Прагляд крыніцы для Java

== Асаблівасьці ==

=== Незалежнасьць ад архітэктуры ===
Незалежнасьць ад архітэктуры азначае, што [[праграма]], напісаная на мове ''Java'', мусіць працаваць заўсёды аднолькава на любой з падтрымліваемых плятформаў. Аднойчы напісаная праграма й аднойчы скампіляваная, працуе ўсюды.
Для дасягненьня гэтага большая частка ''Java''-[[кампілятар]]аў пераўтварае код мовы ''Java'' ў [[Java байткод]] — спрошчаныя машынныя інструкцыі, спэцыфічныя для [[Java (праграмная плятформа)|Java плятформы]].

=== Аўтаматычнае прыбіраньне сьмецьця ===
Адной з галоўных ідэяў Java была аўтаматычная мадэль кіраваньня памяцьцю. Java-праграміст пазбаўлены неабходнасьці самастойнага кіраваньня памяцьцю. У некаторых іншых мовах праграмаваньня праграміст вымушаны самастойна прызначаць памяць для стварэньня аб’ектаў і разьмяшчэньня іх ў кучы (heap). Пасьля гэтага ён адказны за самастойнае вызваленьне захопленае памяці, калі ў ёй зьнікала неабходнасьць. Калі праграміст забываўся на вызваленьне памяці пасьля таго, як аб’екты зьмешчаныя ў ёй станавіліся непатрэбнымі, адбывалася тое, што называецца працёкам памяці (memory leak). У выніку праграма магла ўжываць неабмежаваную колькасьць даступнае памяці. У дадатак да гэтага, калі праграміст спрабаваў вызваліць адну й тую ж вобласьць памяці некалькі разоў, праграма магла стацца нестабільнай і гэта магло выклікаць яе парушэньне.

У Java гэтыя патэнцыйныя праблемы пазьбягаюцца сыстэмай аўтаматычнага прыбіраньня сьмецьця. Праграміст проста стварае аб’екты й карыстаецца імі пры неабходнасьці, а асяродзьдзе Java адказвае за кіраваньне створанымі праграмістам аб’ектамі на працягу ўсяго цыклу жыцьця праграмы. Праграма ці аб’екты працуюць зь іншымі аб’ектамі праз спасылкі (якія, зь нізкаўзроўневавага пункту гледжаньня зьяўляюцца адрасамі на іх у кучы). Калі спасылак на аб’ект не застаецца, прыбіральнік сьмецьця ў Java аўтаматычна выдаляе гэтыя аб’екты, вызваляе памяць і прадухіляе працёкі памяці. Працёкі памяці ўсё яшчэ могуць адбывацца, калі код праграмы ўтрымлівае спасылкі на аб’екты, якія болей не патрэбныя, але гэтыя працёкі адбываюцца на больш высокім канцэптуальным узроўні.

=== [[API]] ===
[[Кляса (праграмаваньне)|Клясы]] ў [[API]] Java арганізаваныя ў асобныя групы, якія маюць назву пакетаў (packages). Кожны пакет утрымлівае набор злучаных інтэрфэйсаў, [[Кляса (праграмаваньне)|клясаў]] ды выключэньняў. Дасягнасьць розных пакетаў [[API]] залежыць ад выбранай плятформы:
* [[Java Platform, Micro Edition]] (Java ME) — накіраваная на абсталяваньне з абмежаванай [[вылічальная магутнасьць|вылічальнай магутнасьцю]] ([[мабільны тэлефон|мабільныя тэлефоны]], [[кішэнны кампутар|кішэнныя кампутары]] і г. д.).
* [[Java Platform, Standard Edition]] (Java SE) — накіраваная на настольныя сыстэмы, стварэньне дастасаваньня для канечнага карыстальніка.
* [[Java Platform, Enterprise Edition]] (Java EE) — накіраваная на стварэньне дастасаваньня ўзроўню прадпрыемства.

Гэтыя наборы [[API]] кантралююцца [[Sun Microsystems]] у супольнасці зь іншымі зацікаўленымі суб’ектамі праз праграму [[Java Community Process]]. Удзельнікі гэтае праграмы, кампаніі ці індывідуальныя распрацоўшчыкі, могуць удзельнічаць у працэсе распрацоўкі Java [[API]]. Аднак гэта сталася прадметам разнагалосьсяў.