Кенія
Ке́нія (сваг. Kenya ˈkɛɲɑ), повнов назвов Республіка Ке́нія (сваг. Jamhuri ya Kenya) — внутроземна держава у Восточнуй Африці, 27. майвелика крайина за бывательством у світі и 7. у Африці з населеньом 54.2 міліоны чоловік на 2026. рук.[1] Головным и майвеликым варошом Кенії є Найробі; другый за розміром и майстарый варош тото Момбаса.
На сіверозападі Кенія граничит из Южным Суданом, на сівер из Ефіопійов, на восток из Сомалійов, на югозапад из Танзанійов, на запад из Уґандов.
На території Кенії на розкопках у Кообі Фора были найдені закамінілості майранньых знамых людий, еволуціоновавшых из предкув роду Homo. Май пак там жыли вадасы-збирачі, котрі подабали на сучасных гадзув.[2][3]
Етимолоґія
[едітовати | едітовати жрідло]Республіка Кенія названа на честь горы Кенії. Майранньый споминок за сучасну назывку горы быв записаный німецькым вандрувником Йоганом Лудвіґом Крапфом у 19. сторочу, кой ун, вандрувучи з караваном пуд проводом вождов Ківойом, увидів гору и зазвідав, як ся кличе. Ківой уповів „Kĩ-Nyaa“ вадь „Kĩlĩma-Kĩinyaa“, гадано позад єї вонкашнього виду, котрый позад чередованя чорного каміня и білого снігу подабав на піря страуса.[4] У архаїчному ґікую слово „nyaga“, вадь май часто „manyaganyaga“ хоснує ся на попис дуже яркого предмета. Аґікую, котрі жыют на горі Кенії, у языкови ґікую называвут ї „Kĩrĩma Kĩrĩnyaga“ (букв. „гора з яркустьов“), а ембу кличут ї „Ki-nyaga“ вадь „Kirima Kinyaga“. Вшыткі три назывкы мавут єднакоє значіня.[5]
Лудвіґ Крапф записав назывку ги Kenia и Kegnia.[6][7][8] У 1882. році Джозеф Томпсонс, шкотськый ґеолоґ и натуралішта, указав гору ги „Mount Kenia“.[4] Назву горы прияли pars pro toto ги назву крайины; при тому вна не зайшла до шырокоприятого офіційного хоснованя бігом раннього колоніалного періода, кой ищи была в хоснованю назва Восточный африканськый протекторат. Офіційну назывку поміняли на Колонія Кенії в 1920. році.
Референції
[едітовати | едітовати жрідло]- ↑ Kenya National Bureau of Statistics – Kenya's Top Data Site (по en-US). 23 December 2021. https://www.knbs.or.ke/. [перевірено 11 January 2025].
- ↑ African Hunter-Gatherers: Survival, History and Politics of Identity. https://repository.kulib.kyoto-u.ac.jp/dspace/bitstream/2433/68396/1/ASM_S_26_257.pdf. [перевірено 18 October 2021].
- ↑ The East African Bushmen. https://www.researchgate.net/publication/271694891. [перевірено 18 October 2021].
- 1 2 Sullivan, Paul (2006). Kikuyu Districts. Dar es Salaam, Tanzania: Mkuki na Nyota Publishers.
- ↑ History. http://www.kenyaembassy.com/aboutkenyahistory.html. [перевірено 13 May 2016].
- ↑ Krapf, Johann Ludwig (1860). Travels, Researches, and Missionary Labours in Eastern Africa. London: Frank Cass & Co. Ltd.
- ↑ Krapf, Johann Ludwig (13 May 1850). "Extract from Krapf's diary". Church Missionary Intelligencer. i: 452.
- ↑ Foottit, Claire (2006). Kenya. The Brade Travel Guide. Bradt Travel Guides Ltd. ISBN 978-1-84162-066-4. https://archive.org/details/kenya0000foot.
