અમદાવાદીઓની જીભને ખાવાના ચટાકા બવ! એટલે જ ખાવાના પ્લેસીસ અહીંયા બહુ જલ્દી ફેમસ બને! આવું જ એક ભજીયા ખાવા માટેનું ફેમસ સ્થળા એટલે “જેલના ભજીયા”.

અમદાવાદ આર.ટી.ઓ પાસે જેલમાં બનેલી વસ્તુઓનું વેચાણકેન્દ્ર છે. ખાદીના કપડાં અને એવી બધી જેલમાં બનાવેલી વસ્તુઓ મળે છે ત્યાં.

જેલની વસ્તુઓનું વેચાણકેન્દ્ર

તેની પાસે જ આ જેલના ભજીયાની દુકાન છે. આ ભજીયા પણ જેલના કેદીઓએ જ બનાવેલા હોય છે. અને ત્યાં તમને ગરમાગરમ ભજીયા ઉતારી, પેક કરી કેદીઓ જ આપે! પૈસાનો વહિવટ બધો એક પોલીસવાળા ભાઈ બેઠા હોય એ કરે.

આ રહી એ જગ્યા જ્યાં જેલના કેદીઓના હાથે બનેલા ભજીયા મળે છે.

જેલના ભજીયા માટેની લાઈન

આવા લોકોના હાથે બનાવેલું ખાવાનું કઈ રીતે ખવાય તેવા સવાલના જવાબમાં મારી એક મિત્ર નિલમ કહે છે “ઉલ્ટાનું આ લોકોએ બનાવેલી વસ્તુઓ ખરીદી આપણે તેમને સારા માર્ગે વળવામાં મદદ કરી રહ્યા છીએ.” વેલ..વાત ગળે ન ઉતરી? તો કંઈ નહી ભજીયા તો નક્કી ફટાફટ ગળે ઉતરી જશે.

આ જેલના ભજીયા એટલા તો ફેમસ થઈ ગયા છે કે એની વાન પણ અમદાવાદમાં અમુકઅમુક જગ્યા નક્કી કરેલા ટાઈમે ઉભી રહે છે. કોઈને ખબર છે મણિનગરમઆં એ વાન ક્યારે, કયાં અને કેટલા વાગે ઉભી રહે છે?