પ્રશ્ન???
વરસાદ જોઈ થયું કે,
ખુશી જોઈ મારી આજે મેઘ પણ ગરજ્યા,
મારી સાથે જોડાઈ વાદળ મન મૂકી વરસ્યા,
ત્યાજ મારા કદમ કોઈના આશુમાં ડબુક્યા,
તો શું આ મેઘ મારી ખુશીમાં જ વરસ્યા?
દોસ્તી
મૃગજળ ની જેમ ઉડી જઈશ,
દોસ્તી ની છાપ છોડી જઈશ,
હોકાયંત્ર લઈને ક્યાં સુધી ફરશો?
દિશાહીન થશો કે તુરંતજ મળી જઈશ.
–રોનલ કનોજીયા.
મૃત્યુ
તારી જ અંદર છુપાઈ ને બેઠો છું, શોધે છે ક્યાં મને?
છું સામાન્ય જ “તારો” આજે પણ, શોધે છે ક્યાં મને?
ભલે આજે દુનિયામાં મારો અંશ નથી પણ,
(તારા)પ્રત્યેક વિચારોમાં બેઠો છું, શોધે છે ક્યાં મને?
–રોનલ કનોજીયા
ફ્રેન્ડશીપ ડે સ્પેશિયલ
હેપ્પી ફ્રેન્ડશીપ ડે
કોરા રહી ગયા ભલે વરસાદમાં, દોસ્તી એ તમારી ભીંજવી દીધા,
રિસ્તા હતા જે ફુલ સમા, સંબંધોથી તમે સિંચવી દીધા.
-રોનલ કનોજીયા
આશા-કિરણ
ક્યારેક એવું બને કે મનની ક્ષિતિજે અંધારું થઇ પણ જાય,
નાની પવનની લ્હેરકીથી આત્મ-વિશ્વાસનો હિમાલય હલી પણ જાય,
કરજે યાદ ત્યારે મુજ રાખ સમા મિત્ર ને તું,
જે તુજ માં કદાચ ઉષાભરી અજવાશ કરી પણ જાય.
-રોનલ કનોજીયા
જલન
સ્ટોરી:–> એક છોકરી ને એક છોકરો ગમતો હતો પણ એ એને પ્રપોસ મારે એ પેહલા જ બીજી છોકરી સાથે એ છોકરા એ મેરેજ કરી લીધા….તો એ છોકરી એ કઈક આમ લખ્યું…
બીજી(છોકરી) આવીને મારું પત્તું કાપી ગઈ,
જીવન હજુ શરુ જ થયુંતું ને એ આવીને બાફી ગઈ,
ભાઈ પણ બનાવી નથી શક્તી એને,
કેમકે થોડા જ દિવસો પેહલા “રાખી” ગઈ.
-રોનલ કનોજીયા
રાખી=રક્ષાબંધન….
જીવન
જીવનરૂપી દરિયામાં નજીવું વ્યક્તિત્વ(હું) ધરાવું છું,
પ્રાણપંખેરું ઉડી જશે પણ વિચારોની લાશ(હું) તરાવું છું,
કાલે કદાચ ના મળું એટલે જ
દિલમાં તમારા ચિત્ર મારું દોરાવું છું
-રોનલ કનોજીયા
સંવેદના
આ હવા મા કઈ નથી,
આ પાણી મા કઈ નથી,
આ દિલ મા કઈ નથી,
અને આ જીવનમા પણ કઈ નથી…આગળ શુ વાચો છો દોસ્તો,આ શાયરી માપણ કઈ નથી
-રોનક દેસાઈ
અને આ વાંચી ને મેં મુક્તક બનાવ્યું…
શું આ હવા માં કઈ નથી?, તો એ સુંદર મહેક કોની હતી,
શું આ પાણી માં કઈ નથી?, તો એ પ્રતિબિંબની ઝલક કોની હતી,
જીવનથી જ કઈક શીખ્યો છું એટલેજ કહું છું,
શું આ દિલ માં કઈ નથી, તો એના દરવાજા પર દસ્તક કોની હતી.
-રોનલ કનોજીયા
પ્રેમ
તમે સેવ્યા હતા એ સપનાનો સહવાસ છું હું,
ભલે આગળ વધી ગયા(તમે) પણ તમારી આસપાસ છું હું,
પાછુ વાળીને જોશો તો નહિ મળું,
ગુજરી ચૂકેલી યાદો નો એહસાસ છું હું.
-રોનલ કનોજીયા
દોસ્તી
યૌંવનમાં દોસ્તી નો સ્વાદ ભરતો જઈશ,
તારી ઝીંદગી માં મારી યાદ ભરતો જઈશ,
દીવો છું વિચારનો હું,
બળતો રહીશ ખૂદ પણ તારામાં પ્રકાશ ભરતો જઈશ.
-રોનલ કનોજીયા
તા.ક. :- આ મારું પેહલું મુક્તક મેં લગભગ ૧૦થી ૧૨ કવિતાઓ બનાવ્યા પછી બનાવ્યું હતું.
-
સંગ્રહ
- નવેમ્બર 2010 (1)
- સપ્ટેમ્બર 2010 (3)
- ઓગસ્ટ 2010 (22)
- મે 2010 (1)
-
શ્રેણીઓ
-
RSS
Entries RSS
Comments RSS
