Lompat ke isi

Kocèng Ra'as

Ḍâri Wikipèḍia bhâsa Madhurâ, lombhung pangataowan mardhika
Raas cat
Solid blue adult
Other namesMadura cat
Common nicknamesBusok cat (blue),
Amethyst cat (chocolate),
Busok-Raas, (Kucing) Buso
OriginCèṭa'an:INA
Foundation bloodstockpopulation on Madura and Raas Island
Variety statusNot recognised as a standardised breed by any major breed registry.
Breed standards
OtherIBRA
FFF
Domestic cat (Felis catus)
Kucing bhusok Râs variasi Blue
Kucing bhusok Râs variasi Lilac Mink
Kucing Busok Black
Kucing bhusok Râs variasi Black
Kucing bhusok Râs Variasi Chocolate

Kocèng Bhusok Ra'as (èkennal kalabân Kocèng Madhurâ) aropa'aghi ras kocèng èndemik sè asalla ḍâri Polo Ra'as è Inḍonèsia.[1][2][3][4] bhusok Ra'as aropa'aghi ras kocèng murni taḍâ' camporan gèn ḍâri ras kocèng laènna.[3][4] Kocèng rèya tamaso' kocèng sè rang-rang bâḍâ bân anḍi' variasi gènètika sè tèngghi. per taon 2016, ra-kèra Kocèng bhusok Ra'as kalabân gen sè sokkla coma korang ḍâri 100 bigghi'.[5] Kocèng bhusok Ra'as satèya bâḍâ 4 variasi bârna iyâ arèya bhiru/bu-abu, black/celleng, chocolate/sokklat, bân lilac kalabân ciri khassa bunto' sè panḍâ' bân bilu'. Kocèng bhusok satèya anḍi' wadah sè anyama IBRA (Indonesian bhusok Ra'as Asosiation) sè èpaddhek bi' I Putu Aditya Perdana, Hany Kolopaking, Dionisius Suharmin, bân Dr. Vimala Dewi Lukito.[5]

Bâḍâna kocèng rèya coma kadhâddhiyân è Polo Ra'as. Kocèng bhusok Ra'as cè' èkaèmanè pas èjâgâ bi' rèng-orèng è Polo Ra'as,[1][3] saèngghâ alang-lang ras kocèng rèya ngallè ka lowar polo.[6] Biyasana coma kocèng bhusok Ra'as sè la è kabhiri sè ollè èghibâ ngallè ka lowar polo ma'lè kamurniyanna bhusok Ra'as teptep kajâgâ. Kalahèranna ana'na kocèng bhusok Ra'as kalabân bârna bhiru pastè è tos-nantos bân rèng-orèng Polo Ra'as. Buḍu'ân kocèng jârèyâ ḍâgghi' bhâkal èberri' ka rèng-orèng tartanto ghâbây hadiyâ, akadhiyâ sè senneng ka kocèng.[1][3]

Sajharâ

[beccè' | beccè' sombher]

bhusok Ra'as aropa'aghi kocèng sè awwâl molana ta' èkataowè asal-osolla. Coma ra-kèra kocèng rèya bâḍâ sacara alami.[3] Mètorot orèng Polo Ra'as anyata'aghi kocèng bhusok Ra'as acèpta ḍâri hasèl kabinanna kocèng Pitua (atanḍu') kalabân kocèng ḍomèstik polo Ra'as. Salaèn ḍâri jârèya kocèng bhusok Ra'as èparcajâ jhâ' asalla ḍâri ras Asia karana ropa bunto'na sè bilu' è bâgiyân konco'na.[3][4]

Bânnya' rèng-orèng sè terro tao onèng kocèng bhusok akadhi kalompo' sè senneng ka kocèng è Inḍonèsia. Kalompo' kocèng jârèya terro kabâḍâ'ân kocèng bhusok pagghun terros bâḍâ bân kocèng jârèya bisa èyakowè è dhunnya Internasional. Sabâgiyân kocèng bhusok Ra'as perna kèya èghibâ ka lowar Polo Ra'as ka'angghuy pangembangan, saènggha pan-bârampan kocèng bhusok Ra'as bisa è emmowè è Bhâli, Jâkarta, Songennep, Bandung, Bogor,[7] bân è Semarang.[8]

Sèpat

[beccè' | beccè' sombher]

bhusok Ra'as anḍi' karakteristik fisik sè para' paḍâ'â bân macan tol-tol bân kocèng hutan.[1][2][3] bhusok Ra'as aropa'aghi kocèng sè tampilanna anggun[3] bân okoranna seḍḍheng kalabân okoran sè lebbi rajâ ḍâri okoranna ras kocèng biyasana.[1] Mowa kocèng rèya abhângon masaghi tello' bân sakonè' masaghi kalabân cangkèm sè lancèp sakonè'.[2] Kopèngnga manjheng ka aḍâ',[9] lanjhâng bân akonco'.[3] Kocèng rèya anḍi' bunto' sè lanjhâng kalabân sabâgiyân bâgiyanna sè bilu'.[10] bhusok Ra'as anḍi' bârna mata sè bhiru towa bân biyasana abârna bhiru mon kocèng sè abârna soklat towa[4] kalabân bhângon oval bân matana ta' cè' lèbârrâ.[2]

