuzilgan.

== Adabiyoti ==
Suriya xalqining ogʻzaki ijodida mil. av. <nowiki>VIII—VII</nowiki> asrlar voqealarini eslatuvchi rivoyatlar uchraydi. Mil. <nowiki>II—XIV</nowiki> asrlar ga oid suriya (suryoniy) yozuvlari topilgan. <nowiki>VIII</nowiki> asrdan arab tili rayem boʻla boshladi va <nowiki>XIV</nowiki> asrga kelib dunyoviy adabiyotdan suriya tilini surib chiqardi. Oʻrta asrlarda [[Abu Tammom]], Al-Buhturiy, [[Al-Mutanabbiy]], Abu Firos sheʼrlari va [[Abulʼalo al-Maarriy]]ning falsafiy asarlari dunyoga keldi. <nowiki>XIX</nowiki> asrga qadar Suriya adabiyoti arab ''mumtoz adabiyoti'' anʼanalarini davom ettirdi. <nowiki>XIX</nowiki> asr oʻrtalaridan Livan bilan Falastinni oʻz ichiga olgan Suriya arab madaniy uygʻonish makonlaridan biri boʻldi [[Fransis Marrosh]], Rizqolloh Hassun, Abdurahmon al-Kavokibiy va Adib Ishoq bu harakatga bosh boʻldilar. Birinchi jahon urushidan keyin vatanparvarlik kayfiyatidagi adabiy kuchlar (Muhammad Kurd Ali, Xalil Mardambek, Salim al-Jundiy va boshqalar) Damashqdagi Arab akademiyasiga birlashib, arab adabiy merosini batafeil oʻrganish va ommalashtirishga kirihdilar. 20-yillarda realistik nasr (Subhi Ali Gʻanim, Sami alKiyoli, Fuad ashShaib, Shakib alJabri) yuzaga keldi. Xayriddin az-Zirikli, Muhammad alBizm, Muhammad Sulaymon al-Ahmad kabi shoirlar mustamlakachilikka qarshi, mustaqillik uchun kurash ruhida sheʼrlar yozildi. 1951-yil ''Suriya yozuvchilar uyushmasi'' tuzildi.

Ikkinchi jahon urushidan keyingi davr adabiyotida milliy ruhni qaror toptirish harakati kuchaydi. 60-yillardagi ayrim adiblar aksariyat ezilgan va umidsizlikka tushgan kimsalar hayoti va qismatini tasvirlashga berildilar. Soʻnggi yillarda Isroilning arab mamlakatlariga bosqinini laʼnatlovchi sheʼrlar (Ahmad Sulaymon Ahmad, Ali Jundiy) va nasriy asarlar ([[:ar:مطاع صفدي|Mutoʼ Safadiy]], [[:ar:زكريا تامر|Zakariyyo Tomir]]) yaratildi.

== Meʼmorligi va tasviriy sanʼati ==
Suriyaning qad. sanʼat yodgorliklari neolit davriga mansub (DamirKapu qoyatosh rasmlari, SakcheGyozyu sopoli, tosh va loydan yasalgan haykalchalar). Mil. av. 2-ming yillikning 1-yarmida shahardavlatlar (Mari, Ugarit, Yamxada — hozirgi Halab) ravnaq topishi bilan birga meʼmorlik yuksak darajaga koʻtarildi: murakkab tarxli saroylar, hovlili ibodatxonalar qurildi. Mil. av. <nowiki>XVI—XIV</nowiki> asrlardagi sanʼat asarlarida Qad. Misr va Egey madaniyatining taʼsiri seziladi. Mil. av. <nowiki>IX</nowiki> asrda Ossuriya, mil. av. <nowiki>IV</nowiki> asrdan mil. <nowiki>IV</nowiki> asrgacha yunon meʼmorligi anʼanalari ruhida inshootlar yaratildi (Palmiradagi mahobatli kolonnalar va ibodatxonalar).

