Аўкцыён

Аўкцыён тунца на рыбным рынку Цукідзі ў Токіа.

Эдвін Лонг. «Вавілонскі рынак нявест», 1875. Каралеўскі каледж Холаўэй.

Аўкцыён (лац.: auctio, auctionis) — публічны продаж тавараў, уладальнікам якіх становіцца пакупнік, што прапанаваў за іх самую высокую цану.

Арганізацыя і правядзенне

Аўкцыёны праводзяцца ў вызначаных месцах па ўстаноўленых правілах спецыялізаванымі фірмамі, якія працуюць на камісійных пачатках.

Віды аўкцыёнаў

Адрозніваюць прымусовыя і добраахвотныя аўкцыёны. Прымусовыя праводзяцца паводле рашэння судовых органаў, каб спагнаць даўгі з неплацельшчыка. Добраахвотныя арганізуюць уладальнікі тавараў для іх найбольш выгаднага продажу.

Спецыялізаваныя аўкцыёны

Традыцыйнай формай міжнароднага гандлю з’яўляюцца міжнародныя аўкцыёны, на якіх рэалізуюцца тавары пэўнай наменклатуры: воўна, футра, чай, тытунь, кветкі, коні, прадметы раскошы, антыкварыят, творы мастацтва і іншыя.

На аўкцыёнах таксама прадаюць канфіскаваную і безгаспадарную маёмасць, якая паводле права на спадчыну пераходзіць ва ўласнасць дзяржавы.

На валютных аўкцыёнах ажыццяўляецца купля-продаж валюты праз упаўнаважаныя на гэта банкі.

Літаратура

• Аўкцыён // Беларуская энцыклапедыя: У 18 т. Т. 2: Аршыца — Беларусцы / Рэдкал.: Г. П. Пашкоў і інш. — Мн. : БелЭн, 1996. — Т. 2. — С. 86. — 480 с. — 10 000 экз. — ISBN 985-11-0035-8. — ISBN 985-11-0061-7 (т. 2).