bhusok Ra'as anḍi' bulu sè pènḍâ' tor alos bân lembu'.[2] bhusok Ra'as hadir ḍâlem pola solid,[5] ḍuwâ' bârna,[11] bân tètè' bârna,[1][2][3] kalabân bârna bhiru (bu-abu) bân kaju manès (sokklat towa).[4] Bârna blue bisa hadir ḍâlem pola solid otabâ ḍuwâ' bârna kalabân bulu bârna blue sè bâḍâ è sabâgiyân bhâdhânna bân bârna potè sè bâḍâ è bâgiyân ḍâḍâ bân tabu'na kalabân bâtes sè ta' jellas.[5] Dhinèng bârna kaju manès bisa hadir ḍâlem pola solid otabâ titi' bârna.[5] Kocèng bârna blue èkennal kalabân nyama kocèng bhusok, dhinèng sè bârna kaju manès èsebbhut kalabân nyama kocèng kacobhung.[11] Kocèng kacobhung panèka jenis sè palèng rang-rang bâḍâ bân maso' bârna resesif.[3][4] Tapè mangkèn bâḍâ bârna Black bân Lilac.

Bâbâtek

[beccè' | beccè' sombher]

Kocèng bhusok Ra'as è alam liarra iyâ arèya kocèng sè tako' kalabân manossa, saèngghâ kocèng jârèya sè malarat ka'angghuy adaptasi.[6] Kocèng bhusok Ra'as anḍi' bâbâtek sè senneng ka manossa sa'amponna neng-neng oḍi' bi' manossa kantos generasi ka-4 (F4). Kocèng rèya coma senneng ka orèng sè arabât bân korang bisa narèma orèng laèn salaèn sè arabât. Tapè, mon la terbiasa ḍâ' lingkunganna, kocèng rèya cè' ghâmpangnga aadaptasi tor cè' akancana.[12] Bâbâtek kocèng rèya sè neng-enneng, toḍusân bân ngastètè, tapè dhing la abit, kocèng rèya bhâkal dhâddhi kanca. Bânnya’ sè ahèrra dhâddhi kocèng ma-roma sè cè' manjâna.

Bâkto sapih buḍu'na ètanḍhâi kalabân è omor 3 bulân bhâkal èkalako sampe' buḍu'na bisa anḍi' ana' 1 taon 3 kalè. Tapè, ḍâlem situasi tartanto, lebbi bhâghus èpakabin bilâ kondisi bâdhânna la abâli polè bâḍâ dhâghing bân lempo. Tojjhuwânna marè mon nganḍung polè buḍu'na' bân korbina paḍâ bhâghus.

Sombher

[beccè' | beccè' sombher]
  1. 1 2 3 4 5 6 "Ras Kucing Asli Indonesia". KucingKita.com (in Inggris). Archived from the original on 2016-04-14. Retrieved 2026-06-21.
  2. 1 2 3 4 5 6 "Mengenal Kucing Busok: Kucing Asli Pulau Raas". PortalMadura.com (in American English). 2014-02-19. Retrieved 2026-06-21.
  3. 1 2 3 4 5 6 7 8 9 10 11 "Daya Tarik Warna Buso pada Kucing Madura". Meongers (in Inggris). Archived from the original on 2014-05-16. Retrieved 2026-06-21.
  4. 1 2 3 4 5 6 Admin. "MEMBURU KUCING MADURA!". www.lppm.ipb.ac.id (in Inggris (Britania)). Archived from the original on 2016-04-12. Retrieved 2026-06-21.
  5. 1 2 3 4 5 "BREEDS ORIGINATING FROM SOUTH-EAST ASIA". messybeast.com. Retrieved 2026-06-21.
  6. 1 2 "#nationalcatday, Perjuangkan Kucing Busok Madura". Surya.co.id (in Indonesia). Retrieved 2026-06-21.
  7. ↑ Berlian, Daurina Lestari, Isra (2017-12-05). "Sumenep Gelar 39 Agenda Wisata di 2018, Catat Tanggalnya". www.viva.co.id (in Indonesia). Retrieved 2026-06-23.{{cite web}}: CS1 maint: multiple names: authors list (link)
  8. ↑ "Ini Dia Kucing Busok Khas Pulau Raas Indonesia, Mata Tajam dan Berwibawa". Tribunjateng.com (in Indonesia). Retrieved 2026-06-23.
  9. ↑ Dehandoko, SYAHRUL SYAIFUDIN ANSYARI (2015-05-29). "Raas, Kucing Para Bangsawan dan Ulama Madura". www.viva.co.id (in Indonesia). Retrieved 2026-08-03.
  10. ↑ "Raas, Kucing Asli Indonesia Dari Madura - Meowmagz". Meowmagz (in American English). 2015-08-28. Archived from the original on 2016-06-29. Retrieved 2026-06-23.
  11. 1 2 "Kucing Raas, Kucing Busok dan Kucing Kecubung". kucingraas.co.id (in American English). 2016-08-17. Archived from the original on 2016-10-30. Retrieved 2026-08-02.
  12. ↑ "hewanee.com". hewanee.com. Archived from the original on 2023-09-29. Retrieved 2026-08-02.

Èpondhut ḍâri "https://mad.wikipedia.org/w/index.php?title=Kocèng_Ra%27as&oldid=67281"