Staḍion Gelora 10 Nopèmber

Staḍion Gelora 10 Nopèmber (G10N) otabâ Staḍion Tambaksari iyâ arèya Staḍion bal sèpak kasohor è Kottha Sorbâjâ. Kennengngan rèya ra kèra la bâḍâ sajjhâ' taon 1920-an bân bânnya' ètemmonè makam Tionghoa. Lambâ' Kennengngan rèya èghuna'aghi kaghâbây markas Soerabaische Kantoor Voetbalbond (SKVB).

Neng taon 1932 semangat pemuda Sorbâjâ ḍalem dhunnya bal sèpak muncullaghi kompolan bal sèpak akadhi Soerabaische Kantoor Voetbalbond (SKVB). SKB mèmpèn pan-bârâmpan klub akadhi Soerabaische Voetbal (SV) Aniem, SV Douane, SV Factorij, SV Handelsbank, SV Internatio, bân SV Marine Kazerne Goebeng. È taon rèya, bâḍâ kompolan bal sèpak laèn sè anyama Nederlandsch Indisch Voetbal (NIVB) sè dhâddhi corong olahraga Vaderlandsch Club (VC) sè anḍi' markas di Simpangsche Societeit (tempat akompolla orèng-orèng Bâlândhâ). Neng Mèi 1932, lapangan Tambaksari dhâddhi arena sè andi' unsur politis sè aujung ka pertempuran Sorbâjâ.

Neng Sèptember 1945, Tambaksari èpadhâddhi lokasi rapat raksasa neng 13 Sèptember 1945 ka'angghuy mataoh tèkad rakyat Sorbâjâ apertahanaghi kamardhika'an Rèpublik Inḍonèsia. È taon 1949 lokasi rèya èkala' bi' Persebaya kantos èobâ bi' Ir. Tan Giok Tjiauw neng taon 1954, kantos eresmiaghi neng 11 Sèptember 1954 bi' Wali kottha Moestadjab Soemowidagdo. Lokasi rèya kantos ènyamaè mènangka Staḍion Tambaksari. Lokasi rèya ètettepaghi mènangka Bangunan Cagar lèbât Sorat Keputusan Wali kottha Nomor 188.45/251/402.104/1996.

Stadion rèya mendadak èpèlè dhâddhi sala sèttong Staḍion penyelenggara Babak 8 Besar Divisi otama Liga Inḍonèsia 2007. Hal rèya kadhâddhiyân polana bâḍâna putusân ngallèna penyelenggara'an ḍari Staḍion Brawijaya ka Staḍion Gelora Dèlta. Neng akhèrra dhâddhi kekosongan kennengngan penyelenggara'an ka'angghuy mabâḍâ pertandingan areng bâreng.