Flokkunarkerfi lífvera

Flokkunarkerfi lífvera er flokkun sem líffræðingar beita til að flokka lifandi og útdauðar lífverur. Nútímaflokkun á rætur sínar að rekja til verka Carl von Linné sem flokkaði lífverur samkvæmt sameiginlegum útlitseinkennum. Carl von Linné var grasafræðingur og byggði flokkun sína á plöntum einkum á fjölda fræfla. Hann setti fyrstur fram tvínafnakerfið. Flokkunarkerfið byggist á stigskiptri flokkun þannig að skyldar tegundir mynda saman ættkvíslir, skyldar ættkvíslir mynda ættir o.s.frv. Þessi flokkun hefur verið endurbætt síðan Charles Darwin kom fram með þróunarkenningu sína.

Dæmi

Meðfylgjandi er dæmi um venjulega flokkun á fimm tegundum en þær eru: ávaxtafluga (Drosophila melanogaster) sem er algeng í erfðafræðirannsóknastofum, maður (Homo sapiens), gráerta (Pisum sativum) sem Gregor Mendel notaði við uppgötvanir sínar í erfðafræði, berserkjasveppur (Amanita muscaria) og saurbaktería (Escherichia coli). Flokkarnir eru feitletraðir. Einnig koma fram undirflokkar.

Flokkunarkerfið notar latnesk heiti samkvæmt gamalli hefð. Sum þessara heita hafa fengið samsvarandi íslensk heiti, en alls ekki öll. Því er íslenska heitið haft í sviga þar sem það er til.

Flokkur	Ávaxtafluga	Maður	Gráerta	Berserkjasveppur	Saurbaktería
Lén	Eukaryota (heilkjörnungar)	Eukaryota (heilkjörnungar)	Eukaryota (heilkjörnungar)	Eukaryota (heilkjörnungar)	Bacteria (gerlar)
Ríki	Animalia (dýraríkið)	Animalia (dýraríkið)	Plantae (jurtaríkið)	Fungi (svepparíkið)	Pseudomonadati
Fylking	Arthropoda (liðdýr)	Chordata (seildýr)	Tracheophyta (æðplöntur)	Basidiomycota (kólfsveppir)	Pseudomonadota
Undirfylking	Hexapoda (sexfætlur)	Vertebrata (hryggdýr)	Angiospermae (dulfrævingar)	Agaricomycotina (kempuundirfylking)
Flokkur	Insecta (skordýr)	Mammalia (spendýr)	Eudicota (tvíkímblöðungar)	Agaricomycetes (kempuflokkur)	Gammaproteobacteria
Undirflokkur	Pterygota (vængberar)	Placentalia (legkökuspendýr)	Rosidae	Agaricomycetidae
Ættbálkur	Diptera (flugur)	Primates (fremdardýr)	Fabales (belgjurtabálkur)	Agaricales (kempubálkur)	Enterobacteria (iðragerlar)
Undirættbálkur	Brachycera	Haplorhini (apar)
Ætt	Drosophilidae (glerflugur)	Hominidae (mannætt)	Fabaceae (ertublómaætt)	Amanitaceae (serksætt)	Enterobacteriaceae (þarmagerlar)
Undirætt	Drosophilinae	Homininae	Faboideae
Ættkvísl	Drosophila	Homo (menn)	Pisum (ertur)	Amanita (reifasveppir)	Escherichia
Tegundir	Drosophila melanogaster	Homo sapiens	Pisum sativum	Amanita muscaria	Escherichia coli

Tilvísanir

  Þessi líffræðigrein er stubbur. Þú getur hjálpað til með því að bæta við greinina.