अर्नेस्ट हेमिङ्वे
अर्नेस्ट मिलर हेमिङ्गवे (जुलाई २१, १८९९ - जुलाई २, १९६१) छम्ह अमेरिकी च्वमि खः। वय्कलं तसकं अःपूगु पहलं च्वयादिल, गुकिं यानाः वय्कः तसकं नांजाः। वय्कलं यक्व एद्भेनचरया ज्या नं यानादिल, गुकिं यानाः यक्व मनुतय्सं वय्कःयात सम्मान याः। वय्कःयात अप्वः यानाः लस्ट जेनेरेसन या दुजः धकाः कायेगु या।
जीवनी
[सम्पादन]मचा ई
[सम्पादन]अर्नेस्ट हेमिङ्गवे सन् १८९९य् बूगु खः। वय्कः शिकागो नापंया ओक पार्क, इलिनोइय् थःगु प्राथमिक जीवन हना दिल। वय्कः खुम्हेसिया परिवारय् निम्हम्ह मचा खः। वय्कःया अबु छम्ह डाक्टर खः धाःसा मां छम्ह किपामि व पियानो थानामि खः।
सकल ताहालाय् परिवार उत्तरी मिशिगनय् च्वंगु थःगु बिदाया छेँय् वनिगु याः। अर्नेस्टया अबुं वय्कःयात न्या लायेगु, शिकार यायेगु, क्याम्प तयेगु, व मिं नसा दयेकेगु स्यनादिल।
ओक पार्कया छेँय् च्वनाः अर्नेस्टं थःगु स्कूलया बुखँपौया निंतिं च्वयादिल।
पत्रिका
[सम्पादन]सन् १९१७य् हेमिङ्गवें विश्वविद्यालयय् मवनेगु निर्णय यानादिल। थ्व संयुक्त राज्य अमेरिका नकतिनि न्हापांगु विश्व युद्धय् दुहाँ वंगु ई खः व वय्कलं आर्मी (सेना)य् वनेत स्वयादिल, तर वय्कःया मिखा स्वयेगु क्षमता बांमलाःगुलिं इपिंसं वय्कःयात अस्वीकार यात।
अर्नेस्टं कान्सास सिटी, मिसौरीइ कान्सास सिटी स्टार धाःगु बुखँपौय् ज्या लुइकादिल। वय्कलं अस्पताल, पुलिस मुख्यालय, व रेलवे स्टेशनय् जूगु बुखँ रिपोर्ट यानादिल।
शिकागो
[सम्पादन]छुं ई लिपा, हेमिङ्गवें थःगु च्वयेगु ज्या पाखें जीविका दयेकेफै धकाः थःम्हेसित व थःगु परिवारयात क्यनेत छेँ त्वताः शिकागो वनादिल। तर, अन वय्कःया ध्यबा मदयावन व बुखँपौया निंतिं हानं च्वयेगु ज्या न्ह्याकादिल। क्यानडाया बुखँपौ, टोरन्टो स्टारं वय्कःया शिकागोया रिपोर्टय् ज्या बिल। इपिंसं वय्कःयात नापं बांलाःगु ध्यबा नं बिल। शिकागोय् हेमिङ्गवें शेरवुड एन्डरसन नाप नापलानादिल। एन्डरसन साधारण मनूतय्गु बारेय् च्वइम्ह न्हापांम्ह अमेरिकी च्वमि मध्ये छम्ह खः। हेमिङ्गवें खनादिल कि एन्डरसनया बाखँतय्सं जीवनयात केन्द्र कथं क्यनी। थ्व वय्कलं नं याये माःगु ज्या थें वय्कःयात ताल। एन्डरसनं हेमिङ्गवेयात वय्कःयागु च्वयेगु बारेय् सल्लाह बियादिल। वय्कलं हेमिङ्गवेयात पेरिसय् च्वं वनेगु सुझाव बियादिल।
छुं ल्यया च्वखँ
[सम्पादन]
थ्व अर्नेस्ट हेमिंग्वें थःगु जीवनकालय् पिथंगु ज्याया धलः खः । वय्कःया लिपाया यक्व च्वसुत मरणोपरांत पिदंगु खःसां थन्याःगु पिथना वय्कःया निगरानी मदयेक हे क्वचाःगु खः।
- स्वपु बाखं व झिपु चिनाखँ (Three Stories and Ten Poems १९२३)
- झीगु इलय् (In Our Time १९२४)
- झीगु इलय् (In Our Time १९२५)
- द तोरेन्त्स अफ स्प्रिङ्ग (१९२६)
- द सन अल्सो राइजेस (१९२६): थ्व बाखँ न्हापांगु हलिम युद्ध लिपा युरोपय् दयाच्वंगु "लस्ट जेनेरेसन" (Lost Generation) या अमिरिकन व बेलायती आप्रवासीया जीवनय् आधारित दु। बाखँया मू पात्र जेक बार्नस (Jake Barnes) व वय्कःया मतिनामि लेडी ब्रेट एश्ले खः। थ्व उपन्यासय् पेरिसया क्याफे संस्कृति निसें स्पेनया पम्प्लोना नगरय् जुइगु प्रसिद्ध बुल-फाइट (bull-fighting) महोत्सवया जीवन्त वर्णन यानातःगु दु। हेमिङ्वेया च्वयेगु शैली तस्कं संक्षिप्त, सरल व प्रत्यक्ष दु, गुकियात "आइसबर्ग थ्योरी" (Iceberg Theory) धाइ। थ्व सफूं हेमिङ्वेयात हलिम साहित्यय् प्रसिद्ध दयेकल। थ्व उपन्यासय् युद्ध लिपाया निराशा, प्रेमया असफलता व जीवनया अर्थ म्हसीकेगु कुतःयात क्यनातःगु दु।
- मेन विदआउत विनिन (१९२७)
- ए फेयरवेल टु आर्म्स (१९२९)
- देथ इन दि आफ्तरनुन (१९३२)
- विनर तेक नथिङ्ग छुं (१९३३)
- ग्रीन हिल्स अफ अफ्रिका (१९३५)
- तु ह्याभ एन्द ह्याभ नत (१९३७)
- न्यागूगु स्तम्भ व न्हापांगु पीन्यापु बाखं (१९३८)
- फर हूम द बेल टोल्स (१९४०)
- अक्रस द रिभर एन्द इन्तु द त्रिज (१९५०)
- द ओल्ड म्यान एण्ड द सी (१९५२)
किपा
[सम्पादन] अर्नेस्ट हेमिङ्वे, १९५० | |
| बूं दिं: | जुलाई २१, १८९९ ओक पार्क, इलिनोइ |
|---|---|
| सी दिं: | जुलाई २, १९६१ Ketchum, आइडाहो |
| ज्या: | च्वमि व पत्रकार |
| साहित्यिक ज्याखं: | द लस्ट जेनरेसन (तंगु पुस्ता) |
| प्रेरणा: | Gertrude Stein, Fyodor Dostoevsky, Pío Baroja, शेरवूड एन्डरसन, थियोडोर Dreiser |
| प्रभावित च्वम्हि: | ज्याक Kerouac, J.D. Salinger, हन्टर एस थम्प्सन, Bret Easton Ellis, Chuck Palahniuk, डग्लस कुपल्यान्ड, चार्ल्स बुकोव्स्की |
लिधंसा
[सम्पादन]- ↑ "New Hemingway sculpture idea was born decades ago in Cuba", Petoskey News-Review, September 8, 2021.