پراݣ
پراڭ  | |
|---|---|
Praha (cs) hlavní město Praha (cs) | |
 الراية  الشعار | |
 | |
 | |
| معلومات عامة | |
| اللقب | Mater urbium، Stověžatá Praha، Praga Caput Regni |
| تاريخ التأسيس | 800 |
| نوع التجمع | بلدية بصلاحيات بلدة في جمهورية التشيك |
| لبلاصة | |
| لبلاد | تشيك |
| عاصمة ديال | تشيك |
| لإقليم | تشيك |
| مدن توأم | طايپي |
| لإدارة | |
| لعمدة | Bohuslav Svoboda (2023) |
| المجلس المحلي | Prague City Assembly |
| التقسيمات المحلية | Radotín، Kbely، Újezd nad Lesy، Kunratice، Slivenec |
| السكان | |
| شحال دالسكان | 1٬397٬880 (2025) |
| السمية ديال السكان | Pražan (cs)، Pražanka (cs) |
| شحال دلفاميلات | 721٬332 (2021) |
| لجغرافيا | |
| لميساحة | 496.21 كم² |
| لقمة لعالية | Teleček |
| لبلاصة الطايحة | فلتافا |
| لعلو | 235 متر |
| شحال دلما (%) | 2.20٪ |
| لإحداثيات | 50.0875°، 14.421388888889° |
| معلومات خرين | |
| نمرة التيليفون لمحلية | 2 |
| كود د لبوصطة | 100 00–199 00، 252 26، 252 28 |
| السيت الرسمي | السيت الرسمي |
| الرمز لجغرافي | 3067696 |
| لموقع الجغرافي | |
 | |
| ويكي بيانات · معلومات على القالب | |
پراݣ (ب تّشيكية Praha، ب لألمانية Prag، ب لّاتينية Praga) هيّا لعاصيمة ديال لجمهورية د تّشيك ؤ أكبر مدينة فيها، ؤ نمرة تلطاش ف ترتيب لمدون لكبار ديال تّيحاد لؤروپي. لعاداد د سّكان ديالها 1.3 مليون د بنادم ف لمدينة براسها، ؤ 2.7 مليون ف لمنطقة لميطروپوليطانية لي تابعة ليها.[1]
پراݣ من بين أهم لعواصم تّقافية ف ؤروپا، ؤ لمدينة لخامسة فيها من حيت لعاداد د زّوار لي جاو ليها ف 2017 ؤ سّاتة ف 2018 ؤ تّاسعة ف 2019.[2][3] تاريخيا كانت هيا لعاصيمة ديال مملكة بوهيميا، ؤكانت مدينة موهيمة ف لإمبراطورية لؤسطروهانݣارية، ؤ ولات من بعد لعاصيمة ديال تشيكوصلوڤاكيا حتال 1993 فاش تفرتقات ل جوج بلدان هوما تّشيك ؤ سلوڤاكيا. ف 1992، صّونطر ديال پراݣ ولا داخل ف لّيستة د ليونيسكو ديال تّرات لعالمي.
صعيب نعرفو فوقاش تأسسات پراݣ كا مدينة. كاينين فيها أدلة ديال سّكنة د بنادم من لعصر لپاليوليثي ؤلا لحجري لقديم، لي تسالا ف حدود هادي 12000 عام، شي لي ماكيدلش ب ضّارورة علا تواجد بشري مستامر. لمؤرخ لألماني ليهودي داڤيد ݣانس كتب بلي پراݣ تأسسات كا مدينة سميتها بويهايم Boihaem من طاراف ماليك سميتو بويّا Boyya ف 1306 قبل لميلاد، ولاكين ماكاينينش أدلة مادية (نقيشات، شقفات د لفلوس) علا هاد لهضرة.
ف علاين لقرن لخامس قبل لميلاد، واحد لمجموعة د لقبايل لكيلتية دارو مستوطنة ديالهوم ف زاڤيست، لي دابا كاينة ف ضّواحي ديال پراݣ، ؤ سمّاو لمنطقة بويوهايموم Boiohaemum، يعني بلاد ديال شعب لبويي.[4] ف لّخر ديال لألفية لّولة قبل لميلاد، لقبايل لجرمانية غادي يجرّيو علا لكلتيين من لمنطقة. ف لقرن تّاني لميلادي، لجغرافي ليوناني كلاوديوس پطوليمايوس رسم خريطة ديال جّيهة فين كاينة دابا پراݣ، ؤ دار بلي كانت فيها مدينة جرمانية سميتها كاسورݣيس Casurgis.
ف لقرن لخامس لميلادي، مورما طاحت لإمبراطورية رّومانية لغربية، غادي يوقعو هجرات كبار ف ؤروپا، لي ف خيلالهوم غادي يخويو لجرمانيين لمنطقة لوسطانية د بوهيميا، ؤ ياخدو بلاصتهوم لقبايل سّلاڤية، لي من بينهوم لقبايل تّشيكية، لي ف لقرون تّلاتة لي تبعو هادشي غادي يبنيو عاداد ديال لقلاعي ف پراݣ ؤ نّواحي ديالها.[5]
لؤسطورة ديال تّأسيس د پراݣ كاتنسب هاد لحادات ل دوكة ؤ شوافة لي عاشت ف لقرن تّامن لميلادي سميتها ليبوشي ؤ راجلها پشيميسّل لي أسس سّلالة لپشيميسلية لي حكمات مملكة بوهيميا، ؤ مناطق خرين ف ؤروپا لوسطانية حتال لقرن سطاش. لأسطورة كاتݣول بلي ليبوشي وقفات علا صخرة كبيرة حدا واد ڤلطاڤا ؤ ب تاشوافت ديالها تنبآت: كانشوف مدينة عضيمة لي لمجد ديالها غادي يوصل ل نّجوم، ؤ أمرات باش يتبنا قصر ؤ مدينة سميتها پراها ف ديك لبلاصة.[5]
لمنطقة ولاو كيحكموها دّوكات لي ولاو من بعد ملوك ديال بوهيميا. پراݣ ولات مركز تيجاري موهيم، ؤ ستاقرو فيها تّجار من ؤروپا كاملة، منهوم تّجار ليهود من سپانيا من لقرن لعاشر.
- Praha - پراݣ
- ↑ "عاداد د سّكان ف 1 يناير 2021". Eurostat. Archived from the original on 2020-11-12. Retrieved 2021-08-09.
- ↑ "Leading European city tourism destinations in 2019, by number of bednights" (ب الإنجليزية). Archived from the original on 2023-02-21. Retrieved 2021-08-10.
- ↑ "Leading city destinations in Europe from 2016 to 2018, by number of international arrivals" (ب الإنجليزية). Archived from the original on 2023-04-17. Retrieved 2021-08-10.
- ↑ "Unearthing Bohemia's Celtic heritage [لكشف علا تّرات لكيلتي]" (ب الإنجليزية). 29 أكتوبر 2004. Archived from the original on 2023-05-30. Retrieved 13 غشت 2021.
- 1 2 ديميتز پيتر (1997). Prague in black and gold : scenes from the life of a European city [پراݣ ب لكحل ؤ دّهبي: سينات من لحياة ديال مدينة ؤروپية] (ب الإنجليزية). New York : Hill and Wang.
{{cite book}}: CS1 maint: publisher location (link)
 |
ويكيميديا كومنز عندا تصاور و معلومات على پراݣ. |
