મારી પથ્થરની કાયામાં વેલીનાં પાંદડાં ફરકે ~ અનિલ જોશી ~ સ્વરાંકન: રાજેન્દ્ર ઝવેરી ~ સ્વર: તૃપ્તિ છાયા

કવિ: અનિલ જોશી
સ્વરાંકન: રાજેન્દ્ર ઝવેરી
સ્વર: તૃપ્તિ છાયા
આલબમ: અલબેલો અડકે મને

મારી પથ્થરની કાયામાં વેલીનાં પાંદડાં ફરકે

પાલવમાં આળખેલા ફૂલને સુગંધ ફૂટી
પગલીથી ચિતરાયાં ફળિયાં
રમકડાંના મોરલા ગહેક્યા કરે
ને ઊડ્યાં વાદળાં બનીને મારાં નળિયાં
મારા કમખામાં ચોમાસું એવું બેઠું
કે હવે સહરાના કાંઠાયે છલકે

મારી પથ્થરની કાયામાં વેલીનાં પાંદડાં ફરકે

પંખા ઉપર કોઈ માળો ન બાંધશો
પંખો ફરશે ને વિખરાશે
રમકડાંના મોરલા ગહેકશે નહીં
અને ફળિયામાં પગલી ખોવાશે
મૃગજળ સીંચીને અમે ઉછેરી વેલ
એનાં પાંદડાંઓ ડાળમાંથી સરકે

મારી પથ્થરની કાયામાં વેલીનાં પાંદડાં ફરકે

~ અનિલ જોશી 

ઝેરી કાળોતરો ડંખે (ગીત) ~ વિનોદ જોશી ~ સ્વરાંકન: પુરુષોત્તમ ઉપાધ્યાય ~ સ્વર: કિન્નરી વૃંદ

રચના: વિનોદ જોશી
સ્વરાંકન: પુરુષોત્તમ ઉપાધ્યાય
સ્વર: કિન્નરી વૃંદ

ઝેરી કાળોતરો ડંખે,
કાંઈ મીઠો લાગે કાંઈ મીઠો લાગે
મારી આરપાર શેરડીનો સાંઠો,
આરપાર શેરડીનો સાંઠો રે લોલ…

વેણીનાં ફૂલ જેવી ભરડાની ભીંસ,
ભીતરમાં ભંડારી લોહીઝાણ ચીસ;

પીડા ઘેઘૂર મને રંગે રે!
કાંઈ ફોરી લાગે કાંઈ ફોરી લાગે !
હે જી તાણો આ રેશમની ગાંઠો,
તાણો આ રેશમની ગાંઠો રે લોલ…

વાદીડે કેમ કર્યા મહુવરના ખેલ?
રાફડામાં પૂર્યાં કંઈ લીલાં દીવેલ!

નીતરતું ઘેન મારે અંગે રે!
કાંઈ ભીનું લાગે, કાંઈ ભીનું લાગે!
મારે છલકાવું કેમ? નથી કાંઠો,
છલકાવું કેમ? નથી કાંઠો રે લોલ…

***

કૈં ઈશ્વરની જેવું મળે ક્યાંક તમને ~ હિતેન આનંદપરા ~ સ્વરાંકન-સ્વરઃ આલાપ દેસાઈ

રચનાઃ હિતેન આનંદપરા
સ્વરાંકન-સ્વરઃ આલાપ દેસાઈ
આલબમઃ ગઝલ ટ્રાયો

કૈં ઈશ્વરની જેવું મળે ક્યાંક તમને, હો મંદિર કે રસ્તે, એને ઊજવી લો
ને માણસની જેવું કળે છાતીએ જો, વધાવી લો ફૂલે, એને ઊજવી લો

ફરક આપણામાં બહુ નાનકડો અમથો, તું તોળીને બોલે, હું બોલીને તોળું
ખુલાસાઓ ઓસરતા જાયે પછીથી, જે ખામોશી ઊઘડે એને ઉજવી લો

જે આપણને મૂકીને ચાલ્યા ગયા છે, એનો ગમ ઉઠાવીને ક્યાં સુધી જીવશું?
એ સંભવ છે પૂરો, જૂનું જે ગયું છે, નવા નામે મળશે, એને ઉજવી લો

થવા કાળ ભેગા થયા આપણે સૌ, થવા કાળ છૂટ્ટા પણ પડતા જવાના
આ મૂડીમાં મુઠ્ઠીભર સ્મરણો બચ્યા છે, એ આંખે વળગશે એને ઊજવી લો

