આજથી આસો નવરાત્રિ શરૂ, સૌને શુભનવરાત્રિ !
આજે આ વીડીઓ જુઓ
શબ્દો વાન્ચવા અહી ક્લીક કરો
Archive for ગરબો
નવરાત્રિની શુભકામના – ગરબો
આજથી આસો નવરાત્રિ શરૂ, સૌને શુભનવરાત્રિ !
આજે પ્રાચીન ગરબો…
કેસરિયો રંગ તને લાગ્યો ઓલ્યા ગરબા
કેસરિયો રંગ તને લાગ્યો રે લોલ!
કોના કોના માથે ઘૂમ્યો ઓલ્યા ગરબો
કોના કોના માથે ઘૂમ્યો રે લોલ!
કેસરિયો રંગ તને લાગ્યો રે ઓલ્યા ગરબા
કેસરિયો રંગ તને લાગ્યો રે લોલ!
અંબા માને માથે ઘૂમ્યો ઓલ્યો ગરબો
અંબા માને માથે ઘૂમ્યો રે લોલ!
કિયા કિયા ગામે પધરાવ્યો ઓલ્યા ગરબો
કિયા કિયા ગામે પધરાવ્યો રે લોલ!
કેસરિયો રંગ તને લાગ્યો ઓલ્યા ગરબા
કેસરિયો રંગ તને લાગ્યો રે લોલ!
અંબાજી ગામ પધરાવ્યો ઓલ્યા ગરબો
અંબાજી ગામ પધરાવ્યો રે લોલ!
કેસરિયો રંગ તને લાગ્યો રે ઓલ્યા ગરબા
કેસરિયો રંગ તને લાગ્યો રે લોલ!
કોના કોના માથે ઘૂમ્યો ઓલ્યા ગરબો
કોના કોના માથે ઘૂમ્યો રે લોલ!
કેસરિયો રંગ તને લાગ્યો રે ઓલ્યા ગરબા
કેસરિયો રંગ તને લાગ્યો રે લોલ!
ગરબો / ચપટી ભરી ચોખા ને…
અત્યારે ચૈત્ર નવરાત્રી ચાલે છે તો ચાલો આજે માણીએ આ પ્રાચીન ગરબો…
ચપટી ભરી ચોખા ને ઘીનો છે દીવડો
શ્રીફળની જોડ લઈએ રે….
હાલો હાલો પાવાગઢ જઈએ રે…
સામેની પોળથી સુથારી આવે,
સુથારી આવે માના બાજોઠ લઈ આવે
બાજોઠની જોડ લઈને રે… હાલો….
સામેની પોળથી કસુંબી આવે,
કસુંબી આવે માની ચૂંદડી લઈ આવે,
ચૂંદડીની જોડ લઈને રે….. હાલો…
સામેની પોળથી સોનીડો આવે,
સોનીડો આવે માના ઝાંઝર લઈ આવે,
ઝાંઝરની જોડ લઈને રે… હાલો….
સામેની પોળથી માળીડો આવે,
માળીડો આવે, માના ગજરા લઈ આવે,
ગજરાની જોડ લઈને રે…. હાલો….
સામેની પોળથી ઘાંચીડો આવે,
ઘાંચીડો આવે માના દીવડાં લઈ આવે,
દીવડાની જોડ લઈને રે…. હાલો….
સાથે સાથે વાંચો અંબા માતાજી ની વિશ્વંભરી સ્તુતિ જે આસો નવરાત્રીમાં પોસ્ટ કરેલ
અને આસો નવરાત્રીમાં પોસ્ટ કરેલ શ્રી અંબા માતાની આરતી
આનંદનો ગરબો
પ્રાચીન ગરબો
આજે નવરાત્રીની આઠમ છે. માણીએ એક પ્રાચીન ગરબો…
રાધાજીનાં ઊંચાં મંદિર નીચા મો’લ,
ઝરૂખડે દીવા બળે રે લોલ.
રાધા ગોરી, ગરબે રમવા આવો !
સાહેલી સહુ ટોળે વળે રે લોલ.
ત્યાં છે મારા રૂપસંગ ભાઇની ગોરી,
હાથડીએ હીરા જડ્યા રે લોલ.
ત્યાં છે મારા માનસંગ ભાઇની ગોરી,
પગડીએ પદમ જડ્યાં રે લોલ.
ત્યાં છે મારા ધીરસંગ ભાઇની ગોરી,
મુખડલે અમી ઝરે રે લોલ.
રાધાજીનાં ઊંચાં મંદિર નીચા મો’લ,
ઝરૂખડે દીવા બળે રે લોલ.
રાધા ગોરી, ગરબે રમવા આવો !
