Jump to content

Եյլի համալսարանի հրատարակչություն

Վիքիպեդիայից՝ ազատ հանրագիտարանից
Եյլի համալսարանի հրատարակչություն
անգլ.՝ Yale University Press
պատկերանիշ
Եյլի հրատարակչության պատկերանշանը
Տեսակհամալսարանական հրատարակչություն և գրահրատարակչություն
Անվանված է ի պատիվԵյլի համալսարան
Հիմնադրված է1908[1]
ՀիմնադիրGeorge Parmly Day?
ՎայրՆյու Հեյվեն, Կոնեկտիկուտ
Երկիր ԱՄՆ[1]
Արդյունաբերությունհրատարակչություն
ՍեփականատերԵյլի համալսարան
Կայքyalebooks.yale.edu
Մասնակից էAssociation of American University Presses?[2][3]
 Yale University Press Վիքիպահեստում

Եյլի համալսարանի հրատարակչություն (անգլ.՝ Yale University Press), Եյլի համալսարանի համալսարանական հրատարակչությունը։ Այն հիմնադրվել է 1908 թվականին, Բենջամին Դեյի թոռներ՝ Ջորջ Պարմլի Դեյի և Քլարենս Դեյի կողմից, և 1961 թվականին դարձել է Եյլի համալսարանի դեպարտամենտ, սակայն այն շարունակում է ֆինանսապես և գործառնական ինքնավար մնալ[4][5]։

Եյլի համալսարանի հրատարակչության հիմնադիր Ջորջ Պարմլի Դեյը։

2020 թվականի դրությամբ Եյլի համալսարանի հրատարակչությունը տարեկան հրատարակում է մոտավորապես 300 նոր կոշտ կազմով և 150 նոր կազմով գիրք և ունի տպագրված մոտ 5000 գրքերի ցուցակ։ Նրա հրատարակած գրքերը արժանացել են հինգ Ազգային գրքի պարգևի, երկու Գրական քննադատների ազգային մրցանակների և ութ Պուլիցերյան մրցանակների[6]։

Հրատարակչությունը գրասենյակներ ունի ԱՄՆ-ի Կոնեկտիկուտ նահանգի Նյու Հեյվեն քաղաքում և Մեծ Բրիտանիայի մայրաքաղաք Լոնդոնում։ Եյլը միակ ամերիկյան համալսարանական հրատարակչությունն է, որն ունի լայնածավալ հրատարակչական գործունեություն Եվրոպայում։

Այն Մասաչուսեթսի տեխնոլոգիական ինստիտուտի հրատարակչության և Հարվարդի համալսարանի հրատարակչության հետ համատեղ հիմնել է «TriLiteral LLC» բաշխիչ ընկերությունը։ 2018 թվականին «TriLiteral»-ը վաճառվել է «LSC Communications»-ին[7]։

Շարքեր և հրատարակչական ծրագրեր

[խմբագրել | խմբագրել կոդը]
Եյլի համալսարանի հրատարակության բնօրինակ պատկերանշանը, որը մշակվել է Փոլ Ռենդի կողմից:


Եյլի երիտասարդ բանաստեղծների շարք

[խմբագրել | խմբագրել կոդը]

Իր ստեղծման օրվանից՝ 1919 թվականին, Եյլի երիտասարդ բանաստեղծների շարքի մրցույթը հրատարակել է նոր բանաստեղծների բանաստեղծությունների առաջին ժողովածուն։ Առաջին հաղթողը Հովարդ Բաքն էր, իսկ 2011 թվականի հաղթողը՝ Քեթրին Լարսոնը։

Եյլի դրամատիկական շարք

[խմբագրել | խմբագրել կոդը]

Եյլի համալսարանի հրատարակչությունը և Եյլի ռեպերտուարային թատրոնը համատեղ հովանավորում են Եյլի դրամատիկական շարքը, որը դրամատուրգիական մրցույթ է։ Ամենամյա մրցույթի հաղթողին շնորհվում է 10,000 ԱՄՆ դոլարի չափով Դեյվիդ Չ. Հորնի մրցանակ, նրա ձեռագրի հրատարակումը Եյլի համալսարանի հրատարակչության կողմից և բեմականացված ընթերցանություն Եյլի ներկայացուցչությունում։ Եյլի դրամատիկական շարքը և Դեյվիդ Չ. Հորնի մրցանակը ֆինանսավորվում են «Դեյվիդ Չարլզ Հորն» հիմնադրամի կողմից[8]։

