ilo Linu Min
ilo Linu Min (toki Inli la: Linux Mint) li ilo kon lawa. ona li nasin wan pi ilo Linu Upuntu.[1] ilo Upuntu li nasin wan pi ilo Linu Tepijan. ilo Tepijan li nasin wan pi ilo Linu.
jan li kama jo e ilo Linu Min la, ilo Linu Min li pana e ilo lukin pi nasin mute pi sitelen tawa, e ilo mute pi nasin ni: mani ala en len ala.
ilo Linu Min li jo e ilo kon pi supa pali tu wan ni pi lipu open: ilo Sinamon, en ilo Xfce, en ilo Mate.
tenpo sike nanpa 2006 la, jan Keman Lepepu (Clément Lefèbvre) li open e pali pi ilo Linu Min. tenpo ni la, kulupu suli li awen pona e ona.[2] tenpo sike nanpa 2006 kin la, jan Keman Lepepu li lawa e ilo Linu Min.
lipu pi ilo Linu Min li ken kepeken toki mute, taso tenpo ni la ona li kepeken ala toki pona. jan li ken pana e ante toki tawa kulupu.
tan sona
[o ante | o ante e toki ilo]- ↑ 株式会社インプレス (2025-02-01). 【Ubuntu日和】 【第68回】Ubuntu派生版、Linux Mintの共通点と差異 (lon toki Nijon). lukin lipu li lon tenpo 2026-09-30.
- ↑ Q&A: Clement Lefebvre: The man behind Linux Mint (lon English). lukin lipu li lon tenpo 2026-07-28.