સાહેલી સહુ ટોળે વળે રે લોલ
નવરાત્રીની આઠમ-પ્રાચીન ગરબો
આજે નવરાત્રીની આઠમ છે. માણીએ એક પ્રાચીન ગરબો…
સોના વાટકડી રે કેસર
ઘોળ્યાં વાલમિયા
લીલો તે રંગનો છોડ રંગમાં ઘોળ્યાં વાલમિયા
નાક પરમાણે નથણી સોઈ રે વાલમિયા
ટીલડીની બબ્બે જોડ રંગમાં ઘોળ્યાં વાલમિયા
ડોક પરમાણે હારલાં સોઈ રે વાલમિયા
હારલાંની બબ્બે જોડ રંગમાં ઘોળ્યાં વાલમિયા
પગ પરમાણે કડલાં સોઈ રે વાલમિયા
કાબિયુંની બબ્બે જોડ રંગમાં ઘોળ્યાં વાલમિયા
સોના વાટકડી રે કેસર
ઘોળ્યાં વાલમિયા
લીલો તે રંગનો છોડ રંગમાં ઘોળ્યાં વાલમિયા
સાથીયા પુરાવો દ્વારે…
આજથી નવરાત્રી શરુ થાય છે તો ચાલો એક પ્રાચીન ગરબાથી શરુઆત કરીએ
સાથીયા પુરાવો દ્વારે, દિવડાં પ્રગટાવો રાજ,
આજ મારે આંગણે પધારશે મા પાવાવાળી,
જય અંબે જય અંબે અંબે જય જય અંબે…
વાંઝિયાનું મેણું ટાળી રમવા રાજકુમાર દે, મા ખોળાનો ખુંદનાર દે.
કુંવારી કન્યાને માડી મનગમતો ભરથાર દે, મા પ્રિતમજીનો પ્યાર દે.
નિર્ધનને ધનધાન્ય આપે, રાખે માડી સૌની લાજ
આજ મારે આંગણે પધારશે મા પાવાવાળી.
જય અંબે જય અંબે અંબે જય જય અંબે…
કુમકુમ પગલા ભરશે માડી સાતે પેઢી તરશે, મારી સાતે પેઢી તરશે.
આદ્યશક્તિ મા પાવાવાળી જનમ જનમની હરશે, પીડા જનમ જનમની હરશે.
દઈ દઈ તાળી ગાઓ આજ વાજિંત્રો વગડાવો રાજ
આજ મારે આંગણે પધારશે મા પાવાવાળી
જય અંબે જય અંબે અંબે જય જય અંબે…
શંખલપુર સોહામણુ રે…
અત્યારે ચૈત્ર નવરાત્રી ચાલે છે તો ચાલો આજે માણીએ આ પ્રાચીન ગરબો…
મનોજ દવે અને સાધના સરગમ ના સ્વર મા સાંભળવા માટે ક્લીક કરો
શંખલપુર સોહામણુ રે…
ત્યા છે તમારો વાસ મારી બહુચરા
શંખલપુર સોહામણુ રે…
દિવા બળે માને ઘી તણા રે…
આઠે પ્રહાર અજવાસ મારી બહુચરા
શંખલપુર સોહામણુ રે…
બુધ્ધી આપોને મા બહુચરા રે
હુ છુ તમારો દાસ મારી બહુચરા
શંખલપુર સોહામણુ રે…
પાટણ વાળુ મા પરગણુ રે
ગાયકવાડી ગામ મારી બહુચરા
શંખલપુર સોહામણુ રે…
આન્ધળા આવે પોકારતા રે
આવે છે માજી ની પાસ મારી બહુચરા
શંખલપુર સોહામણુ રે…
નેત્ર આપોને મા નીરખવા રે
હસતા રમતા જાય મારી બહુચરા
શંખલપુર સોહામણુ રે…
વાંઝીયા આવે પોકારતા રે
આવે છે માજી ની પાસ મારી બહુચરા
શંખલપુર સોહામણુ રે…
પુત્ર આપોને મૈયા પારણે રે
ગુણ તમારા ગાય મારી બહુચરા
શંખલપુર સોહામણુ રે…
સાથે સાથે વાંચો અંબા માતાજી ની વિશ્વંભરી સ્તુતિ જે આસો નવરાત્રીમાં પોસ્ટ કરેલ
અને આસો નવરાત્રીમાં પોસ્ટ કરેલ શ્રી અંબા માતાની આરતી
છેલાજી રે…
છેલાજી રે…..
મારે હાટુ પાટણથી પટોળાં મોંઘાં લાવજો ;
એમાં રૂડાં રે મોરલિયા ચિતરાવજો
પાટણથી પટોળાં મોંઘાં લાવજો….. છેલાજી રે…..
રંગ રતુંબલ કોર કસુંબલ,
પાલવ પ્રાણ બિછાવજો રે
પાટણથી પટોળાં મોંઘાં લાવજો….. છેલાજી રે…..
ઓલ્યા પાટણ શે’રની રે, મારે થાવું પદમણી નાર,
ઓઢી અંગ પટોળું રે, એની રેલાવું રંગધાર;
હીરે મઢેલા ચૂડલાની જોડ મોંઘી મઢાવજો રે,
પાટણથી પટોળાં મોંઘાં લાવજો….. છેલાજી રે…..
ઓલી રંગ નીતરતી રે, મને પામરી ગમતી રે,
એને પહેરતાં પગમાં રે, પાયલ છમછમતી રે;
નથણી લવિંગિયાં ને ઝૂમખાંમાં મોંઘાં મોતી મઢાવજો રે,
પાટણથી પટોળાં મોંઘાં લાવજો….. છેલાજી રે….