હો મીરાંના ગીતો કે ગાલિબની ગઝલો કે પરવીનની ખિન્ન કરતી અછાંદસ
પ્રકારોના વળગણને બાજુએ મૂકી, હૃદયને જે સ્પર્શે એને ઊજવી લો

***

रोने से और इश्क़ में बेबाक हो गए ~ मिर्ज़ा ग़ालिब ~ संगीत: ह्रदयनाथ मंगेशकर ~ स्वर: लता मंगेशकर

ग़ज़ल: मिर्ज़ा ग़ालिब
संगीत: ह्रदयनाथ मंगेशकर
स्वर: लता मंगेशकर

रोने से और इश्क़ में बेबाक हो गए
धोए गए हम इतने कि बस पाक हो गए

सर्फ़-ए-बहा-ए-मय हुए आलात-ए-मय-कशी
थे ये ही दो हिसाब सो यूँ पाक हो गए

रुस्वा-ए-दहर गो हुए आवारगी से तुम
बारे तबीअतों के तो चालाक हो गए

कहता है कौन नाला-ए-बुलबुल को बे-असर
पर्दे में गुल के लाख जिगर चाक हो गए

पूछे है क्या वजूद ओ अदम अहल-ए-शौक़ का
आप अपनी आग के ख़स-ओ-ख़ाशाक हो गए

करने गए थे उस से तग़ाफ़ुल का हम गिला
की एक ही निगाह कि बस ख़ाक हो गए

इस रंग से उठाई कल उस ने ‘असद’ की ना’श
दुश्मन भी जिस को देख के ग़मनाक हो गए

***

મને પ્રીત કરવાનો મોકો મળ્યો’તો ~ સૈફ પાલનપુરી ~ સ્વરાંકન: પુરુષોત્તમ ઉપાધ્યાય ~ સ્વર: સોનાલી શેઠ

રચના: સૈફ પાલનપુરી
સ્વરાંકન: પુરુષોત્તમ ઉપાધ્યાય
સ્વર: સોનાલી શેઠ

મને પ્રીત કરવાનો મોકો મળ્યો’તો
ને તારાઓ ગણવાની આદત પડી’તી
હતી ધન્ય થોડી પળો જિંદગીમાં
મને ગીત ગાવાની ફુરસત મળી’તી

તમે વાત મારી ભલેને ન માનો
મને પણ છે ક્યાં કઈ હરખ શોક એનો
મને પણ ખબર ક્યાં રહી’તી એ યુગમાં
દિવસ ક્યાં ગયો રાત ક્યારે પડી’તી

***

ક્યારેક એવો થાય અનુભવ અવાજનો (ગઝલ) ~ મનોજ ખંડેરિયા ~ સ્વરકાર: અમર ભટ્ટ ~ સ્વર: રાસબિહારી દેસાઈ

રચના: મનોજ ખંડેરિયા
સ્વરકાર: રાસબિહારી દેસાઈ
સ્વર: અમર ભટ્ટ

ક્યારેક એવો થાય અનુભવ અવાજનો
અડકું તો ઓગળી જતો પાલવ અવાજનો

ઊડી જજો હે મારા ધવલ મૌનનાં વિહગ
લાગ્યો છે આજ જંગલોમાં દવ અવાજનો

ઘોંઘાટિયા શહેરમાં તારું ટહુકવું
ખીલ્યું છે એક પદ્મ ને કાદવ અવાજનો

અર્થોની અપ્સરાઓ બધી ક્યાં ગઈ કહો
ઝાંખો હવે પડી ગયો વૈભવ અવાજનો

આજે પવન ફરીથી અચાનક પડી ગયો
થાયે કદાચ ક્યાંકથી ઉદ્ભવ અવાજનો

***

शाम के साँवले चेहरे को निखारा जाये ~ शायर: क़तील शिफ़ाई ~ गुलूकार: हुसैन बक्श खान

शायर: क़तील शिफ़ाई
गुलूकार: हुसैन बक्श खान

शाम के साँवले चेहरे को निखारा जाये
क्यों न सागर से कोई चाँद उभारा जाये

रास आया नहीं तस्कीं का साहिल कोई
फिर मुझे प्यास के दरिया में उतारा जाये

मेहरबाँ तेरी नज़र, तेरी अदायें क़ातिल
तुझको किस नाम से ऐ दोस्त पुकारा जाये

(मुझको डर है तेरे वादे पे भरोसा करके
मुफ़्त में ये दिल-ए-ख़ुशफ़हम न मारा जाये)

जिसके दम से तेरे दिन-रात दरख़्शाँ थे “क़तील”
कैसे अब उस के बिना वक़्त गुज़ारा जाये

(प्रेषक: प्रणय वसावड़ा)

તારી નજરથી જિંદગીનો રંગ ફરી ગયો ~ પિનાકીન ત્રિવેદી ~ સ્વર: હરિહરન

રચના: પિનાકીન ત્રિવેદી
સ્વરાંકન: ?
સ્વર: હરિહરન

તારી નજરથી જિંદગીનો રંગ ફરી ગયો,
ભવભવની આ મજલનો મારો ઢંગ ફરી ગયો.

