Armeala rejimo di Grekia
.svg)
L'armeala rejimo di Grekia, anke diktatoreso di koloneli (en la Grekiana: Το καθεστώς των Συνταγματαρχών, To kathestos ton Syntagmatarhon) esis rejimo qua guvernis Grekia per stato-stroko de la 21ma di aprilo 1967 til la 24ma di julio 1974.
Frua-matine la 21ma di aprilo 1967 grupo de oficiri (majoritate koloneli) di mez-alta rango stato-strokis. Direte armeala rejimo kreesis di qua kolonelo Georgios Papadopulos e generalo Stilianos Patakos esis la maxim forta viri. La rejimo dicis guvernar ye nomo di rejo Konstantinos la 2ma, ma pose pruvesis ke ilta nule relatis la stato-stroko. Il tamen rezignis la stato-stroko e konsilis la yuristo Konstantinos Kollias kom guverneriestro, la rejimo aceptis. A singla ministro juntesis armeal oficiro por "surveyar". Papadopulos juntesis a guverneriestro Kollias e fakte divenis duktisto di Grekia.
La rejimo deklaris ke la nova guvernerio introduktus profunda politikala riformigi favore la farmisti e laboristi. Explicite emfazesis ke la rejimo esis dextra nek sinistra ma "nacionale Grekiana". Tamen, l'armeala rejimo arestigis omnu kun sinistra idei o simpatii, influoza politikisti quale patro e filio Papandreu e simpla civitani. Li desaparis en karceri o deportesis a Grekian insuli. Plu kam 480 komunisti deprenesis lia civitaneso, inter li la kompozisto Teodorakis arestesis en 1967 pro fondar "komunistala" movemento de rezisto.