Cebur nuju daging

Liga Champions UEFA

Uah pranala
Saking Wikipédia

Liga Champions UEFA (Inggris: UEFA Champions League kaancengang UCL) silih tunggil kompetisi ngawarsa klub sépakbola sané kaselenggara olih Asosiasi Sépakbola Uni Éropa (UEFA ) miwah kaperebutang olih klub Éropa divisi duur, nganentuang jayanti kompetisi saking babak panyisihan grup round robin antuk lolos nuju format sistem gugur laga ganda, miwah final laga tunggal. Punika dados silih tunggil turnamen sépakbola pinih kasub ring guminé taler kompetisi klub pinih kasub ring sépakbola Éropa, sané malaga punika para jayanti liga nasional (miwah, antuk makudang negara, asiki utawi langkung runner-up) saking asosiasi nasional dané.

Kakenalang ring warsa 1955 manados Coupe des Clubs Champions Européens (Basa Prancis antuk Piala Klub Jayanti Éropa), miwah ketah nyané kasengguh Piala Éropa, turnamen puniki ring pamabah nyané pinaka turnamen sistem gugur kabuka. Wantah jayanti liga doméstik Éropa sané malaga, antuk jayanti nyané kasengguh dados jayanti klub Éropa. Kompetisi ngambil aran sané mangkin saking warsa 1992, antuk ngawewehin babak panyisihan grup round-robin ring warsa 1991 miwah kaprasidayang akéh pamilet saking negara-negara katentu saking warsa 1997.[1] Saking pajimbaran punika, asapunika makéhan liga nasional Éropa kantun wantah kaprasida nyarengang jayantj dané, liga pinih kuat mangkin sané kalédangang ngantos papat tim.[2][3] Klub sané puput ring bacakan salanturné ring liga nasional dané, sané nénten lolos nuju Liga Champions, kalédanggang antuk nyanggra kompetisi tingkat kalih Liga Éropa UEFA, miwah saking warsa 2021, tim sané nénten ngajangkepin syarat antuk Liga Éropa UEFA pacang lolos nuju kompetisi tingkat katiga sané anyar punika Liga Konférensi Éropa UEFA.[4]

Ring format nyané sané mangkin, Liga Champions kakawitin ring ungkur Juni antuk babak panyisihan, tiga babak kualifikasi miwah babak play-off, makasami kamainang ring kalih lég. Nem tim sané kantun lolos nyanggra babak panyisihan grup, masikiang sareng 26 tim sané lolos sadurungné. Ka-32 tim kaundi dados ring kutus grup sané kadiri saking papat tim miwah malaga ring sistem round-robin ganda. Kutus jayanti grup miwah kutus runner-up ngalanturang nuju babak knockout sané mamuncuk ring laga final kaselenggara ring ungkur Méi utawi ring pamahbah Juni.[5] Jayanti Liga Champions otomatis lolos nuju Liga Champions warsa salantur nyané, taler madué hak malaga ring Piala Super UEFA miwah Piala Jagat Antarklub FIFA.[6][7]

Himne

[uah | uah wit]
"Magic...it's magic above all else. When you hear the anthem it captivates you straight away."

—Zinedine Zidane[8]

Kalih tim punika mabaris antuk Himne Liga Champions UEFA sadurung soang-soang laga lan kobér logo "starball" Liga Champions kaibar ring lingkehan tengah.

Himne Liga Champions UEFA, sané sacara resmi mamurda cutet dados "Champions League", kasurat olih Tony Britten, miwah punika adaptasi saking himne karya George Frideric Handel warsa 1727 mamurda Zadok the Priest (silih sinunggil druén Coronation Anthems).[9][10] UEFA nugasang Britten duk warsa 1992 antuk ngaransemén satunggil tembang himne, miwah karya punika kabakta olih Royal Philharmonic Orchestra London tur katembangang olih Academy of St. Martin in the Fields.[9] Sareng nganikanyang pinaka "himne puniki sekadi pateh ikoniknyané sareng trofi", situs wéb resmi UEFA ngawewehin pinaka punika "kaloktah prasida ngabangkitang semangat akéh pemain sépakbola becik ring jagat".[9]

Pahan refrain madaging tiga basa resmi sané kaanggén olih UEFA: Inggris, Jerman, tur Prancis.[11] Momen klimaks kairingin seruan-seruan 'Die Meister! Die Besten! Les Grandes Équipes! The Champions!'.[12] Paduan suara tembang punika kamainanang sadurung soang-soang laga Liga Champions UEFA rikala kalih tim punika mabaris, taler ring pangawit lan pamuput siaran televisi laga. Tiosan ring himne, wénten taler musik ngranjing, sané madaging pahan-pahan saking himne punika, sané kamainang rikala tim-tim ngranjing ring lapangan.[13] Himne jangkepnyané madué durasi sawatara tiga menit, miwah madaging saking kalih bait cutet tur pahan refrain.[11]

Pustaka

[uah | uah wit]
  1. ↑ "Football's premier club competition". UEFA.com. Union of European Football Associations. 31 Januari 2010. Kaaksés 23 Méi 2010.
  2. ↑ "Clubs". UEFA.com. Union of European Football Associations. 12 Méi 2020. Kaaksés 12 Méi 2020.
  3. ↑ Union of European Football Associations (24 Méi 2013). UEFA Europa League further strengthened for 2015–18 cycle. Siaran pers.
  4. ↑ Union of European Football Associations (2 Désémber 2018). UEFA Executive Committee approves new club competition. Siaran pers.
  5. ↑ "Matches". UEFA.com. Union of European Football Associations. 12 Méi 2020. Kaaksés 12 Méi 2020.
  6. ↑ "Club competition winners do battle". UEFA.com. Union of European Football Associations. 31 Januari 2010. Kaaksés 23 Méi 2010.
  7. ↑ "FIFA Club World Cup". FIFA.com. Fédération Internationale de Football Association. Kaaksés 30 Désémber 2013.
  8. ↑ The story of the UEFA Champions League anthem. Union of European Football Associations. 8 March 2016. Kaarsipin saking versi asli tanggal 20 November 2020. Kaaksés 17 August 2018 – saking YouTube.
  9. 1 2 3 "UEFA Champions League anthem". UEFA.com. Union of European Football Associations. Kaarsipin saking versi asli tanggal 18 August 2020. Kaaksés 12 May 2020.
  10. ↑ Media, democracy and European culture. Intellect Books. 2009. p. 129. ISBN 978-1-84150-247-2. Kaarsipin saking versi asli tanggal 7 December 2023. Kaaksés 14 September 2014. Check date values in: |access-date= (help)
  11. 1 2 "What is the Champions League music? The lyrics and history of one of football's most famous songs". Wales Online. Kaarsipin saking versi asli tanggal 17 August 2018. Kaaksés 17 August 2018.
  12. ↑ Fornäs, Johan (2012). Signifying Europe (PDF). Bristol, England: intellect. pp. 185–187. Kaarsipin saking versi asli (PDF) tanggal 10 February 2018.
  13. ↑ UEFA Champions League entrance music. Daniel Pichliński. 29 September 2016. Kaarsipin saking versi asli tanggal 11 December 2021. Kaaksés 17 August 2018 – saking YouTube. Check date values in: |date= (help)
Kapolihang saking "https://ban.wikipedia.org/w/index.php?title=Liga_Champions_UEFA&oldid=271646"