ભટકી ભમીભમીને થાકી ગયો’તો ભારી,
આશા મૂકી દીધી’તી, હિંમત ગયો’તો હારી;
ભીતર ને બહાર જામી ઘનઘોર અંધિયારી,
ત્યાં તો વીજલ કડાકે સ્વારી પધારી તારી,
તારો આ ચમત્કાર મને દંગ કરી ગયો. — તારી

જ્યાં કાલિમા હતી ત્યાં શી લાલિમા છવાઈ!
મરુભોમ  જ્યાં હતી ત્યાં નંદનબહાર છાઈ!
જ્યાં મોત નાચતું ત્યાં સંજીવની શી તારી
પલટી રહી બધું આ ચડતી અજબ ખુમારી.
આ સંગમે સંસારનો સૌ સંગ સરી ગયો. — તારી

(પ્રેષક: સંજય રાઠોડ)

ખાલી કૂવે કોશ ચલાવી હવે અમે તો થાક્યા રે ~ ચંદ્રકાન્ત શેઠ ~ સ્વર અને સ્વરાંકન: અમર ભટ્ટ

રચના: ચંદ્રકાન્ત શેઠ
સ્વર અને સ્વરાંકન: અમર ભટ્ટ

ખાલી કૂવે કોશ ચલાવી હવે અમે તો થાક્યા રે,
અરે અમારે તળિયે કોરાં ઝરણ ઝાંઝવાં જાગ્યાં રે .

ખેતર મોટાં ખેડ ઘણેરી બીજ ઊંચેરા વાવ્યાં  રે,
ગગન થકી નહિ અમરત ઉતર્યાં, ઊગતામાં મુરઝાયાં રે,
ખાલી હાથે અમે જ અમને અદકા ભારે લાગ્યા રે.
અરે અમારે તળિયે કોરાં ઝરણ ઝાંઝવાં જાગ્યાં રે .

મનના મારગ ખુંદતા ખુંદતા બોર રૂપાળા મળિયા રે
જ્યારે ચાખ્યા ત્યારે જાણ્યું નકરા એમાં ઠળિયા રે
ખાલીપામાં ખોવાયાં જલ ઊંડે અમને વાગ્યાં રે
અરે અમારે તળિયે કોરાં ઝરણ ઝાંઝવાં જાગ્યાં રે .

***

વાયરાની ડેલીએ બેસીને રોજ કહાન ~ રસિક દવે ‘બેહદ લુંધીયાવી’ ~ સ્વર અને સ્વરાંકન: પીયૂષ દવે

રચના: રસિક દવે ‘બેહદ લુંધીયાવી’
સ્વર અને સ્વરાંકન: પીયૂષ દવે, કથન સ્ટુડિયો. જૂનાગઢ

વાયરાની ડેલીએ બેસીને રોજ કહાન, વાટ્યુંને ભીંજવી છે આંખ્યથી
વાટ્યુંને ભીંજવી છે આંખ્યથી.

નજર્યુંના પંખીઓ ઊડી ઊડીને કહાન મથુરાના માર્ગે જાતા,
છાના નિ:શ્વાસોને છાતીમાં પૂરીને શમણાઓ રોજ નંદવાતા,
મનના વૃંદાવનને સળગાવી રાતભર,
દાઝ્યા કર્યું છે અમે આગ્યથી..
વાયરાની ડેલીએ….

જમાનાના નીર મારી પાંપણથી ચાલ્યા ને શૂળો થઈ ભોંકાણી રાત,
છાતીનો ડૂમો ગોવર્ધન થઈ બેઠો ને પરાઈ થૈ ગૈ છે જાત,
પવનના ઝોંકામાં વાંસળીનો સૂર હવે વાગ્યા કરે છે તમ યાદથી..
વાયરાની ડેલીએ…

ગાયોના બાળ હવે નાચતા નથી કે નથી ગોરજની સંધ્યાઓ થાતી,
“ફરિયાદી થૈ નથી.. ગોપીઓએ જાતી નથી” જશોદાજી મીઠું ખીજાતી,
ગોરસની મટુકી અકબંધ રહે છે મારી મારગના બંધ તવ વાદથી…
વાયરાની ડેલીએ….

***