<nowiki>V—VI</nowiki> asrlarda Suriyada mahalliy ilk Vizantiya badiiy maktabi shakllandi (Antioxiya, Apameya, Shahbo qadama naqqoshligi). Tosh va suyak oʻymakorligi, pol mozaikasi, kitob miniatyurasi rivojlandi. <nowiki>VII—VIII</nowiki> asrlarda Suriya arab madaniyatini rivojlantirishga katta hissa qoʻshdi, naqqoshlik, haykaltaroshlikning yangi uslublari yaratildi. Oʻsha davrda oʻrta asr shaharlarining qiyofasi shakllandi, mayejid, [[madrasa]], [[tim]], [[kasalxona]], [[karvonsaroy]], [[hammom]] va boshqa barpo etildi (Palmira yaqinidagi Qasr al-Xayr al-Gʻarbi, <nowiki>VIII</nowiki> asr, Damashqdagi toqiravoqli jome masjid, 705–715 yillar). Salibchilar tomonidan roman uslubida qurilgan qasrlarning harobalari saqlangan (Hims shahri yaqinidagi Crac des Chevaliers qoʻrgʻoni, <nowiki>XII</nowiki> asr). <nowiki>XIII—XV</nowiki> asrlarda meʼmorlikda bezakka koʻp eʼtibor berildi, rang-barang koshinlardan, toshlardan, naqshdan keng foydalanildi, yogʻoch oʻymakorligi rivojlandi. ''Kitob miniatyurasi sanʼati'' yuqori bosqichga koʻtarildi.

Usmonli turk imperiyasi tarkibida boʻlgan yillar (1516–1918) da turk meʼmorligiga xos hasham ortdi. Tasviriy sanʼatda nakshni asliga yaqinlashtirish avj oldi. <nowiki>XX</nowiki> asrning 60–90yillarida Vahbi alHaririy, Burhon Tayyor, Mahmud Nofal, TamimalKisraviy, Jozef Abduxdsid kabi meʼmorlarning loyihalari asosida zamonaviy binokorlik konstruksiyalaridan foydalanib, milliy shakldagi imoratlar qurila boshladi (Damashqdagi Kasaba uyushmalari binosi, Damashq va Halabdagi universitet korpuslari, Loziqiyadagi munitsipalitet binosi va boshqalar). Tasviriy sanʼatda modernizm unsurlari sezila boshlasada, koʻpgina rassomlar mahalliy badiiy anʼanalarni davom ettirdilar (Afif Baxnassi, Nozim Jaʼfariy, Maxmud Jalol, Jak Varde, Muhammad Fathiy va boshqalar). Xalq amaliy sanʼatida kashtachilik, kandakorlik, badiiy toʻquvchilik rivojlangan.

== Musiqasi ==
''Suriya xalq va anʼanaviy musiqasida'' rivojlangan lad tizimi — maqomlar koʻp. Cholgʻu asboblari joʻrligida qoʻshiq aytish yetakchi musiqiy janrdir. [[Ud]], [[rubob]], [[gʻijjak]], qonun va boshqa cholgʻu asboblari koʻp tarqalgan. Zamonaviy xalq orkestri tarkibiga yevropacha skripka, violonchel, kontrabas kabi cholgʻu asboblari ham kiritila boshladi. 1870-yil [[bastakor]] ''Mustafo al-Bashnak'' tashabbusi bilan Halabda musiqa maktabi ochildi. Milliy bastakorlik maktabini Solhi Uadsi, Dik Sukkari kabilar rivojlantirdilar. Xalq qoʻshiklari ijrochilaridan Shokir Brexan, Mutia Mafi, [[Saboh Faxriy]]ni koʻrsatish mumkin. Musiqaning ommalashuvida radio va televideniyening xizmati katta. Milliy musiqa kadrlari [[Damashq]] (1962 y. tashkil etilgan) va [[Halab]] (1963) konservatoriyalarida tayyorlanadi.