Խարիսխ Եյլի Աստվածաշնչի շարք

[խմբագրել | խմբագրել կոդը]

2007 թվականին Եյլի համալսարանի հրատարակչությունը «Doubleday Publishing Group»-ից ձեռք բերեց Խարիսխ Աստվածաշնչի շարքը, որը ավելի քան 115 հատորներից բաղկացած աստվածաշնչային գիտությունների հավաքածու է[9]։ Այժմ հրատարակվում են նոր և հին հրատարակություններ՝ Խարիսխ Եյլի Աստվածաշնչի շարք անունով։

«Ամերիկյան ժողովրդավարության ապագան» շարք

[խմբագրել | խմբագրել կոդը]

Եյլի համալսարանի հրատարակչությունը հրատարակում է «Ամերիկյան ժողովրդավարության ապագան» շարքը[10], որը «նպատակ ունի ուսումնասիրել, պահպանել և թարմացնել ամերիկյան ժողովրդավարության պատմական տեսլականը Ամերիկայի որոշ առաջատար մտածողների գրքերի շարքում»՝ համագործակցելով «Ամերիկյան ժողովրդավարության ապագա» հիմնադրամի հետ[11]։

Լամարի շարքը արևմտյան պատմության մեջ

[խմբագրել | խմբագրել կոդը]

Շարքը (նախկինում Եյլի Արևմտյան Ամերիկանայի շարքը[12]) ստեղծվել է 1962 թվականին՝ հրատարակելու աշխատություններ, որոնք ուժեղացնում են ամերիկյան Արևմուտքում մարդկային գործերի ըմբռնումը և նպաստում են ավելի լայն հասկացությանը, թե ինչու է Արևմուտքը կարևոր Ամերիկայի քաղաքական, սոցիալական և մշակութային կյանքում[13]։

Թերիի դասախոսությունների շարք

[խմբագրել | խմբագրել կոդը]

Դուայթ Հ. Թերի դասախոսությունը հիմնադրվել է 1905 թվականին՝ խրախուսելու կրոնի դիտարկումը ժամանակակից գիտության, հոգեբանության և փիլիսոփայության համատեքստում։ Դասախոսություններից շատերը, որոնք վարում է Եյլի համալսարանը, գրքի ձևով խմբագրվել են Յեյլի համալսարանի հրատարակության կողմից։

Եյլ Նոտա Բենե

[խմբագրել | խմբագրել կոդը]

2000 թվականի սեպտեմբերի 22-ին, Եյլի համալսարանի հրատարակչությունը հայտարարեց նոր «Եյլ Նոտա Բենե» տպագրության մասին, որը «կներառի Եյլի հրատարակչության ամենավաճառվող և դասական վերնագրերը, որոնք կներառեն պատմության, կրոնի, գիտության, ընթացիկ իրադարձությունների, տեղեկատու աշխատություններ և կենսագրություններ, ինչպես նաև գեղարվեստական, պոեզիա և դրամա»[14]։

Հակասություններ

[խմբագրել | խմբագրել կոդը]

Միզեսի «մարդկային գործողություն»

[խմբագրել | խմբագրել կոդը]

1963 թվականին հրատարակչությունը հրատարակեց Լյուդվիգ ֆոն Միզեսի «Մարդկային գործողություն»-ի վերանայված հրատարակությունը։

1964 թվականի մայիսի 5-ի «National Review»-ի համարում Հենրի Հազլիթը գրել է «Գլուխգործոցի այլանդակում» պատմվածքը՝ մեղադրելով Եյլի համալսարանի հրատարակչությանը նոր հրատարակությունը դիտավորյալ սիրողական ձևով տպագրելու մեջ՝ մամուլի տարբեր գաղափարախոսական համոզմունքների պատճառով[15][16]։

