Nënkryetarët

Sara Goxhaj

Znj. Sara Goxhaj është një profesioniste me përvojë të konsoliduar në administratën publike, qeverisjen vendore dhe marrëdhëniet institucionale, me një karrierë mbi 12-vjeçare në pozicione këshillimore dhe drejtuese në institucionet qendrore dhe vendore në Shqipëri. E diplomuar në Drejtësi në vitin 2013, ajo ka përfunduar studimet Master i Shkencave në Marrëdhënie Ndërkombëtare në Universitetin e Tiranës. 
Formimi i saj akademik dhe profesional përfshin fusha të rëndësishme si diplomacia, integrimi evropian, politikat publike, lidershipi dhe qeverisja vendore.

Karriera e saj profesionale ka nisur me angazhime pranë USAID Albania dhe Ministrisë së Punëve të Jashtme, ku është përfshirë në analizimin e zhvillimeve politike, koordinimin institucional dhe çështjet e integrimit evropian dhe bashkëpunimit rajonal.

Prej vitit 2015, ajo ka vijuar karrierën në Bashkinë e Tiranës, fillimisht në pozicionin e Këshilltares së Kryetarit të Bashkisë, detyrë të cilën e ka mbajtur deri në nëntor 2021. Më pas, gjatë periudhës dhjetor 2021 – mars 2025, ka ushtruar funksionin e Drejtores së Kabinetit të Kryetarit të Bashkisë së Tiranës. Në mars të vitit 2025, Znj. Goxhaj ka mbajtur detyrën e Nënkryetares së Bashkisë së Tiranës.
Znj. Goxhaj ka marrë pjesë në aktivitete të organizuara nga Instituti Evropian për Barazinë Gjinore (EIGE), si dhe në programe mbi lidershipin dhe pjesëmarrjen politike të grave. 

Në vitin 2024, ajo ka qenë pjesë e programit prestigjioz International Visitor Leadership Program (IVLP) të Departamentit Amerikan të Shtetit, me fokus përfshirjen e të rinjve në proceset politike, lidershipin dhe angazhimin qytetar, përmes vizitave dhe shkëmbimeve profesionale në Shtetet e Bashkuara të Amerikës. (Washington, DC; Manchester, New Hampshire; Phoenix, Arizona; Orlando, Florida)

Prej 2025 edhe pedagoge në një prej Universiteteve të Tiranës.

Përvoja e saj profesionale ndërthur ekspertizën juridike me njohjen e administratës publike, marrëdhënieve ndërinstitucionale dhe proceseve të qeverisjes vendore.

Email: [email protected]

Sadi Vorpsi

Email: [email protected]

Ilir Mëngra

Email: [email protected]

Vasilika Vjero

Zj. Vasilika Vjero është një eksperte me profil të lartë teknik dhe profesional në fushën e administratës publike dhe zhvillimeve fiskale, me një karrierë të konsoliduar mbi 25-vjeçare në institucionet qendrore dhe vendore në Shqipëri. E diplomuar në Administrim Biznesi nga Fakulteti i Ekonomisë, Universiteti i Tiranës (1998), ajo ka përfunduar studimet Master në Administrim Publik nga Universiteti i Nebraskës, Lincoln (2003), në kuadër të një programi të përbashkët me Universitetin e Tiranës. Në vitin 2017, ajo është trajnuar në Harvard Kennedy School mbi politikat e zhvillimit ekonomik rajonal dhe global.

Karriera e saj ka nisur në vitin 1998 në Ministrinë e Kulturës, Rinisë dhe Sporteve, dhe ka vijuar në pozicione të rëndësishme pranë Bashkisë së Tiranës (2001–2011), ku ka drejtuar strukturat e taksave vendore dhe planifikimit strategjik dhe buxhetor. Që prej vitit 2013, Znj. Vjero ka mbajtur role drejtuese në administratën qendrore, përfshirë si Drejtoreshë e Përgjithshme e Qendrës Kombëtare të Regjistrimit dhe më pas e Drejtorisë së Përgjithshme të Tatimeve, ku ka udhëhequr procese të rëndësishme si unifikimi i shërbimeve për biznesin dhe reforma e fiskalizimit.
Ka shërbyer gjithashtu si Zëvendësministre dhe Këshilltare pranë Ministrisë së Financave, duke kontribuar në përafrimin e politikave fiskale me agjendën e integrimit evropian.

Përveç funksioneve publike, Znj. Vjero ka ofruar ekspertizë si konsulente e pavarur në projekte të financuara nga donatorë ndërkombëtarë, në mbështetje të mbi 24 bashkive në fushat e buxhetimit dhe administrimit të financave vendore. Ajo është eksperte e certifikuar dhe lektore për institucione si Banka Botërore dhe Qendra për Ekselencë në Financë.

Email: [email protected]