== Teatri ==
Suriya [[teatr]] sanʼatining kurtaklari ''milliy marosim'' va bayramlardan boshlangan. Professional teatr <nowiki>XIX</nowiki> asr oʻrtalarida Damashqda Abu Xalil al-Qabboniy teatr truppasini tashkil etish bilan vujudga keldi. 1930-yillar oxirigacha mamlakatga kelib turgan Misr truppalari Suriya professional teatrining shakllanishiga katta taʼsir koʻrsatdi. 40-yillarda Damashqda Abdullatif Fathiy rahbarligida teatr xodimlari jamoasi tashkil etilib, birinchi marta suriya lahjasida spektakllar qoʻyildi (1945–46). 1952-yil Sayodiddin Baxdunis tashkil qilgan truppa Damashq va Halabda 1957-yilgacha tomosha koʻrsatdi. 1956-yil Damashqda yarim professional Erkin teatr, Halabda Xalq teatri ishlay boshladi. 1957-yil pantomima xalq truppasi tuzildi. Damashqda ''arab milliy drama teatrining'' ochilishi Suriya madaniy hayotida katta voqea boʻldi. Mamlakatning eng isteʼdodli aktyorlari ''Ali Aklya Arsan'', ''Asad Fiddo,'' A. Kinni shu teatrda ishlay boshladi. Teatr repertuaridan xorijiy mumtoz va mahalliy dramaturgiya asarlari oʻrin oddi. Bundan [[tashqari]], Damashqda „Ashshavq“ („Tikanak“) [[satira]] teatri, Harbiy teatr, Dured Lyaham nomidagi satira va [[komediya]] teatri, ''Qoʻgʻirchoq teatri'' ham ishlaydi.

== Kinosi ==
Suriyada birinchi kino seansi 1906-yilda boʻlgan. Birinchi toʻla metrajli „Aybsiz sudlanuvchi“ (rejissyor Ayyub Badri) badiiy filmi 1928-yil yaratildi. 30-yillarda „Damashq osmoni ostida“ (rejissyor I. Anzur, 1932), „Burch amri bilan“ va „Qahvaxona ashulachisi“ (ikkala film rejissyor A. Badri, 1938, 1939) kabi filmlar yaratildi. Shundan keyingi salkam 30 yil mobaynida mustamlakachilar hukmronligi davrida kinofilmlar yaratish bilan havaskorlargina shugʻullandilar. 60-yillarning 2-yarmi va 70-yillarda ijtimoiy-siyosiy mavzudagi „Yuk mashina haydovchisi“ (rejissyor B. Vuchinich, 1967, Toshkent 1 kinofestivalida faxriy diplom olgan), „Aldanganlar“ (rejissyor T. Saloh), „Qoplon“ (rejissyor N. Malex, 1972, KarloviVari, Lokarno va Damashq kinofestivallarida mukofot olgan) va boshqa filmlar yaratildi. Shundan soʻng Yaqin Sharq mojarosiga bagʻishlangan „Teskari yoʻl“ (rejissyor Haddad, 1975), „Qahramonlar ikki marta tugʻiladi“ (rejissyor S. Duxni) va „Qizil, oq, qora“ ([[rejissyor]] B. Safiy, 1977) filmlari dunyoga keldi. Mervan Haddadning „Shirin muhabbatim“ va Vadi Yusufning „Qopqon“ (1980), N. Malexning „Eski suratlar“ (1981) filmlari ''Suriya kinematografiyasining'' soʻnggi yillardagi muvaffiqiyatidir.
<!-- Bot tomonidan qoʻshilgan matn oxiri -->

{{Osiyo davlatlari}}
{{OʻzME}}

[[Turkum:Suriya| ]]
[[Turkum:Yaqin Sharq]]
[[Turkum:BMT aʼzolari]]
[[Turkum:Arab davlatlari]]
[[Turkum:Levant]]