Vanuatu
| Vanuatu | ||
|---|---|---|
| Ripablik blong Vanuatu | ||
  | ||
.svg) | ||
| Atministrashon | ||
| Kapital | Port Vila | |
| Idioma ofisial | Bislama, ingles, frances | |
| Gobernashon | Repúblika | |
| Presidente | Nikenike Vurobaravu | |
| Promé minister | Jotham Napat | |
| Establesimento di soberania | ||
| Independensia | 30 di yüli 1980 | |
| Geografia | ||
| Área | 12.190 km² | |
| Koordinato | 17°S 168°E / 17°S 168°E | |
| Poblashon | ||
| Populashon (2020) |
300.019 24.61 habitante/km² | |
| HDI | 0,607 (2021) | |
| Otro infromashon | ||
| Unidat monetario | Vanuatu vatus | |
| Wèp | .vu | |
| Kódigo | VUT | |
| Tel | +678 | |
| Mapa detaya di Vanuatu | ||
 | ||
Imágennan riba  Wikimedia Commons | ||
| Wèpsait ofisial | ||
| [Editá Wikidata] · [Manual] | ||
Vanuatu, ofisialmente Repúblika di Vanuatu (franses: République de Vanuatu; bislama: Ripablik di Vanuatu), ta un pais insular den Melanesia, den parti wèst di Oseania, den Oséano Pasífiko Sur. E archipiélago ta konsistí di 83 isla, mayoria di orígen volkániko. E ta situá mas o ménos 1.750 km na ost di Australia, 540 km nortost di Nueva Caledonia, sùitost di Islanan Solomon, i wèst di Fiji. E kapital di Vanuatu ta Port Vila, situá riba e isla di Éfaté.
E islanan di Vanuatu tabata habitá pa miles di aña promé ku e yegada di e oropeonan. E promé ekspedishon oropeo ku a yega na e islanan tabata un ekspedishon spañó dirigí pa e nabegante portugues Fernandes de Queirós, na 1606. E ekspedishon a yega na e isla mas grandi, Espíritu Santo. Quirós a reklamá e teritorio pa Spaña i a yama e área Austrialia del Espíritu Santo, pasobra e tabata kere ku e tabata parti di un gran masa di tera den hemisferio sur.
Durante siglo diesnuebe, Fransia i Reino Uni a oumentá nan influensia riba e archipiélago. Na 1887, nan a establesé un komishon naval konhuntu pa supervisá e islanan. Na 1906, e dos pais a akordá pa goberná e teritorio konhuntamente, bou di un sistema konosí komo e kondominio anglofranses. Durante e periodo kolonial aki, e islanan tabata konosí komo New Hebrides.
Den añanan 1970, un movementu di independensia a surgi, impulsá pa lidernan lokal ku tabata eksigí mas outonomia i e fin di dominio kolonial. Vanuatu a bira un pais independiente dia 30 di yüli 1980 i a adoptá e nòmber Repúblika di Vanuatu.
Despues di su independensia, Vanuatu a bira miembro di Nashonnan Uni, Mankomunidat di Nashonnan, Organisashon Internashonal di Frankofonia, i Foro di Islanan di Pasífiko. Bislama, ingles i franses ta e idiomanan ofisial di e pais.
· 
· 
