Fassisim

Il Fassisim al è un moviment politic nazionalist, totalitari e autoritari di destre ch'al è nassût in Italie par opare di Benito Mussolini tal 1919, e ch'al è stât al guvier dal paîs dal 1922 al 1943.

Origjins e nassite (1919-1925)

Il Bienni Rôs e i Fâs di Combatiment

Il fassisim al à cjatât las sôs lidrîs in te crisi de situazion economiche e sociâl taliane daspò la Prime Vuere Mondiâl (il periodi dal "Bienni Ros"). Ai 23 di Març dal 1919, Benito Mussolini al à fondât a Milan i Fasci di combattimento (Fâs di Combatiment). Cun l'ûs des milizis armadis (lis " cjamesis neris o squadriscj), il moviment al à tacât a colpì cun la violence i sindacâts, i contadins e i partîts di çampe, cjatant il sostèn des classis dominantis e dei parons de tiere che a vevin pôre de rivoluzion comuniste.

Le Marce su Rome

Daspò lis elezions dal 1921, il moviment al è deventât il *Partito Nazionale Fascista* (PNF). Ai 28 di Otobar dal 1922, i fassiscj àn organizât la Marcia su Rome (Marce su Rome); il re Vittorio Emanuele III no al à firmât il stât di assiedi e al à afidât a Mussolini il compît di creâ un gnûf guvier. Cul Delit Matteotti tal 1924 e cun lis Leis Fassistissimis (1925-1926), Mussolini al à "rot" la democrazie, mitût fûr de leç ducj i altris partîts e instaurât une ditadure cul non di Duce.

Svilup e politiche imperiâl (1925-1939)

Lis vueris in Afriche

Tal ambit de sô politiche di fuart stamp nazionalist, il fassisim al à cirût di creâ un inperi coloniâl. Daspò la repression brutâl in te Libie tal prin deceni di regjim, ai 3 di Otobar dal 1935 Mussolini al à tacât la Vuere d'Etiopie. Cun l'ûs di armis chimichis e repressions sanganosis cuintri i civîls, lis fuarcis fassistis a àn cjapât Addis Abeba tal 1936, proclamant la nassite dal Inperi de Afriche Orientâl Taliane (AOI). Cheste aggression e à puartât a sanzions de Societât des Nazions e al svicinament de Italie ae Gjermanie naziste.

Le spedizion di trupis inte Vuere civîl spagnole

Framieç il 1936 e il 1939, il fassisim al è jentrât in mût diret inte Vuere civîl spagnole par sostegni il colp di Stât dal gjenerâl Francisco Franco cuintri la Republiche. Mussolini al à mandât un contingent militâr une vore grant, il Corpo Truppe Volontarie (CTV), cun plui di 70.000 soldâts, e al à mitût a disposizion ançje i avions de "Regia Aeronautica", che a àn bombardât citâts tant che Barcellona e Madrid, fasint deventâ plui fuart il leam ideologic cun Adolf Hitler.

La Seconde Vuere Mondiâl e lis invasions

Ai 10 di Gjugn dal 1940, la Italie fassiste e je jenterede inte Seconde Vuere Mondiâl in bande de Gjermanie. Daspò i faliments des campagnis militârs in Grecie e in Afriche, lis fuarcis talianis a àn scugnût dipendi in mût totâl dal jutori des trupis nazistis.

L'invasion de Jugoslavie (1941-1942)

Tal avrîl dal 1941, lis fuarcis dal Asse (Gjermanie, Italie e Ongjarie) a àn atacât e smembrât il Ream de Jugoslavie. Al fassisim i a son stâts afidâts i teritoris de Slovenie (Provincie di Lubiane), de Dalmazie e de Cravuazie. Tal 1942, a front de resistence fuarte dai partigjans jugoslâfs, l'esercit talian, sot dal control dal gjenerâl Mario Roatta, al à metût in at une repression violentissime e criminâl: par ordin dal regjim a forin inçendiâts paîs intîrs, eseguidis fucilazions di ostagis civîls e vierts cjamps di concentrament par slâfs, tant che chel famôs inte isule di Arbe (Rab).

Le colade e la fin dal fassisim (1943-1945)

La vuere e à puartât la Italie al scras economic e sociâl. Cul sbarc dai Aleats in Sicilie, ai 25 di Vriul dal 1943 il Gran Consigli dal Fassisim al à votât cuintri Mussolini, che al è stât fât arestâ dal Re, siorant la prime fase dal regjim.

Liberât dai todescs, Mussolini al à fondâ tal nord de Italie la Republiche Sociale Taliane (RSI, o Republiche di Salò), un guvier pupi completamentri sotmitût ae Gjermanie naziste che al à puartât a une sanganose vuere civîl cuintri la resistence partizane. Cul colâ des linis todeschis e la liberazion dal 25 di Avrîl dal 1945, Mussolini al è stât cjapât e fucilât dai partizans ai 28 di Avrîl dal 1945, finint par simpri la esperience storiche dal fassisim in Italie.

Il fassisim in Friûl.

Ancje se in misure minôr rispiet a ce che al sucedè in Emilie Romagne e in Toscane ancje in Friûl e fo la azion violente dai scuadriscj fassiscj tai prins agns 20 dal XX secul. Dopo la nassite de ditature la situazion si stabilizà. In Friûl fo puartade indenant une fuarte politiche nazionaliste cuintri lis minorancis sclavis e todescjis. E fo une politiche di italianizazion fuarçade, si improibî l’ûs di lenghis diferentis dal talian, si cirì di fâ emigrâ in Austrie i carinzians de Val Cjanâl, si obleà il gambiament dai cognons che no someavin talians, si spostarin in altri bandis de Italie i mestris elementârs che a fevelavin sloven . In cheste suaze il regjim al doprâ, almancul in part, il furlan come mieç par cirî di latinizâ i cunfins orientâi. Il furlan al fo viodût tant che un dialet dal talian che però nol fo ostegjât cussì tant come i altris dialets atôr pe Italie.

Vôs correladis

Bibliografie

Renzo De Felice, Storia del fascismo, Einaudi, Torino.
Emilio Gentile, La via italiana al totalitarismo, Carocci, Roma.