República Romana

	periodu históricu
Alministración
Nome oficial	Res publica Romana (la)
Capital	Roma
Forma de gobiernu	república aristocrática
Llingües oficiales	llatín
Relixón oficial	Relixón na Antigua Roma
Xeografía
Coordenaes	40°N 10°E / 40°N 10°E
Superficie	10000 km²
Demografía
Economía
Moneda	moneda romana

Pa ver otros usos d'esti términu, República Romana (dixebra).

La República romana (en llatín: Rēs pūblica Populī Rōmānī, Rōma o Senātus Populusque Rōmānus) foi un periodu de la historia de Roma caracterizáu pol réxime republicanu como forma de gobiernu, que s'estiende tradicionalmente dende'l 509 e.C., cuando se punxo fin a la Monarquía romana cola espulsión del últimu rei, Luciu Tarquiniu'l Soberbiu, hasta'l 27 e.C., cuando Octavianu recibió'l títulu d'Augustu, fecha que convencionalmente marca l'entamu del Imperiu romanu.^[1]

La República romana consolidó'l so poder nel centru d'Italia mientres el sieglu V e.C. y nos sieglos IV y III e.C. impúnxose como potencia dominante de la península itálica, sometiendo o incorporando a los demás pueblos de la rexón y enfrentándose a les polis griegues del sur.^[2] Na segunda metá del sieglu III e.C. proyeutó'l so poder fuera d'Italia, lo que llevó a una serie d'enfrentamientos con otres grandes potencies del Mediterraneu, especialmente Cartago y el Reinu de Macedonia, de los que Roma salió convertida na potencia dominante de la rexón.^[1]

Nos años siguientes, siendo yá la principal potencia del Mediterraneu, Roma espandió'l so poder sobre les polis griegues; el reinu de Pérgamu incorporóse a la República y nel sieglu I e.C. conquistó territorios d'Oriente Próximu, ente ellos los últimos dominios del Imperiu seléucida.^[3] Ente finales del sieglu II e.C. y el sieglu I e.C., Roma esperimentó grandes cambeos sociales y políticos, al empar que les tensiones derivaes de la espansión territorial, les desigualdaes y la competencia poles maxistratures ente la aristocracia romana contribuyeron a una sucesión de crisis y conflictos internos.^[1] Les guerres civiles de la República tardía acabaron provocando'l colapsu del sistema republicanu y dieron pasu a una nueva etapa de la historia de Roma: l'Imperiu romanu.^[1]

Referencies

1 2 3 4 The Metropolitan Museum of Art (ed.): «The Roman Republic» (inglés) (ochobre de 2000). Consultáu'l 26 d'agostu de 2026.
↑ The Metropolitan Museum of Art (ed.): «Roman Art: A Resource for Educators» (inglés). Consultáu'l 26 d'agostu de 2026.
↑ The Metropolitan Museum of Art (ed.): «The Seleucid Empire (323–64 B.C.)» (inglés) (ochobre de 2004). Consultáu'l 26 d'agostu de 2026.

Enllaces esternos

[MetRepublic-1] 1 2 3 4 The Metropolitan Museum of Art (ed.): «The Roman Republic» (inglés) (ochobre de 2000). Consultáu'l 26 d'agostu de 2026.

[2] The Metropolitan Museum of Art (ed.): «Roman Art: A Resource for Educators» (inglés). Consultáu'l 26 d'agostu de 2026.

[3] The Metropolitan Museum of Art (ed.): «The Seleucid Empire (323–64 B.C.)» (inglés) (ochobre de 2004). Consultáu'l 26 d'agostu de 2026.

[1]

[2]

[3]