Մուհամեդի ծաղրանկարներ

[խմբագրել | խմբագրել կոդը]

2009 թվականի օգոստոսին հրատարակչության պաշտոնյաները հակասությունների տեղիք տվեցին, երբ որոշեցին հեռացնել «Jyllands-Posten»-ի Մուհամմեդի ծաղրանկարների վեճում ներգրավված ծաղրանկարների վերարտադրությունները, ինչպես նաև Մուհամեդի մյուս բոլոր պատկերները, պրոֆեսոր Ջիտ Կլաուզենի «Ծաղրանկարներ, որոնք ցնցեցին աշխարհը» գիտական ​​գրքից[17]։

Ծանոթագրություններ

[խմբագրել | խմբագրել կոդը]
  1. 1 2 https://id.loc.gov/authorities/names/n92085293.html
  2. ↑ https://aupresses.org/membership/membership-list/
  3. ↑ https://web.archive.org/web/20240116105626/https://aupresses.org/membership/membership-list/
  4. ↑ Bradley, George (1998). «Introduction». The Yale Younger Poets Anthology. New Haven and London: Yale University Press. էջ 24. ISBN 9780300074734.
  5. ↑ «George P. Day, 83, of Yale is Dead». New York Times. 1959 թ․ հոկտեմբերի 25.
  6. ↑ «Donatich Appointed New Director of Yale University Press» (Press release). Եյլի համալսարան. 2002 թ․ դեկտեմբերի 11. Արխիվացված է օրիգինալից 2007 թ․ մայիսի 13-ին. Վերցված է 2011 թ․ հունվարի 25-ին.
  7. ↑ «LSC Buys TriLiteral; Turner Purchases Gürze Books». PublishersWeekly.com. Վերցված է 2018 թ․ հուլիսի 8-ին.
  8. ↑ «Yale Drama Series: Prize for Emerging Playwrights». Yale University Press. Արխիվացված է օրիգինալից 2015 թ․ մարտի 20-ին.
  9. ↑ «Yale University Press Acquires Anchor Bible Series from Doubleday». Yale Books Unbound. Yale University Press. 2007 թ․ սեպտեմբերի 25. Արխիվացված է օրիգինալից 2015 թ․ ապրիլի 2-ին. Վերցված է 2017 թ․ հունվարի 24-ին.
  10. ↑ «The Future of American Democracy Series». Արխիվացված է օրիգինալից 2015 թ․ հոկտեմբերի 24-ին.
  11. ↑ «The Future of American Democracy Foundation». Արխիվացված է օրիգինալից 2018 թ․ դեկտեմբերի 23-ին. Վերցված է 2024 թ․ փետրվարի 12-ին.
  12. ↑ Basbanes, Nicholas A. (2008). «Centennial Highlights». A World of Letters: Yale University Press, 1908-2008. New Haven: Yale University Press. էջ 222. doi:10.12987/9780300142723. {{cite book}}: More than one of |author= and |last= specified (օգնություն)
  13. ↑ «The Lamar Series in Western History». Արխիվացված է օրիգինալից 2010 թ․ հունիսի 21-ին.
  14. ↑ «Yale Press launches new imprint with 'global bookstore appeal'». Yale Bulletin and Calendar. Yale University Press. 2000 թ․ սեպտեմբերի 22. Արխիվացված է օրիգինալից 2012 թ․ փետրվարի 9-ին.
  15. ↑ Hazlitt, Henry (1964 թ․ մայիսի 5). «Mangling a Masterpiece». National Review.
  16. ↑ North, Gary (2013 թ․ մայիսի 2). «Publishing Atrocity: The 1963 Edition of Human Action».
  17. ↑ Cohen, Patricia (2009 թ․ օգոստոսի 13). «Yale Press Bans Images of Muhammad in New Book». The New York Times.

Արտաքին հղումներ

[խմբագրել | խմբագրել կոդը]
Վիքիպահեստն ունի նյութեր, որոնք վերաբերում են «Եյլի համալսարանի հրատարակչություն» հոդվածին։
Ստացված է «https://hy.wikipedia.org/w/index.php?title=Եյլի_համալսարանի_հրատարակչություն&oldid=10517959» էջից